ନୂଆଦିଲ୍ଲୀ,୯।୧୨: ପଞ୍ଜାବ ରଣଜୀ ଦଳର ଅଧିନାୟକ ତଥା ଇଣ୍ଡିଆନ ପ୍ରିମିୟର ଲିଗର କିଙ୍ଗସ ଏକାଦଶ ପଞ୍ଜାବ ଖେଳାଳି ମନଦୀପ ସିଂ କୃଷକ ଆନ୍ଦେଳନକୁ ସମର୍ଥନ କରିଛନ୍ତି। ସେ କୃଷକ ଆନ୍ଦୋଳନରେ ଯୋଗଦେଇଛନ୍ତି। ଏହା ସହିତ ଏହି ଆନ୍ଦୋଳନରେ ଭାଗ ନେଉଥିବା ମନଦୀପ ପ୍ରଥମ ସକ୍ରିୟ କ୍ରିକେଟର ହୋଇଛନ୍ତି। ମନଦୀପ ଭାରତ ପାଇଁ ୩ଟି ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ସେ କୃଷକମାନଙ୍କୁ ସହାୟତା କରିବା ପାଇଁ ଦିଲ୍ଲୀ ସିଙ୍ଗୁ ସୀମାରେ ପହଞ୍ଚି ଆନ୍ଦୋଳନକାରୀ ଚାଷୀଙ୍କ ସହ ସମୟ ବିତାଇଥିଲେ। କୃଷକ ଆନ୍ଦୋଳନକୁ ସମର୍ଥନ କରି ମନଦୀପ ସିଂ କହିଛନ୍ତି ଯେ ମୁଁ ଶୀତରେ ଶାନ୍ତିରେ ବସିଥିବା ସମସ୍ତ ବରିଷ୍ଠ ନାଗରିକଙ୍କୁ ମୋର ସମର୍ଥନ ଜଣାଇବାକୁ ସେଠାକୁ ଯାଇଥିଲି। ଏହାପୂର୍ବରୁ ବକ୍ସର ବିଜୟନ୍ଦର ସିଂ ଏହି ବିରୋଧକୁ ସମର୍ଥନ କରି ଚାଷୀଙ୍କ ପାଖରେ ପହଞ୍ଚିଥିଲେ। ଏଥି ସହିତ ପଞ୍ଜାବର ବକ୍ସର କୌର ସିଂ, ଗୁରୁବାଖ ସିଂ ସାନ୍ଧୁ ଏବଂ ଜୟପାଲ ସିଂ ପ୍ରଥମେ ସେମାନଙ୍କର ପଦ୍ମଶ୍ରୀ, ଦ୍ରୋଣାଚାର୍ଯ୍ୟ ପୁରସ୍କାର ଏବଂ ଅର୍ଜୁନ ପୁରସ୍କାର ଫେରାଇବାକୁ ନିଷ୍ପତ୍ତି ନେଇଥିଲେ। ପଞ୍ଜାବ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନେକ ବଡ ନାମ ମଧ୍ୟ ଏହି ଆନ୍ଦୋଳନକୁ ସମର୍ଥନ କରୁଛନ୍ତି।
ୟୁଏଇରେ ଇଣ୍ଡିଆନ ପ୍ରିମିୟର ଲିଗର ୧୩ ତମ ସିଜନରେ ମନଦୀପ ସିଂ ତାଙ୍କ ପିତାଙ୍କୁ ହରାଇଥିଲେ। ସେ କହିଛନ୍ତି ଯେ ଯଦି ମୋ ବାପା ଆଜି ବଞ୍ଚିଥାନ୍ତେ ତେବେ ସେ ଏହି ଆନ୍ଦୋଳନରେ ଯୋଗ ଦେଇଥାନ୍ତେ। ସେ ଆଜି ଗର୍ବିତ ଯେ ତାଙ୍କ ପୁଅମାନେ ନିଜ ତରଫରୁ ଚେଷ୍ଟା କରୁଛନ୍ତି। ମନଦୀପ ତାଙ୍କ ବଡ଼ ଭାଇ ହରବିନ୍ଦର ସିଂଙ୍କ ସହ ଦିଲ୍ଲୀ ସୀମାରେ କୃଷକ ଆନ୍ଦୋଳନରେ ଯୋଗ ଦେଇଥିଲେ।
View this post on Instagram
