ଝରିଗାଁ,୨୯।୪(କିଶୋର ଚନ୍ଦ୍ର ମଣ୍ଡଳ): ନବରଙ୍ଗପୁର ଜିଲା ଝରିଗାଁ ବ୍ଲକରେ ମୃଦୁ ଭୂମିକମ୍ପ ଝଟକା ଅନୁଭୂତ ହୋଇଛି । ସନ୍ଧ୍ୟା ୭ଟା ୪୨ ମିନିଟ୍ ୨୧ ସେକେଣ୍ଡରେ ଭୂକମ୍ପ ହୋଇଥିବା ଜଣାପଡିଛି । ତେବେ କେବଳ ଝରିଗାଁ ନୁହେଁ, ଚନ୍ଦାହାଣ୍ଡିରେ ମଧ୍ୟ ଭୂମିକମ୍ପ ଅନୁଭୂତ ହୋଇଛି ।
ତେବେ ଭୂକମ୍ପରେ କୌଣସି କ୍ଷୟକ୍ଷତି ହୋଇଥିବା ନେଇ ସୂଚନା ନାହିଁ । ଭୂକମ୍ପର କେନ୍ଦ୍ରସ୍ଥଳ କଳାହାଣ୍ଡି ଜିଲା କୁଆମ୍ବ ଥିବା ବେଳେ, ରିକ୍ଟର ସ୍କେଲରେ ଏହାର ତୀବ୍ରତା ୪.୧ ରହିଥିବା ଜଣାପଡିଛି । ଏଥିପୂର୍ବରୁ ଝରିଗାଁରେ ଘଣ୍ଟାଏ କାଳ କୁଆପଥର ବର୍ଷା ହୋଇଥିଲା । ତେବେ ବର୍ଷା ପରେ ଭୂକମ୍ପକୁ ନେଇ ଆତଙ୍କିତ ରହିଛନ୍ତି ସ୍ଥାନୀୟ ଲୋକେ ।