ଗତ କିଛି ଦିନ ହେବ ଅଭିନେତା ଅରବାଜ ଖାନ ଏବଂ ମଲାଇକା ଆରୋରା ପୁଣି ଥରେ ଚର୍ଚ୍ଚାରେ ଅଛନ୍ତି। ଛାଡପତ୍ର ପରେ ପ୍ରଥମଥର ପାଇଁ ଉଭୟ ପରସ୍ପର ପ୍ରତି ସକାରାତ୍ମକ ମନୋଭାବ ନେଇ ଚାଲୁଛନ୍ତି। ନିକଟରେ ଅରବାଜ ଭୋପାଳରେ ତାଙ୍କର ପରବର୍ତ୍ତୀ ଫିଲ୍ମ ‘ପାଟନା ଶୁକ୍ଲା’ର ଶୁଟିଂ ଆରମ୍ଭ କରିଛନ୍ତି। ସେ ସୋସିଆଲ ମିଡିଆ ମାଧ୍ୟମରେ ଏହି ସୂଚନା ଶେୟାର କରିଛନ୍ତି। ମଲାଇକା ଏହି ପୋଷ୍ଟରେ କମେଣ୍ଟ ଦେଇ ‘ଅଲ୍ ଦ ବେଷ୍ଟ୍’ ବୋଲି କହିଥିଲେ। ଏଥିରୁ ଜଣାପଡୁଛି ଉଭୟ ବର୍ତ୍ତମାନ ସେମାନଙ୍କର ପୁରୁଣା କଥା ଭୁଲି ଯାଇ ଆଗକୁ ବଢିଛନ୍ତି।
ଅରବାଜ ଖାନ ପ୍ରଡକ୍ସନରେ ନିର୍ମିତ ‘ପାଟନା ଶୁକ୍ଲା’ର ଶୁଟିଂ ଭୋପାଳରେ ଆରମ୍ଭ ହୋଇଛି। ଫିଲ୍ମରେ ରବୀନା ଟଣ୍ଡନ, ସତୀଶ ଶୁକ୍ଲା, ମାନଭ ବିଜ ପ୍ରମୁଖ ଅଭିନୟ କରୁଛନ୍ତି।
୫ ବର୍ଷ ପୂର୍ବେ ମଲାଇକାଙ୍କଠାରୁ ଛାଡପତ୍ର ନେବା ପରେ ଅରବାଜ ଏବେ ମଡେଲ ଜର୍ଜିଆଙ୍କ ପ୍ରେମରେ ପଡିଛନ୍ତି। ସେପଟେ ମଲାଇକା ଅଭିନେତା ଅର୍ଜୁନ କପୁରଙ୍କୁ ଡେଟ୍ କରୁଛନ୍ତି। ନିକଟରେ ଅରବାଜ ଏକ ସାକ୍ଷାତକାରରେ ମାଲାଇକାଙ୍କୁ ଜଣେ ମା’ ଭାବରେ ପ୍ରଶଂସା କରିଥିଲେ। ଅରବାଜ କହିଥିଲେ, ମଲାଇକା ଜଣେ ଭଲ ମା’, ପୁଅ ଅରହାନଙ୍କୁ ବହୁତ ଭଲ ଭାବରେ ପାଳୁଛନ୍ତି।
