ରାଞ୍ଚି,୩୦।୧୧: ଆପଣଙ୍କ ପିଲା ସ୍କୁଲକୁ ପ୍ରତିଦିନ ଯାଉ ନାହାନ୍ତି କି? ସପ୍ତାହକ ମଧ୍ୟରେ ଲଗାତାର ଛୁଟି ନେଉଛନ୍ତି। ଏନେଇ ନିୟମ କଡାକଡି କରିଛନ୍ତି ସରକାର। ମାସକରେ ଲଗାତାର ଛୁଟି ନେଉଥିବା ଛାତ୍ରୀଛାତ୍ରଙ୍କୁ ସ୍କୁଲରୁ ଡପ୍ରଆଉଟ୍ କରାଯିବ। ଏପରି ନିୟମ ଆଣିଛନ୍ତି ଝାଡଖଣ୍ଡ ସରକାର। ରାଜ୍ୟର ସରକାରୀ ସ୍କୁଲର ଶିକ୍ଷକ ଘର ଘର ବୁଲି ହାଉସ ହୋଲ୍ଡ ସର୍ଭେ କରିବେ। ହାଉସ ହୋଲ୍ଡ ଜରିଆରେ ଶିଶୁମାନଙ୍କର ଏକ ତାଲିକା ପ୍ରସ୍ତୁତ କରିବେ। ଏଥିରେ ପିଲାଙ୍କର ଉପସ୍ଥିତ, ଅନୁପସ୍ଥିତ, ନିୟମିତ ଓ ଅନିୟମିତର ରିପୋର୍ଟ ପ୍ରସ୍ତୁତ ହେବ।
ମାସକରେ ୮୫ଶତକଡାରୁ ଅଧିକ ଉପସ୍ଥିତ ରହିଲେ ଛାତ୍ରଛାତ୍ର ନିୟମିତ ତାଲିକାରେ ରହିବେ। ଯେତେବେଳେ କି ମାସକରେ ୩ଦିନ ଲଗାତାର ନେଲେ ଅନିୟମିତ ଲିଷ୍ଟରେ ସ୍ଥାନ ପାଇବେ। ଏହା ବ୍ୟତୀତ ଯେଉଁ ଛାତ୍ରୀଛାତ୍ର ସ୍କୁଲକୁ କେବେ ଆସୁ ନାହାନ୍ତି ସେମାନଙ୍କ ସ୍କୁଲରୁ ନାଁ କଟିଯିବ। ଏପରି ତାଲିକା ପ୍ରସ୍ତୁତ କରିବାକୁ ସ୍କୁଲ ଶିକ୍ଷା ଓ ସାକ୍ଷରତା ବିଭାବ ସଚିବ କେ. ରବି କୁମାର ରାଜ୍ୟର ସବୁ ଜିଲାଙ୍କୁ ନିର୍ଦ୍ଦେଶ ଦେଇଛନ୍ତି।
