କୋଲକତା,୧୫।୪: ପଶ୍ଚିମବଙ୍ଗରେ ବିଧାନସଭା ନିର୍ବାଚନକୁ ନେଇ ଭାଜପା ଏବଂ ତୃଣମୂଳ କଂଗ୍ରେସ ମଧ୍ୟରେ କଥା କଟାକଟି ଚାଲିଛି। ଦେଶରେ କରୋନା ବୃଦ୍ଧି ପାଉଥିବାରୁ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଦାୟୀ କରିଥିଲେ। ଏହାର ଜବାବରେ ଭାଜପା ନେତାମାନେ ମମତାଙ୍କ ଉପରେ ବର୍ଷିଛନ୍ତି। ପ୍ରଥମେ ଭାଜପା ଜାତୀୟ ସଭାପତି ଜେପି ନଡ୍ଡା ଏବଂ ପରେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ମଧ୍ୟ ଦିଦିଙ୍କୁ ସମାମଲୋଚନା କରିଛନ୍ତି। ସ୍ମୃତି କହିଛନ୍ତି ଯେ ମୋଦି ଜୀ ତାଙ୍କୁ ଦିଦି-ଦିଦି ବୋଲି ଡାକନ୍ତି, ସେ ତାଙ୍କୁ ଦୁର୍ବ୍ୟବହାର କରୁଛନ୍ତି। କରୋନା ମହାମାରୀ ପାଇଁ ମମତା ବାନାର୍ଜୀ ପ୍ରଧାନମନ୍ତ୍ରୀ ଜୀ ଏବଂ ଅମିତ ଶାହା ଜୀଙ୍କୁ ଦାୟୀ କରୁଛନ୍ତି ବୋଲି ଜାଣି ମୁଁ ଆଶ୍ଚର୍ଯ୍ୟ ହୋଇଗଲି। ଯିଏ ତୁମକୁ ସମ୍ମାନ କରୁଛି, ତୁମେ ତାଙ୍କୁ ତାଙ୍କୁ ସର୍ବସାଧାରଣରେ ଦୁର୍ବ୍ୟବହାର କରିବା କେତେ ଦୂର ଠିକ୍ ବୋଲି ସ୍କୃତି ପ୍ରଶ୍ନ କରିଛନ୍ତି।
ସୂଚନାଯୋଗ୍ୟ, ଜଲପାଇଗୁଡିରେ ଏକ ସାଧାରଣ ସଭାକୁ ସମ୍ବୋଧିତ କରିବାବେଳେ ମମତା ବାନାର୍ଜୀ କହିଛନ୍ତି ଯେ, ଯେତେବେଳେ କରୋନା ପଶ୍ଚିମବଙ୍ଗରେ ମାଡିବ ସେତେବେଳେ ନରେନ୍ଦ୍ର ମୋଦି ଏବଂ ଅମିତ ଶାହା ଏଠାକୁ ଆସିବେ ନାହିଁ। ଏବେ ସେମାନେ ଏଠାକୁ ବାହାର ଲୋକଙ୍କୁ ଆଣୁଛନ୍ତି ଏବଂ କରୋନା ବିସ୍ତାର ହେବା ପରେ ପଳାଇଯିବେ ବୋଲି ମମତା କହିଛନ୍ତି।
