କୋଲକାତା,୧୪।୩: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମ୍ସି ସୁପ୍ରିମୋ ମମତା ବାନାର୍ଜୀ ମାର୍ଚ୍ଚ ୧୦ରେ ନନ୍ଦିଗ୍ରାମରେ ପ୍ରଚାର କରିବା ବେଳେ ମମତା ଆହତ ହୋଇଥିଲେ। ଏହାପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ତାଙ୍କ ଗୋଡ ଭାଙ୍ଗି ଯାଇଥିବା ରିପୋର୍ଟରୁ ଜଣାପଡିଥିଲା। ପଶ୍ଚିମବଙ୍ଗ ଭାଜପା ନିର୍ବାଚନ ଆୟୋଗଙ୍କୁ ଏକ ଚିଠି ଲେଖି କହିଛି ଯେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଡାକ୍ତରୀ ରିପୋର୍ଟ ସାର୍ବଜନୀନ କରାଯିବା ଉଚିତ। ଭାଜପା ଚିଠିରେ ଲେଖିଛି ଯେ, ଜନସାଧାରଣ ଏବଂ ଭୋଟରମାନେ ଯେପରି ଦ୍ୱନ୍ଦ୍ୱରେ ନ ପଡ଼ନ୍ତି ସେଥିପାଇଁ ସମସ୍ତଙ୍କୁ ସତ୍ୟ ପ୍ରକାଶ କରାଯାଉ।
ସୂଚନାଯୋଗ୍ୟ, ମମତା ଅଭିଯୋଗ କରିଥିଲେ ୪-୫ ଜଣ ଆସି ତାଙ୍କୁ ଠେଲି ଦେବାରୁ କାର ଡୋରରେ ମାଡ଼ ହୋଇ ତାଙ୍କ ଗୋଡ଼ରେ ଆଘାତ ଲାଗିଛି। ଯଦିଓ ରାଜ୍ୟରେ ବିରୋଧୀ ଭାଜପା ଓ କଂଗ୍ରେସ ଏହାକୁ ଦୁର୍ଘଟଣା ବୋଲି କହିଥିଲେ ହେଲେ ଟିଏମସି ଭାଜପା ଉପରେ ଓଲଟା ଅଭିଯୋଗ ଆଣିଥିଲା। ଏହାପରେ ନିର୍ବାଚନ କମିଶନର ରିପୋର୍ଟ ମାଗିଥିଲେ। ନିର୍ବାଚନ କମିଶନର କହିଛନ୍ତି, ମମତାଙ୍କ ସହ ଯାହା ହୋଇଛି ତାହା ଦୁର୍ଘଟଣା, ଷଡ଼ଯନ୍ତ୍ର କିମ୍ବାା ଆକ୍ରମଣର କୌଣସି ପ୍ରମାଣ ନାହିଁ। ମମତା ବାନାର୍ଜୀ ଏବେ ହସ୍ପିଟାଲରୁ ଡିସଚାର୍ଜ ହେବା ପରେ ହ୍ବିଲ ଚେୟାରରେ ପ୍ରଚାର କାମ ଆରମ୍ଭ କରିଛନ୍ତି।
