ଦେବଗଡ,୨୧।୮(ଶଶାଙ୍କ ଶେଖର ଝାଙ୍କର): ସାମାନ୍ୟ ବଚସାକୁ କେନ୍ଦ୍ର କରି ଜ୍ଯଯଯ ହତ୍ୟାକାଣ୍ଡ। ଦେବଗଡ଼ ଜିଲା ବାରକୋଟ ଥାନା ଅନ୍ତର୍ଗତ ଗୌଡସୁଗୁଡା ଗ୍ରାମରେ ଶୁକ୍ରବାର ସକାଳୁ ଛୁରା ମାଡରେ ବାପାଙ୍କ ମୃତ୍ୟୁ ଘଟିଥିବାବେଳେ ପୁଅ ଗୁରୁତର ଆହତ ଅଛନ୍ତି। ସାମାନ୍ୟ ବଚସାକୁ କେନ୍ଦ୍ର କରି ଜଣେ ୧୭ ବର୍ଷର ଜଣେ ନାବାଳକ ଭିଆଇଛନ୍ତି ହତ୍ୟାକାଣ୍ଡ। ମୃତକ ଗୌଡସୁଗୁଡା ଗ୍ରାମର ଗୌତମ ସାହୁ ଏବଂ ତାଙ୍କ ପୁଅ ଟିକେଶ୍ବର ସାହୁ ଗୁରୁତର ଆହତ ହୋଇଛନ୍ତି।
ଗୌଡସୁଗୁଡା ଗ୍ରାମରେ ଶୁକ୍ରବାର ଏକ ମଣ୍ଡପ ନିର୍ମାଣ ଚାଲିଥିଲା। ଗୌତମ ଏକ ପାଣି ଟ୍ୟାଙ୍କର ନେଇ ଯାଉଥିବା ବେଳେ ବାଟରେ ଗୋରୁ ବନ୍ଧା ଯାଇଥିବାରୁ ସମସ୍ୟା ହୋଇଥିଲା। ନାବାଳକଙ୍କୁ ଗୋରୁ ହଟାଇବା ପାଇଁ କହିବାରୁ ଏହାକୁ ନେଇ ବଚସା ସୃଷ୍ଟି ହୋଇଥିଲା। ଫଳରେ ଗୌତମଙ୍କ ପୁଅ ଟିକେଶ୍ବର ଘଟଣା ସ୍ଥଳକୁ ଆସିଥିଲେ। ମାତ୍ର ନାବାଳକ ଜଣକ ଉତକ୍ଷିପ୍ତ ହୋଇ ଘରୁ ଏକ ଛୁରି ଆଣି ବାପ ପୁଅଙ୍କୁ ଆକ୍ରମଣ କରିଥିଲା। ଗୌତମଙ୍କ ପେଟରେ ଛୁରୀ ମାରିଥିବା ବେଳେ ତାଙ୍କ ପୁଅ ଟିକେଶ୍ବରଙ୍କ ପିଠିରେ ଆଘାତ ଲାଗିଥିଲା। ଗୁରୁତର ଅବସ୍ଥାରେ ବାପା ପୁଅଙ୍କୁ ଉଦ୍ଧାର କରି ଦେବଗଡ଼ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବାବେଳେ ଗୌତମଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏଥିସହ ଗୁରୁତର ଆହତ ହୋଇଥିବା ପୁଅର ଉଚ୍ଚତର ଚିକିତ୍ସା ପାଇଁ ବୁର୍ଲା ଡାକ୍ତରଖାନା ସ୍ଥାନାନ୍ତରିତ କରାଯାଇଛି। ହତ୍ୟା ଅଭିଯୁକ୍ତ ନାବାଳକକୁ ଥାନାକୁ ଆଣି ପୋଲିସ ପଚରାଉଚୁରା ଜାରି ରଖିଛି।
Dharitri – Odisha’s No.1 Odia Daily
