ଦୁନିଆରେ ଅନେକ ପ୍ରକାରର ଲୋକ ରହିଛନ୍ତି। ତେବେ ଅଧିକାଂଶ ଲୋକ ନିଜର ଶଉକ ପୂରଣ କରିବା ପାଇଁ ହେଉ ଅବା ଚର୍ଚ୍ଚାକୁ ଆସିବା ପାଇଁ ସେମାନେ କିଛି ବି କରିବାକୁ ରାଜି ଥାନ୍ତି। ତେବେ ଇଜିପ୍ଟର ସେମିତି ଏକ ଘଟଣା ଏବେ ସାମ୍ନାକୁ ଆସିଛି। ଏଠାକାର ଜଣେ ବ୍ୟକ୍ତି ଜଣେ ସମସ୍ତ ସୀମାକୁ ଟପିଯାଇଛନ୍ତି। ଏପରିକି ସେ ନିଜ ଜୀବନକୁ ମଧ୍ୟ ବାଜି ଲଗାଇ ଦେଇଛନ୍ତି।
ବ୍ୟକ୍ତିଜଣଙ୍କ ନିଜର ଜଣେ ନ୍ଧୁଙ୍କ ସହ ବାଜି ଲଗାଇ ଏକ ମୋବାଇଲ ଫୋନ୍କୁ ଗିଳି ଦେଇଥିଲେ। ପେଟ ଭିତରେ ମୋମାଇଲ କିପରି ଶବ୍ଦକରୁଛି ତାହା ସେ ବନ୍ଧୁଙ୍କୁ ଶୁଣାଇବାକୁ ଚାହୁଁଥିଲେ। ତେବେ ତାଙ୍କ ପେଟ ମଧ୍ୟରେ ଘଣ୍ଟି ବାଜିବା ପରି ଶବ୍ଦ ଶୁଭୁଥିଲା। ଏହା ପରେ ବ୍ୟକ୍ତିଜଣଙ୍କ ଡାକ୍ତରଙ୍କ ପାଖକୁ ଯିବା ପରିବର୍ତ୍ତେ ଘରୋଇ ଉପାୟରେ ପେଟରୁ ମୋବାଇଲ ବାହାର କରିବାକୁ ଚେଷ୍ଟା କରିଥିଲେ। ରୋଷେଇ ଘରେ ଥିବା ଅନେକ ଜିନିଷ ସେ ଖାଇଲେ। ମାତ୍ର ମୋବାଇଲ ପେଟରୁ ବାହାରି ନ ଥିଲା। ଦୀର୍ଘ ୭ ମାସ ପର୍ଯ୍ୟନ୍ତ ମୋବାଇଲ ତାଙ୍କ ପେଟରେ ରହିଥିଲା। ପରେ କଷ୍ଟ ହେବାରୁ ସେ ଡାକ୍ତରଙ୍କ ପାଖକୁ ଯିବାକୁ ନିଷ୍ପତ୍ତି ନେଲେ। ନିକଟସ୍ଥ ଡାକ୍ତରଖାନା ଗଲେ। ସେଠାରେ ଡାକ୍ତର ତାଙ୍କର ଅଲ୍ଟ୍ରାସାଉଣ୍ଡ କରିବା ପରେ ପେଟରେ ମୋବାଇଲ ଫୋନ୍ ଥିବା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ପରେ ସର୍ଜରୀ କରାଯାଇ ମୋବାଇଲକୁ ତାଙ୍କ ପେଟରୁ ବାହାର କରାଗଲା। ଉକ୍ତ ବ୍ୟକ୍ତିର ଘର ଲୋକ ମଧ୍ୟ ଘଟଣା ବିଷୟରେ କିଛି ହେଲେ ଜାଣି ନ ଥିଲେ। ତେବେ ବ୍ୟକ୍ତିଜଣଙ୍କ ନିଜ ପରିଚୟ ଲୁଚାଲ ରଖିବାକୁ ଅନୁରୋଧ କରିଛନ୍ତି।
