ଦିଗପହଣ୍ଡି,୩।୭(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ଗ୍ରାମ୍ୟ ନ୍ୟାୟାଳୟ ଆନୁକୁଲ୍ୟରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବନ ମହୋତ୍ସବ ସପ୍ତାହ ପାଳନ ଅବସରରେ ଆୟୋଜିତ କାର୍ଯ୍ୟକ୍ରମରେ ମାଜିଷ୍ଟ୍ରେଟ ସରୋନ ବସ୍ତିଆ ସାହାସପୁର ହାଟପଦା- ଜଲମରା ଗ୍ରାମ ରାସ୍ତା କଡ଼ରେ ନବନିର୍ମିତ କୋର୍ଟ କମ୍ପ୍ଲେକ୍ସ ପରିସରରେ ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।
ଉକ୍ତ କାର୍ଯ୍ୟକ୍ରମରେ ମାଜିଷ୍ଟ୍ରେଟଙ୍କ ସମେତ ସରକାରୀ ଓକିଲ ସୁରେଶ ଚନ୍ଦ୍ର ସାହୁ, ବିଜୟ କୁମାର ପ୍ରଧାନ, ସାନଖେମୁଣ୍ଡି ଓକିଲ ସଂଘର ସମ୍ପାଦକ କିଶୋର ଚନ୍ଦ୍ର ଗୌଡ଼, ଆଇନଜୀବୀ ପ୍ରଶାନ୍ତ କୁମାର ଡାକୁଆ, ସାମାଜିକ କର୍ମୀ ପ୍ରସାଦ ଦୋରା ପ୍ରମୁଖ ବିଭିନ୍ନ କିସମର ବୃକ୍ଷ ଚାରା ରୋପଣ କରିଥିଲେ । ବନ ବିଭାଗ ପାଟପୁର ସେକ୍ସନ କାର୍ଯ୍ୟାଳୟ ଫରେଷ୍ଟର ସନ୍ତୋଷ କୁମାର ସାହୁ, ଫରେଷ୍ଟ ଗାର୍ଡ ଜି. ଦିଲ୍ଲୀପ, ଯମୁନା ଜାନି, ପାରା ସ୍କାର୍ଡ ସଦସ୍ୟ ପି.ଉଦୟ ଚନ୍ଦ୍ର ଦୋରା, ଅସୁଲୁ ସ୍ୱାଇଁ, କୋର୍ଟ କର୍ମଚାରୀ ମୁକ୍ତିକାନ୍ତ ବେହେରା, ପ୍ରଜ୍ଞାଲିମା ବାରିସଲ, ସୁଶ୍ରୀ କୃତାଞ୍ଜଳି ମଳିକ, ସନ୍ତୋଷ କୁମାର ରାଉତ, ବାସୁଦେବ ମହାଙ୍କୁଡ, ପ୍ରଫୁଲ୍ଲ ବେହେରା, ସମୀର ନାୟକ ପ୍ରମୁଖ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।