ଜୟପୁର,୬।୧୨: ରାହୁଲ ଗାନ୍ଧୀଙ୍କ ନେତୃତ୍ୱରେ କଂଗ୍ରେସର ଭାରତ ଯୋଡୋ ଯାତ୍ରା ଆଜିକାଲି ରାଜସ୍ଥାନରେ ଚାଲିଛି। ଏହି ଯାତ୍ରା ସମୟରେ ଏକ ନିଆରା ଘଟଣା ଦେଖିବାକୁ ମିଳିଥିଲା। କଂଗ୍ରେସ ପକ୍ଷରୁ କରାଯାଉଥିବା ଏହି ଯାତ୍ରାରେ ମୋଦି ମୋଦି ସ୍ଲୋଗାନ ଶୁଣିବାକୁ ମିଳିଥିଲା। ଏହା ଶୁଣି ରାହୁଲ ଗାନ୍ଧୀ ରାଗିବା ପରିବର୍ତ୍ତେ ମୋଦି ମୋଦି ସ୍ଲୋଗାନ ଦେଉଥିବା ଲୋକଙ୍କୁ ଫ୍ଲାଇଙ୍ଗ୍ କିସ୍ ଦେଇଥିଲେ। ମଧ୍ୟପ୍ରଦେଶର ଅଗର ମାଲୱା ଜିଲାରେ ଏହି ଘଟଣା ଘଟିଥିଲା, ଯାହାର ଭିଡିଓ ଏବେ ଭାଇରାଲ ହେଉଛି। ଭିଡିଓରେ ଦେଖାଇଛି ଯେ, ‘ମୋଦି-ମୋଦି’ର ସ୍ଲୋଗାନ ଶୁଣିବା ମାତ୍ରେ ରାହୁଲ ଗାନ୍ଧୀ ଏବଂ କଂଗ୍ରେସ ନେତାମାନେ ପ୍ରଥମେ ଏହି ଲୋକଙ୍କୁ ଯାତ୍ରାରେ ଯୋଗଦେବାକୁ କହିଥିଲେ, ପରେ ରାହୁଲ ସେମାନଙ୍କୁ ଫ୍ଲାଇଙ୍ଗ କିସ ଦେଇଥିଲେ।
ଆସନ୍ତା ଦୁଇ ସପ୍ତାହ ପାଇଁ କଂଗ୍ରେସର ଭାରତ ଯୋଡୋ ଯାତ୍ରା ରାଜସ୍ଥାନରେ ରହିବ। ଏଠାରେ ଏହି ଯାତ୍ରା ସମୁଦାୟ ୭ଟି ଜିଲା ଏବଂ ୫୨୦ କିଲୋମିଟର ଦୂରତା ଅତିକ୍ରମ କରିବ।
