ଭାରତୀୟ କ୍ରିକେଟର ମନୋଜ ତିୱାରୀ ଆଜିକାଲି କ୍ରିକେଟଠାରୁ ଦୂରରେ ଅଛନ୍ତି। ସେ ପୂର୍ବ ଆଇପିଏଲ ସିଜନରେ ଅଂଶଗ୍ରହଣ କରି ନ ଥିବା ବେଳେ ୨୦୧୫ ମସିହାରୁ ସେ ଭାରତୀୟ ଦଳ ବାହାରେ ଅଛନ୍ତି। ନିକଟରେ ହୋଇଥିବା ଏକ ସାକ୍ଷାତକାରରେ ଟେଷ୍ଟ ଡେବ୍ୟୁ ବିଷୟରେ ମନୋଜ ତିୱାରୀ କହିଛନ୍ତି ଯେ ଯେଉଁ ଦିନ ତାଙ୍କୁ ଡେବ୍ୟୁ କରିବାକୁ ପଡିବ, ସେ ତାଙ୍କ ହୋଟେଲ ରୁମକୁ ଯାଇ ବହୁତ କାନ୍ଦିଲେ। ଏହି ଘଟଣାର ପ୍ରାୟ ୧୩ ବର୍ଷ ବିତିଗଲାଣି, ତଥାପି ତାଙ୍କର ଗୋଟିଏ ଦୁଃଖ ଅଛି। ମନୋଜ କହିଛନ୍ତି ଯେ ୨୦୦୭ରେ ସେ ବାଂଲାଦେଶ ବିପକ୍ଷରେ ଟେଷ୍ଟ ଡେବ୍ୟୁ କରିବାର ସୁଯୋଗ ପାଇଥିଲେ। ସେ ଦଳ ସହ ବାଂଲାଦେଶ ଯାଇଥିଲେ ମଧ୍ୟ ମ୍ୟାଚରେ ଭାଗ ନେଇପାରି ନ ଥିଲେ। ଫିଲ୍ଡିଂ ଅଭ୍ୟାସ ସମୟରେ ତାଙ୍କ କାନ୍ଧ ଆଘାତ ହୋଇଥିଲା। ଫଳରେ ସେ ଅଂଶଗ୍ରହଣ କରିପାରି ନ ଥିଲେ। ସେତେବେଳେ ଭଲ ଫର୍ମରେ ଥିଲି କିନ୍ତୁ ଆଘାତ ହେତୁ ମୁଁ ମ୍ୟାଚ ଖେଳି ପାରିଲି ନାହିଁ। ସେଦିନ ମୁଁ ହୋଟେଲ ରୁମକୁ ଯାଇ ବହୁତ କାଥିଥିଲି ବୋଲି ସେ କହିଚନ୍ତି।
ଫେବୃଆରୀ ୨୦୦୮ରେ ମନୋଜ ତିୱାରୀ ଶେଷରେ ଅଷ୍ଟ୍ରେଲିଆ ବିପକ୍ଷରେ ଡେବ୍ୟୁ କରିବାର ସୁଯୋଗ ପାଇଲେ। ତାଙ୍କୁ ଅଷ୍ଟ୍ରେଲିଆରେ ଟ୍ରାଇ ସିରିଜ ପାଇଁ ଦଳରେ ସୁଯୋଗ ଦିଆଯାଇଥିଲା। ତେବେ ବ୍ରିସବେନରେ ଡେବ୍ୟୁ ମ୍ୟାଚ୍ରେ ତାଙ୍କୁ ବ୍ରେଟ ଲି ମାତ୍ର ଦୁଇ ରନରେ ଆଉଟ୍ କରିଥିଲେ। ଏହା ପରେ ତାଙ୍କୁ ଫେରିବା ପାଇଁ ତିନି ବର୍ଷ ଲାଗିଗଲା। ମନୋଜ ତିୱାରୀ ୧୨ଟି ଏକଦିବସୀୟ ମ୍ୟାଚ ଖେଳି ୨୬.୦୯ ହାରରେ ୨୮୭ ରନ କରିଥିଲେ। ଏଥି ସହିତ ସେ ୩ଟି ଟି-୨୦ ମ୍ୟାଚ ମଧ୍ୟ ଖେଳିଥିଲେ।
