ଭୁବନେଶ୍ବର,୧୫।୯: ଗିରଫ ହେଲେ କୋଟିପତି ଅଙ୍ଗନଓ୍ବାଡି ଦିଦି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ୱର କୋରଡକଣ୍ଟା ଅଙ୍ଗନଓ୍ବାଡି ଦିଦି କବିତା ମଥାନଙ୍କୁ ଭିଜିଲାନ୍ସ ବୁଧବାର ଗିରଫ କରିଛି।
ଅଙ୍ଗନଓ୍ବାଡି ଦିଦି କବିତାଙ୍କ ଘରେ ମଙ୍ଗଳବାରେ ଭିଜିଲାନ୍ସ ଟିମ୍ ଚଢାଉ କରିଥିଲା। ଚଢାଉ ବେଳେ ଅଧିକାରୀମାନେ ଦିଦିଙ୍କ ୪ କୋଟି ଟଙ୍କାରୁ ଅଧିକ ସମ୍ପତ୍ତି ଠାବ କରିଥିଲେ। ଦିଦିଙ୍କ ନାମରେ ୧୪ଟି ଜମି ବିଭିନ୍ନ ସ୍ଥାନରେ ରହିଥିବା ବେଳେ କେବଳ ଭୁବନେଶ୍ୱରରେ ୧୦ଟି ଜାଗା, ଜଗତସିଂହପୁରରେ ୩ ଟି ଏବଂ ବାଲିଅନ୍ତାରେ ଗୋଟିଏ ଜମି ରହିଛି। ଏପରିକି ଦିଦିଙ୍କ ନାଁରେ ଗୋଟିଏ ୪ ଚକିଆ ଗାଡ଼ି ଥିବା ବେଳେ ୩ଟି ଦୁଇ ଚକିଆ ଗାଡି ରହିଛି । ଏହାସହ ୬ଲକ୍ଷ ୩୬ ହଜାର ଟଙ୍କାର ସୁନାଗହଣା ମଧ୍ୟ ରହିଛି। ଅଙ୍ଗନଓ୍ବାଡି ଦିଦି ଅଣ୍ଡା, ଛତୁଆ ଯୋଗାଣରେ ବ୍ୟାପକ ହେରଫେର କରିଥିବା ଭିଜିଲାନ୍ସ ଟିମ୍ ପ୍ରମାଣ ପାଇଛି।
