ନୂଆଦିଲ୍ଲୀ,୨୬ ।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାନ୍ ଫୁଟବଲ ଖେଳାଳି ଡିଏଗୋ ମାରୋଡୋନାଙ୍କ ପରଲୋକରେ ଶୋକ ପ୍ରକାଶ କରିଛନ୍ତି । ସେ ତାଙ୍କ କ୍ୟାରିୟରରେ ଖେଳ ପଡିଆରେ ଖେଳ ପ୍ରେମିଙ୍କ ପାଇଁ କିଛି ଅପାସୋରା ମୁହୂର୍ତ୍ତ ଓ ଅନୁଭବ ଛାଡି ଯାଇଛନ୍ତି ବୋଲି ମୋଦି କହିଛନ୍ତି । ସୂଚନାଯୋଗ୍ୟ, ମହାନ୍ ଫୁଟବଲ ଖେଳାଳିଙ୍କ ତାଲିକାରେ ଥିବା ମାରାଡୋନା ୧୯୮୬ ବିଶ୍ୱ କପ୍ରେ ଆର୍ଜେଟିନାକୁ ସଫଳତା ଦେବାରେ ଆଗଧାଡିର ନାୟକ ଥିଲେ । ଏହି ଲୋକ ପ୍ରିୟ ଖେଳାଳିଙ୍କର ବୁଧବାର ହୃଦଘାତରେ ମୃତ୍ୟୁ ହୋଇଛି । ତାଙ୍କ ପରଲୋକରେ ମୋଦି ଶୋକ ପ୍ରକାଶ କରି ଟୁଇଟ୍ କରି କହିଛନ୍ତି, ତାଙ୍କର ଅସମୟ ମୃତ୍ୟୁ ସମସ୍ତଙ୍କୁ ଦଃଖ ଦେଇଛି । ଈଶ୍ୱର ତାଙ୍କ ଆତ୍ମାକୁ ଶାନ୍ତି ପ୍ରଦାନ କରନ୍ତୁ । ମାରାଡୋନାଙ୍କ ପରଲୋକରେ ଆର୍ଜେଣ୍ଟିନାରେ ୩ ଦିନିଆ ରାଷ୍ଟ୍ରୀୟ ଶୋକ ପାଳନ କରାଯାଉଛି । ସାରା ବିଶ୍ୱର ଫୁଟବଲ ତାରକାମାନେ ମାରାଡୋନାଙ୍କୁ ସୋସିଆଲ ମିଡିଆ ମାଧ୍ୟମରେ ଶ୍ରଦ୍ଧାଞ୍ଜଳି ଜ୍ଞାପନ କରୁଛନ୍ତି । ନୁଇ ସପ୍ତାହ ପୂର୍ବରୁ ମାରାଡୋନାଙ୍କ ମସ୍ତିଷ୍କରେ ଅପରେଶନ ହେବା ପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା । ହେଲେ ସେ କିଛିଦିନ ହେବ ଅସୁସ୍ଥ ଥିଲେ ।
