ଭୁବନେଶ୍ୱର,୧୪। ୩: ଭାରତୀୟ ନାରୀମାନେ ସୌନ୍ଦର୍ଯ୍ୟ କ୍ଷେତ୍ରରେ ସାରା ବିଶ୍ୱରେ ପରିଚିତ। ଏହାର ପ୍ରମୁଖ କାରଣ ହେଉଛି ସାଜସଜ୍ଜା ଓ ଗହଣାର ବହୁଳ ବ୍ୟବହାର। ନାରୀର ସୌନ୍ଦର୍ଯ୍ୟକୁ ଆହୁରି ଦ୍ୱିଗୁଣିତ କରିବା ଲକ୍ଷ୍ୟରେ ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ୍ ପକ୍ଷରୁ ‘ୱାନ୍ ଇଣ୍ଡିଆ ୱାନ୍ ଗୋଲ୍ଡ ରେଟ୍’ (ଏକ ଭାରତ ଗୋଟିଏ ସୁନା ଦର) ସ୍କିମ୍ର ଶୁଭାରମ୍ଭ କରାଯାଇଛି। ଏହି ଚିନ୍ତାଧାରା ରଖି ସଂସ୍ଥା ସାରା ଦେଶରେ ସୁନା ଗହଣାର ମୂଲ୍ୟ ସମାନ ରହିବ ଏବଂ ବିଭିନ୍ନ ଉପତ୍ାଦ ଉପରେ ଉପଯୁକ୍ତ ମେକିଂ ଚାର୍ଜ ନିର୍ଦ୍ଧାରଣ କରିବା ଉପରେ ସଂସ୍ଥା ଗୁରୁତ୍ୱ ଦେବ। ସେହିଭଳି ଗ୍ରାହକମାନଙ୍କ ପ୍ରତି ନିଜର ପ୍ରତିବଦ୍ଧତା ସ୍ବରୂପ ଫେୟାର ପ୍ରାଇସ୍ ପ୍ରମିସ ମଧ୍ୟ ଯୋଗାଇଦେବାକୁ ନିଷ୍ପତ୍ତି ନେଇଛି । ବର୍ତ୍ତମାନ ୪.୯% ଆରମ୍ଭ ହେଉଥିବା ଊର୍ଦ୍ଧ୍ୱ ମେକିଂ ଚାର୍ଜ ଯୁକ୍ତ ଉପତ୍ାଦଗୁଡ଼ିକୁ ଗ୍ରାହକମାନେ ପାଇପାରିବେ ବୋଲି କହିଛନ୍ତି ମାଲାବାର ଗ୍ରୁପ୍ର ନ୍ୟାଶନାଲ ରିଟେଲ ମୁଖ୍ୟ ପି.କେ. ସିରାଜ।
ଦେଶର ଅଗ୍ରଣୀ ପ୍ରତିଷ୍ଠାନ ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ୍ ଓଡ଼ିଶାରେ ଏହାର ପ୍ରଥମ ଷ୍ଟୋର ସ୍ଥାନୀୟ ଶହୀଦନଗରଠାରେ ଶୁଭାରମ୍ଭ କରିଛି। ଏହି ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ ଓଡ଼ିଆ ଅଭିନେତା ସବ୍ୟସାଚୀ ମିଶ୍ର ଶୋ’ରୁମ୍ର ଶୁଭ ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଭୁବନେଶ୍ୱର ବିଧାୟକ ଅନନ୍ତ ନାରାୟଣ ଜେନା, ମାଲାବାର ଗ୍ରୁପ୍ ଅଧ୍ୟକ୍ଷ ଏମ୍.ପି. ଅହମ୍ମଦ, ମାଲାବାର ଗ୍ରୁପ୍ର ସହ ଅଧ୍ୟକ୍ଷ ଡ. ପି.ଏ. ଇବ୍ରାହିମ୍ ହାଜି, ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ ଇଣ୍ଡିଆନ ଅପରେଶନ୍ସର ପ୍ରବନ୍ଧନ ନିର୍ଦ୍ଦେଶକ ଓ’ ଆଶେର, ମାଲାବାର ଗୋଲ୍ଡ୍ ଆଣ୍ଡ ଡାଏମଣ୍ଡସ୍ର ଇଣ୍ଟରନ୍ୟାଶନାଲ ଅପରେଶନ୍ସର ପ୍ରବନ୍ଧନ ନିର୍ଦ୍ଦେଶକ ଶ୍ୟାମଲାଲ ଅହମ୍ମଦ, ମାଲାବାର ଗ୍ରୁପ୍ କାର୍ଯ୍ୟନିର୍ବାହୀ ନିର୍ଦ୍ଦେଶକ ଅବ୍ଦୁଲ ସଲାମ୍ କେପି ଏବଂ ଅନ୍ୟ ବରିଷ୍ଠ ପ୍ରବନ୍ଧନ ଅଧିକାରୀମାନେ ଉପସ୍ଥିତ ଥିଲେ।
ଏହି ଶୋ’ରୁମ୍ରେ ଗ୍ରାହକଙ୍କ ପାଇଁ ଚମତ୍କାର ବିକ୍ରି ପରବର୍ତ୍ତୀ ସୁବିଧା ମଧ୍ୟ ଉପଲବ୍ଧ ରହିଛି। ଏଥିରେ ବ୍ରାଇଡାଲ ଜୁଏଲେରି, ପାରମ୍ପରିକ ଗହଣା, ସବୁଦିନ ପିନ୍ଧି ହେଲା ଭଳି ସୁନା, ହୀରା ଓ ପ୍ଲାଟିନମ ଗହଣା ସହିତ ସଂସ୍ଥାର ବିଭିନ୍ନ ଲୋକପ୍ରିୟ ବ୍ରାଣ୍ଡ ଯଥା ହୀରା ଗହଣା ନିମନ୍ତେ ‘ମାଇନ୍’, କଟାଯାଇ ନ ଥିବା ହୀରା ଗହଣା ପାଇଁ ‘ଏରା’, ଭାରତୀୟ ଐତିହ୍ୟ ସମ୍ବଳିତ ଗହଣା ପାଇଁ ‘ଡିଭାଇନ୍’, ହାତ ତିଆରି ଗହଣା ସମ୍ଭାର ‘ଏଥ୍ନିକ୍ସ’, ଦୁର୍ମୂଲ୍ୟ ରତ୍ନପଥର ଗହଣା ପାଇଁ ‘ପ୍ରେସିଆ’, ‘ଜୋଉଲ’ ଲାଇଫ୍ଷ୍ଟାଇଲ ଅଳଙ୍କାର ଏବଂ ପିଲାମାନଙ୍କ ଗହଣା ପାଇଁ ‘ଷ୍ଟାର୍ଲେଟ୍’ ଆଦି ଉପଲବ୍ଧ । ସେହିପରି ଗ୍ରାହକଙ୍କ ବିବାହ ଲାଗି ଗହଣାର କ୍ରୟ ଉପରେ ଷ୍ଟୋର୍ ପକ୍ଷରୁ ସ୍ବତନ୍ତ୍ର ଅଫର ଅନୁସାରେ ମାତ୍ର ୧୦% ମୂଲ୍ୟ ଅର୍ଥ ଅଗ୍ରିମ ପୈଠକରି ଗହଣା ବୁକ୍ କରି ପାରିବେ ଏବଂ ବୁକିଂ ସମୟର ମୂଲ୍ୟ ବା ଗହଣା ନେବା ସମୟରେ ତାହାର ମୂଲ୍ୟ ମଧ୍ୟରୁ ଯାହା କମ୍ ହେବ ସେହି ଅନୁସାରେ କ୍ରୟ କରିପାରିବେ ବୋଲି ସଂସ୍ଥା ପକ୍ଷରୁ କୁହାଯାଇଛି।
ଏହି ଷ୍ଟୋର ପ୍ରତିଷ୍ଠା ଆମର ଓଡ଼ିଶା ପ୍ରବେଶରେ ନୂଆ ବିଶେଷତା ଆଣିବ। ଆଗାମୀ ପାଞ୍ଚ ବର୍ଷରେ ଆମେ ଆମର ଶୋ’ରୁମ୍ ସଂଖ୍ୟା ୩ ଗୁଣ ବୃଦ୍ଧି କରିବାକୁ ଯୋଜନା ରଖିଛୁ ବୋଲି ମାଲାବାର୍ ଗ୍ରୁପ୍ର ଅଧ୍ୟକ୍ଷ ଏମ୍. ପି. ଅହମ୍ମଦ ସୂଚନା ଦେଇଛନ୍ତି। ସଂସ୍ଥା ଲାଭାଂଶର ୫% କମ୍ପାନୀ ସାମାଜିକ ଦାୟିତ୍ୱବୋଧ (ସିଏସଆର) କାର୍ଯ୍ୟକ୍ରମ ଯଥା ଶିକ୍ଷା, ସ୍ବାସ୍ଥ୍ୟ, ମହିଳା ସଶକ୍ତୀକରଣ, ସୁଲଭ ବାସଗୃହ ଏବଂ ପରିବେଶ ସୁରକ୍ଷା ଆଦି କ୍ଷେତ୍ରରେ ଖର୍ଚ୍ଚ କରିବ ବୋଲି ସୂଚନା ମିଳିଛି। ସଂସ୍ଥା ବର୍ତ୍ତମାନ ସମୟରେ ୧୦ଟି ଦେଶରେ ୨୭୦ଟି ଶୋ’ରୁମ୍, ୧୪ଟି ହୋଲ୍ସେଲ୍ ୟୁନିଟ୍ ସହିତ ବାର୍ଷିକ ୪.୫୧ ବିଲିୟନ ଡଲାର କାରବାର ସହ ବିଶ୍ୱରେ ଏକ ନମ୍ବର ସୁନା ଅଳଙ୍କାର ବିକ୍ରେତା ମାନ୍ୟତା ପାଇଛି।
