ମୁମ୍ବାଇ,୧।୭: ମହାରାଷ୍ଟ୍ରରେ ଶୁକ୍ରବାର ରାତିରେ ଏକ ବଡ ଦୁର୍ଘଟଣା ଘଟିଛି। ବୁଲଦାଣାରେ ୟମତମାଲରୁ ପୁଣେ ଯାଉଥିବା ଏକ ବସରେ ନିଆଁ ଲାଗିଯିବାରୁ ୨୫ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି।ମିଳିଥିବା ସୂଚନା ଅନୁଯାୟୀ, ସମୃଦ୍ଧି ମହାମାର୍ଗ ଏକ୍ସପ୍ରେସଓ୍ବେରେ ବୁଲଦାଣା ନିକଟରେ ପ୍ରଥମେ ବସଟି ଓଲଟି ପଡିଥିଲା, ଫଳରେ ଏଥିରେ ନିଆଁ ଲାଗିଯାଇଥିଲା। ବୁଲଦାଣା ପୋଲିସର ଡେପୁଟି ଏସପି ବାବୁରାଓ ମହାମୁନିଙ୍କ ସୂଚନା ଅନୁଯାୟୀ, ବସରେ ୩୩ ଜଣ ଯାତ୍ରୀ ଥିଲେ। ଏମାନଙ୍କ ମଧ୍ୟରୁ ୨୫ ଜଣ ପୋଡି ଯିବାରୁ ସେମାନଙ୍କର ମୃତ୍ୟୁ ହୋଇଛି। ଅନ୍ୟମାନଙ୍କୁ ଆହତ ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି।
ବାବୁରାଓ ମହାମୁନି ଏ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଏହି ଘଟଣା ଶୁକ୍ରବାର ରାତି ପ୍ରାୟ ୨ଟାରେ ଘଟିଛି। ଆହତଙ୍କୁ ବୁଲଦାଣା ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି।
