ନୂଆଦିଲ୍ଲୀ,୨୯।୭ ଭାରତର ଉତ୍ପାଦନ ସେକ୍ଟର ୨୦୨୧-୨୨ ଆର୍ଥିକ ବର୍ଷରେ ୨୧.୩୪ ବିଲିୟନ ଡଲାର ବିଦେଶୀ ପ୍ରତ୍ୟକ୍ଷ ପୁଞ୍ଜିନିବେଶ (ଏଫ୍ଡିଆଇ) ଆକର୍ଷିତ କରିଛି। ଏହା ପୂର୍ବବର୍ଷ ତୁଳନାରେ ୭୬ ପ୍ରତିଶତ ଅଧିକ ବୋଲି ବାଣିଜ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ୨୦୨୦-୨୧ରେ ଏଫ୍ଡିଆଇ ନିବେଶ ପରିମାଣ ୧୨.୦୯ ବିଲିୟନ ଡଲାର ଥିଲା। ବୀମା, ପ୍ରତିରକ୍ଷା, ଟେଲିକମ୍, ଆର୍ଥତ୍କ ସେବା, ଫାର୍ମାସ୍ୟୁଟିକାଲ୍ସ, ଖୁଚୁରା ବ୍ୟବସାୟ ଏବଂ ଇ-କମର୍ସ ଆଦି ସେକ୍ଟରରେ ସରକାର ଏଫ୍ଡିଆଇ ନୀତିରେ ବ୍ୟାପକ ସଂସ୍କାର ଆଣିଥିବାରୁ ଏହାର ସୁଫଳ ମିଳିଛି। ଦେଶରେ ସିଙ୍ଗାପୁର ସର୍ବାଧିକ ୨୭.୦୧ ପ୍ରତିଶତ ପ୍ରତ୍ୟକ୍ଷ ପୁଞ୍ଜିନିବେଶ କରିଥିବା ବେଳେ ଆମେରିକା ୧୭.୯୪%, ମରିସସ୍ ୧୫.୯୮%, ନେଦରଲାଣ୍ଡ୍ସ ୭.୮୬% ଏବଂ ସୁଇଜରଲାଣ୍ଡ ୭.୩୧ ପ୍ରତିଶତ ଏଫ୍ଡିଆଇ ନିବେଶ କରିଛି। ମହାମାରୀ ସତ୍ତ୍ୱେ ଚଳିତ ଆର୍ଥତ୍କ ବର୍ଷରେ ଦେଶରେ ସର୍ବାଧିକ ୮୪.୮୩ ବିଲିୟନ ଡଲାର ଏଫ୍ଡିଆଇ ନିବେଶ ହୋଇଛି। ୫ ରାଜ୍ୟକୁ ସର୍ବାଧିକ ବିଦେଶୀ ପୁଞ୍ଜି ଆସିଛି। କର୍ନାଟକରେ ୩୭.୫୫ ପ୍ରତିଶତ ଏଫ୍ଡିଆଇ ନିବେଶ ହୋଇଥିବାବେଳେ ମହାରାଷ୍ଟ୍ରରେ ୨୬,୨୬%, ଦିଲ୍ଲୀରେ ୧୩.୯୩%, ତାମିଲନାଡୁରେ ୫.୧୦% ଏବଂ ହରିୟାଣାରେ ୪.୭୬ ପ୍ରତିଶତ ପୁଞ୍ଜିନିବେଶ ହୋଇଛି।
