ତରଭା, ୨୬ା୫(ଡି.ଏନ.ଏ.): ସୁବର୍ଣ୍ଣପୁର ଜିଲା ତରଭା ଥାନା ଅଞ୍ଚଳରେ ଜଣେ ନାବାଳିକାଙ୍କୁ ପ୍ରେମ କରି ଜଣେ ବିବାହିତ ପ୍ରେମିକ ଗୁରୁବାର ଜେଲ ଯାଇଛନ୍ତି। ସମ୍ପୃକ୍ତ ଯୁବକ ଜଣକ ହେଲେ ସିଂହାରି ପଞ୍ଚାୟତ ଅନ୍ତର୍ଗତ ପୁଟକିପାଲି ଗ୍ରାମର ରଜିନ ନାଗ(୨୮)। ଥାନା ଅନ୍ତର୍ଗତ ସନ୍ଧିଜୋର ଗ୍ରାମର ୧୭ବର୍ଷିଆ ନାବାଳିକାଙ୍କୁ ସେ ପ୍ରେମ କରୁଥିଲେ। ଗତ ୨୨ତାରିଖରେ ଝିଅକୁ ରଜନି ଅପହରଣ କରି ନେଇଥିବା ନେଇ ନାବାଳିକଙ୍କ ବାପା ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ଆଇଆଇସି ସୁବ୍ରତ ପାଣିଗ୍ରାହୀ ପୋଲିସ ଦଳ ସହ ବଲାଙ୍ଗୀରରୁ ନାବାଳିକାଙ୍କୁ ଉଦ୍ଧାର କରିଥିଲେ। ଏଥିସହ ପ୍ରେମିକଙ୍କୁ ଥାନାକୁ ଆଣି ପଚରାଉଚରା କରାଯାଇଥିଲା। ଉଭୟେ ତାମିଲନାଡୁ ପଳାଇବା ପାଇଁ ଅନଲାଇନରେ ଟ୍ରେନ ଟିକେଟ୍ କାଟିଥିବା ପଚରାଉଚରା ବେଳେ ଜଣାପଡିଥିଲା। ଏ ସମ୍ପର୍କରେ ତରଭା ଥାନାରେ ଏକ ମାମଲା(୧୨୫/୨୨)ରୁଜୁ ହୋଇଛି। ସୋନପୁର ଡାକ୍ତରଖାନାରେ ନାବାଳିକା ଓ ଅଭିଯୁକ୍ତଙ୍କ ଡାକ୍ତରୀମାଇନା କରାଯାଇଛି। ରଜନୀଙ୍କୁ ଗୁରୁବାର କୋର୍ଟ ଚାଲାଣ କରାଯାଇଥିଲା। ଜାମିନ୍ ନାମଞ୍ଜୁର ହେବାରୁ ତାଙ୍କୁ ସୋନପୁର ଉପକାରାଗାରକୁ ପଠାଇ ଦିଆଯାଇଛି। ଅପରପକ୍ଷରେ ଉକ୍ତ ନାବାଳିକାଙ୍କୁ ସୋନପୁର ସିଡବ୍ଲୁସିକୁ ହସ୍ତାନ୍ତର କରାଯାଇଥିବା ତଦନ୍ତ ଦାୟିତ୍ୱରେ ଥିବା ଏସଆଇ ଅନୀଲ କୁମାର ବେହେରା କହିଛନ୍ତି।
