ଲକ୍ଷ୍ନୌ,୧୩।୧: ଉତ୍ତର ପ୍ରଦେଶର ମୋରାଦାବାଦରୁ ସମ୍ପର୍କକୁ ଲଜ୍ଜିତ କରୁଥିବା ଏକ ଘଟଣା ସାମ୍ନାକୁ ଆସିଛି । ମାଜୋଲା ଥାନା ଅଞ୍ଚଳରେ, ଜଣେ ନାବାଳିକା ଝିଅ ତାଙ୍କ ନିଜ ମାଆ, ଜଣେ ଯୁବକଙ୍କ ସମେତ ଛଅ ଜଣଙ୍କ ଉପରେ ଗଣବଳାତ୍କାର ଏବଂ ଧର୍ମ ପରିବର୍ତ୍ତନ ପାଇଁ ଚାପ ପକାଇବାର ଅଭିଯୋଗ ଆଣିଛି । ପୋଲିସ ଏହି ମାମଲାରେ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରି ପୀଡିତାଙ୍କ ମାଆ ଏବଂ ମୁଖ୍ୟ ଅଭିଯୁକ୍ତ ଯୁବକଙ୍କୁ ଗିରଫ କରିଛି । ଏହି ଘଟଣା ବର୍ତ୍ତମାନ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
ପୀଡିତା ଏବଂ ତାଙ୍କ ବାପାଙ୍କ ଦ୍ୱାରା ମାମଲା ଦାୟର କରାଯାଇଛି । ଅଭିଯୋଗ ହୋଇଛି ଯେ ପୀଡିତାଙ୍କ ମାଆ ଅନ୍ୟ ଜଣେ ଯୁବକଙ୍କ ସହିତ ମିଶି ତାଙ୍କ ନାବାଳିକା ଝିଅକୁ ଶାରୀରିକ ନିର୍ଯାତନା ଦେବା ପାଇଁ ଷଡ଼ଯନ୍ତ୍ର କରିଥିଲେ। ପୀଡିତା ଅଭିଯୋଗ କରିଛନ୍ତି ଯେ, ବାରଣ କଲେ ହତ୍ୟା ଧମକ ମଧ୍ୟ ଦେଉଥିବା ଅଭିଯୋଗ ହୋଇଛି ।
ଅଭିଯୋଗରେ, ପୀଡିତାଙ୍କ ବାପା ଆଶ୍ଚର୍ଯ୍ୟଜନକ ଖୁଲାସା କରିଛନ୍ତି। ସେ କହିଛନ୍ତି ଯେ ପରିବାର ଉପରେ ଇସଲାମ ଧର୍ମ ଗ୍ରହଣ କରିବା ପାଇଁ ନିରନ୍ତର ଚାପ ପଡୁଥିଲା। ଅଭିଯୁକ୍ତମାନେ ପରିବାରକୁ ଚୁପ୍ ରହିବା ଏବଂ ସେମାନଙ୍କ ସର୍ତ୍ତରେ ରାଜି ହେବା ପାଇଁ ଆର୍ଥିକ ପ୍ରଲୋଭନ ମଧ୍ୟ ଦେଇଥିଲେ । ମାମଲାର ଗମ୍ଭୀରତାକୁ ଦୃଷ୍ଟିରେ ରଖି, ପୀଡିତାଙ୍କ ପିତାଙ୍କ ଅଭିଯୋଗ ଆଧାରରେ ମାଜୋଲା ପୋଲିସ ବଳାତ୍କାର, ଧର୍ମାନ୍ତରୀକରଣ ବିରୋଧୀ ଆଇନ ଏବଂ ଅନ୍ୟାନ୍ୟ ଗୁରୁତର ଧାରା ଅନୁଯାୟୀ ଛଅ ଜଣ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରିଛି ।
