ଭୁବନେଶ୍ବର,୪।୫: ବାପା ହେଲେ ମନ୍ମଥ ରାଉତରାୟ । ବିଜେଡି ନେତା ତଥା ପୂର୍ବତନ ପାଇଲଟ ମନ୍ମଥ ରାଉତରାୟଙ୍କ ଘରକୁ ଖୁସି ଆସିଛି । ରୋଜାଲିନ ପଟ୍ଟନାୟକ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । କଂଗ୍ରେସର ବରିଷ୍ଠ ନେତା ସୁରେଶ କୁମାର ରାଉତରାୟ ଜେଜେବାପା ହୋଇଛନ୍ତି । ତେବେ ଜେଜେ ହେବା ପରେ ସୁର ରାଉତରାୟ ଖୁସି ନଜର ଆସିଛନ୍ତି । ନାତି ସହ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ରାଉତରାୟ ପରିବାରରେ ଖୁସିର ଲହରୀ ଖେଳିଯାଇଛି।
କହିରଖୁଛୁ କି, ଗତବର୍ଷ ମାର୍ଚ୍ଚ ମାସରେ ମନ୍ମଥ ରାଉତରାୟ ରୋଜାଲିନ ପଟ୍ଟନାୟକଙ୍କୁ ବିବାହ କରିଥିଲେ । ରୋଜାଲିନ ପେଶାରେ ଜଣେ ବ୍ୟାଙ୍କର ହୋଇଥିବା ବେଳେ ସେ ମୁମ୍ବାଇରେ କାର୍ଯ୍ୟ କରନ୍ତି । ପରିବାର ଲୋକଙ୍କ ଉପସ୍ଥିତିରେ ଦୁହେଁ ଚନ୍ଦକା ରେସର୍ଟରେ ବିବାହ କରିଥିଲେ । ଆଜି ଏକ ଶିଶୁପୁତ୍ର ହୋଇଥିବା ନେଇ ମନ୍ମଥ ରାଉତରାୟ ସୋସିଆଲ ମିଡିଆରେ ଫଟୋ ସେୟାର କରି ସୂଚନା ଦେଇଛନ୍ତି ।