ଲୋକପ୍ରିୟ ମାଲାୟଲମ ଅଭିନେତ୍ରୀ ସରନ୍ୟା ଶଶିଙ୍କ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ମାତ୍ର ୩୫ ବର୍ଷ ହୋଇଥିଲା। ସେ ବ୍ରେନ୍ ଟ୍ୟୁମରରେ ଆକ୍ରାନ୍ତ ଥିଲେ। ପରେ ସେ କରୋନା ଆକ୍ରାନ୍ତ ହୋଇ ତିରୁଭାନନ୍ତପୁରମର ଏକ ଡାକ୍ତରଖାନାରେ ଚିକିତ୍ସିତ ହେଉଥିଲେ। ସରନ୍ୟାଙ୍କ ମୃତ୍ୟୁରେ ଇଣ୍ଡଷ୍ଟ୍ରିର ଶୋକ ଛାୟା ଖେଳିଯାଇଛି। କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ ମଧ୍ୟ ସମବେଦନା ଜଣାଇଛନ୍ତି। ସରନ୍ୟା ୨୦୧୨ରେ ବ୍ରେନ୍ ଟ୍ୟୁମରରେ ଆକ୍ରାନ୍ତ ହୋଇଥିଲେ। ଯାହା ପରେ ସେ ଚଳଚ୍ଚିତ୍ରଠାରୁ ସମ୍ପୂର୍ଣ୍ଣ ଦୂରରେ ଥିଲେ। ଏହି ସମୟରେ ସେ ଆର୍ଥିକ ସଙ୍କଟର ସମ୍ମୁଖୀନ ହୋଇଥିଲେ। ସେହି ସମୟରେ ତାଙ୍କ ସାଙ୍ଗମାନେ ଟଙ୍କା ସଂଗ୍ରହ କରି ଚିକିତ୍ସାରେ ସାହାଯ୍ୟ କରିଥିଲେ। ଏହା ପରେ ସେ କର୍କଟ ରୋଗୀଙ୍କ ପାଇଁ ଏକ ଆଦର୍ଶ ଭାବରେ ମଧ୍ୟ କାର୍ଯ୍ୟ କରିଥିଲେ। ଲକଡାଉନ ସମୟରେ ସେ ଏକ ୟୁଟ୍ୟୁବ ଚ୍ୟାନେଲ ମଧ୍ୟ ଆରମ୍ଭ କରିଥିଲେ।
ମେ ମାସରେ ଅଭିନେତ୍ରୀ ସାରନା କରୋନା ସଂକ୍ରମିତ ହୋଇଥିଲେ, ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିଛି ସମୟ ପରେ ତାଙ୍କ ରିପୋର୍ଟ ନେଗେଟିଭ୍ ଆସିଥିଲା, କିନ୍ତୁ ନିମୋନିଆ ଏବଂ ଶ୍ୱାସକ୍ରିୟାରେ ସମସ୍ୟା ହେତୁ ତାଙ୍କୁ ଡାକ୍ତରଖାନାରେ ରଖାଗଲା। ଗତ କିଛି ସପ୍ତାହ ଧରି ତାଙ୍କ ଅବସ୍ଥା ଗୁରୁତର ଥିବା କୁହାଯାଉଥିଲା। ସରନ୍ୟା ତାଙ୍କ କ୍ଷୁଦ୍ର ଫିଲ୍ମ କ୍ୟାରିୟରରେ ବହୁତ ସଫଳତା ହାସଲ କରିଥିଲେ। ସେ ଟିଭିରେ ଅଭିନୟ ଆରମ୍ଭ କରିଥିଲେ। ପରେ ସେ ସୁପରଷ୍ଟାର ମୋହନଲାଲ ଏବଂ ଅନେକ ବଡ କଳାକାରଙ୍କ ସହ ଫିଲ୍ମରେ ଅଭିନୟ କରିଥିଲେ।
