ଦାରିଙ୍ଗବାଡି, ୧ ।୧୦ (ଅରୁଣ ସାହୁ ): କନ୍ଧମାଳ ଜିଲା ଦାରିଙ୍ଗବାଡି ସହରରେ ଦଶହରା ପାଇଁ ଉତ୍ସବମୁଖର ହୋଇପଡିଛି । ସପ୍ତମୀ ତିଥି ଠାରୁ ଏହି ପର୍ବରେ ମା’ ଦୁର୍ଗା ମୃଣ୍ମୟ ମୂର୍ତ୍ତି ଙ୍କୁ ପୂଜାର୍ଚନା କରାଯାଉଥିବା ବେଳେ ବୁଧବାର ମହାନବମୀ ପୂଜା ପାଳନ କରାଯିବ ଏଥିପାଇଁ ସକାଳ ୮ ଟାରୁ ଆରତୀ, ସୂର୍ଯ୍ୟପୂଜାଠାରୁ ଏହି ପୂଜା ପାଠ ଆରମ୍ଭ କରାଯାଉଛି । ଅଞ୍ଚଳରେ ଶାନ୍ତି ଶୃଙ୍ଖଳା ସହ ମା’ଙ୍କ ଆଶୀର୍ବାଦ ପାଇବା ପାଇଁ ଶ୍ରଦ୍ଧାଳୁମାନେ ମା’ଙ୍କୁ ପୂଜାର୍ଚ୍ଚନା କରୁଛନ୍ତି ଭୋଗ, ଦୀପ, ନେଇ ଶ୍ରଦ୍ଧାଳୁମାନେ ମା’ଙ୍କ ଅସ୍ଥାୟୀ ମଣ୍ଡପରେ ପହଞ୍ଚି ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ । ଦୁଇ ଓଳି ଅର୍ନ୍ନ ଭୋଗ ସହ ହୋମ ଯଜ୍ଞ ଆଦି ପାଳନ କରାଯାଇଛି । ମା ’ଦୁର୍ଗାପୂଜା କମିଟିର ଦଭାପତି ଜୟ ଚନ୍ଦ୍ର ପଡ୍ରାଙ୍କ ନେତୃତ୍ୱରେ ପୂଜାର୍ଚ୍ଚନା ଓ ଏହି ପର୍ବ ପାଳନ କରାଯାଉଛି। ମୁଖ୍ୟ ପୂଜକ ବୁଲୁ ତ୍ରିପାଠୀଙ୍କ ଦ୍ୱାରା ପୂଜାର୍ଚ୍ଚନା କରାଯାଉଛି । ଆସନ୍ତାକାଲି ଦଶମୀ ପୂଜା ବଡ଼ ଧୂମଧାମରେ ପୂଜାର୍ଚ୍ଚନା କରାଯିବ ବୋଲି କମିଟି ପକ୍ଷରୁ କୁହାଯାଇଛି । ସେହିପରି ଦାରିଙ୍ଗବାଡି ସମେତ ସମସ୍ତ ବ୍ଲକ ଅଞ୍ଚଳରେ ଏହି ଦଶହରା ପର୍ବ ପାଇଁ ଘରେ ଘରେ ଗାଡି ମୋଟର ଯନ୍ତ୍ରପତି, ଲୁହା ସାମଗ୍ରୀ ଆଦି ପୂଜାର୍ଚ୍ଚନା କରାଯାଇ ବର୍ଷା ସାରା ଶାନ୍ତି ସମୃଦ୍ଧି ବୃଦ୍ଧି ପାଇଁ ସମସ୍ତେ ଆରାଧନା କରୁଛନ୍ତି। ଶାନ୍ତି ଶୃଙ୍ଖଳାରେ ଏହି ପର୍ବ ପାଳନ ପାଇଁ ଦାରିଙ୍ଗବାଡି ଥାନା ପକ୍ଷରୁ ଡିଏସପି କନକ ମାଝିଙ୍କ ନେତୃତ୍ୱ ରେ ସବଇନ୍ସପେକ୍ଟର ଜୟନ୍ତ କୁମାର ସେଠୀ, ଲଷ୍ମୀ ମାଝୀ, ବାସନ୍ତି ବେହେରା ଏଏସଆଇ ଅର୍ଜୁନ ଶବର, ଶ୍ରୀନିବାସ ରାଓ ପ୍ରମୁଖ ବିଭିନ୍ନ ମଣ୍ଡପ ବୁଲିବା ସହ ଥାନା ଅଞ୍ଚଳରେ ବ୍ୟାପକ ପାଟ୍ରୋଲିଂ ସହ ସାଦା ପୋଷକରେ ପୋଲିସ ଅପରାଧି କାର୍ଯ୍ୟକଳାପ ଉପରେ କଡା ନଜର ରଖିଥିବା ଡିଏସପି ମାଝୀ କହିଛନ୍ତି ।
