ଟିଭି ଅଭିନେତ୍ରୀ ମାହି ବିଜ୍ଙ୍କୁ ହତ୍ୟା ଧମକ ଦେଇଥିବା ତାଙ୍କ ରୋଷେୟାଙ୍କୁ ମୁମ୍ବାଇ ପୋଲିସ ଗିରଫ କରିଛି। ଅଭିନେତା ଜୟ ଭାନୁଶାଳୀ ଏବଂ ମାହିଙ୍କ ଘରେ ରୋଷେୟା ଭାବେ କାର୍ଯ୍ୟ କରୁଥିବା ଜଣେ ବ୍ୟକ୍ତି ହଠାତ୍ ରାଗିଯାଇ ସେମାନଙ୍କୁ ହତ୍ୟା ଧମକ ଦେଇଥିଲେ। କେବଳ ଏତିକି ନୁହେଁ, ମାହିଙ୍କୁ ଛୋଟ ଝିଅକୁ ମାରିଦେବାକୁ ଧମକ ଦେଇଥିଲା।
ଏହି ଘଟଣା ପରେ ଦମ୍ପତି ବହୁତ ଡରି ଯାଇଥିଲେ। ରୋଷେୟାଙ୍କ ବିରୋଧରେ ପୋଲିସ ନିକଟରେ ଅଭିଯୋଗ ଆଣିଥିଲେ। ବର୍ତ୍ତମାନ ମୁମ୍ବାଇ ପୋଲିସ ରୋଷେୟାଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ସନ୍ତୋଷ ଯାଦବ (୪୦)। ଅଭିଯୁକ୍ତ ଜୁହୁର ନେହେରୁ ନଗରର ବାସିନ୍ଦା। ଆଇପିସିର ଧାରା ୫୦୯, (ମହିଳାଙ୍କ ପ୍ରତି ହିଂସା), ୫୦୪, (ବିଶୃଙ୍ଖଳା ସୃଷ୍ଟି କରିବାକୁ ଚେଷ୍ଟା) ଏବଂ ୫୦୬ (ଅପରାଧିକ କାର୍ଯ୍ୟକଳାପ ପାଇଁ ଦଣ୍ଡ) ଅନୁଯାୟୀ ଅଭିଯୁକ୍ତଙ୍କୁ ଗିରଫ କରାଯାଇଛି।
