ଜ୍ୟୋତିଷ ଶାସ୍ତ୍ରରେ ୯ ଗ୍ରହ ଏବଂ ୧୨ ରାଶିଙ୍କ ବିଷୟରେ ଅଧ୍ୟୟନ କରାଯାଇଥାଏ। ବ୍ୟକ୍ତିର ଜନ୍ମ ଏବଂ ସମୟ ଆଧାରରେ ତାର ରାଶି ନିର୍ଧାରିତ କରାଯାଏ। ଯଦି କୌଣସି ବ୍ୟକ୍ତିର କୁଣ୍ଡଳୀରେ ମଙ୍ଗଳ ଦୋଷ ରହିଥାଏ ତେବେ ତାଙ୍କର ବିବାହରେ ନାନାଦି ଅସୁବିଧା ଉପୁଜିଥାଏ। ଏହି ଦୋଷ ଥିବାରୁ ବ୍ୟକ୍ତି ଅଧିକ ରାଗି ଏବଂ ଜିଦ୍ଦି ମଧ୍ୟ ହୋଇଥାନ୍ତି। ଏଥିଯୋଗୁ ଦାମ୍ପତ୍ୟ ଜୀବନରେ ମଧ୍ୟ ବାଧାବିଘ୍ନ ଆସିଥାଏ। ହେଲେ ଜ୍ୟୋତିଶଶାସ୍ତ୍ରାନୁଯାୟୀ ଯଦି ମାଙ୍ଗଳିକ ବ୍ୟକ୍ତିଙ୍କ ବିବହ ମାଙ୍ଗଳିକ ଝିଅଟିଏ ସହ ହୋଇଥାଏ ତେବେ ତାର ଦୋଷ ଦୂର ହୋଇଯାଇଥାଏ। ଯଦି ସ୍ତ୍ରୀ-ସ୍ବାମୀଙ୍କ ମଧ୍ୟରୁ ଜଣେ ମାଙ୍ଗଳିକ ହେଲେ ଅନ୍ୟଜଣଙ୍କର ସ୍ବାସ୍ଥ୍ୟ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ।
-ଯେଉଁ ଜାତକର କୁଣ୍ଡଳୀରେ ମଙ୍ଗଳ ଦୋଷ ଥାଏ, ତାଙ୍କୁ ସବୁଦିନ ହନୁମାନ ଚାଳିଶାର ପାଠ କରିବା ଆବଶ୍ୟକ। ଏହାଛଡ଼ା ମାଂସ-ମଦ୍ୟପାନରୁ ଦୂରରେ ରହିବା ଭଲ।
-ମଙ୍ଗଳବାର ଭଗବାନ ଶିବଙ୍କ ଆରାଧନା କରିବା ଆବଶ୍ୟକ। ଏହାଛଡ଼ା ଏହି ଦିନ ଗହକ, ମସୁର ଡାଲି, ତମ୍ବା, ସୁନା, ନାଲି ଫୁଲ, ନାଲି ବସ୍ତ୍ର, ଲାଲ ଚନ୍ଦନ, କେଶର, କସ୍ତୁରୀ, ଲାଲ ବଳଦ ଏବଂ ଭୂମି ଆଦି ଦାନ କରିବା ଉଚିତ। ଏହାଦ୍ୱାରା ମଙ୍ଗଳଙ୍କ ପ୍ରଭାବ କମ୍ ହୋଇଥାଏ।
-କୁଣ୍ଡଳୀରେ ଥିବା ମଙ୍ଗଳଙ୍କ ଶାନ୍ତି ପାଇଁ ମଙ୍ଗଳବାର ବ୍ରତ କରିବା ଉଚିତ। ହନୁମାନର ପାଦରୁ ସିନ୍ଦୁର ନେଇ କପାଳରେ ଲଗାଇବା ଆବଶ୍ୟକ। ଏହାଛଡ଼ା ନିମ ଗଛର ପ୍ରତ୍ୟେହ ପୂଜା କରିବା ଉଚିତ।
-ମାଙ୍ଗଳିକ ବ୍ୟକ୍ତି ଯେତେବେଳେ ନିଜର ଘର କରିବେ ସେଥିରେ ନାଲି ରଙ୍ଗର ପଥର ଲଗାଇବା ଆବଶ୍ୟକ। ଏହାଛଡ଼ା ମଙ୍ଗଳବାର ମାଙ୍କଡ଼ମାନଙ୍କୁ ଗୁଡ଼ ଏବଂ ଚଣା ଖୁଆଇବା ବେଶ ଶୁଭ ବୋଲଇ ମଧ୍ୟ କୁହାଯାଏ।
-ମଙ୍ଗଳବାର ଦିନ ଦୁଇ ମୁଠା ମସୁର ଡାଲି ଲାଲ ରଙ୍ଗର କପଡ଼ାରେ ବାନ୍ଧି ଭିକାରୀଙ୍କୁ ଦେଲେ ଦୋଷର ପ୍ରଭାବ କମ୍ ହୋଇଥାଏ।
