ରଗଡି,୪ା୪(ଡି.ଏନ୍.ଏ.): ଯାଜପୁର ଜିଲାର ରଗଡ଼ି ଅଞ୍ଚଳର ପ୍ରସିଦ୍ଧ ଦୈବୀପୀଠ ମା’ କାମୁଡ଼େଇଙ୍କ ମନ୍ଦିରକୁ ପ୍ରଶାସନ ଅଣଦେଖା କରୁଛି। ଜିଲା ତଥା ଜିଲା ବାହାରୁ ପ୍ରତିଦିନ ବହୁ ଶ୍ରଦ୍ଧାଳୁ ମା’ଙ୍କ ଦର୍ଶନ ପାଇଁ ଆସିଥାନ୍ତି। ବିବାହ ଓ ବ୍ରତ କ୍ଷେତ୍ରରେ ମଧ୍ୟ ବହୁ ଲୋକଙ୍କ ଭିଡ ଦେଖିବାକୁ ମିଳେ। ଓଡ଼ିଶାର ଗଣପର୍ବ ରଜ ୩ ଦିନ ଏଠାରେ ବହୁ ଜାକଜମକରେ ପାଳନ ହୁଏ, ଯାହାକୁ ଦେଖିବାକୁ ଭକ୍ତଙ୍କ ଭିଡ଼ ପରିଲକ୍ଷିତ ହୁଏ। ସେହିପରି ଜାଗର ବଡ଼ ଓଷା ଓ ବିଭିନ୍ନ ପର୍ବପର୍ବାଣୀରେ ଏଠାରେ ବହୁ ଆଡମ୍ବରରେ ପାଳନ ହୁଏ। ହେଲେ ଅର୍ଥାଭାବରୁ ମନ୍ଦିରର ନିର୍ମାଣ କାର୍ଯ୍ୟ ଅଧାପନ୍ତରିଆ ହୋଇ ପଡ଼ିରହିଛି। ଜମି ଚିିହ୍ନଟ ହୋଇ ପାରୁ ନ ଥିବାରୁ ଅନେକ ଜବରଦଖଲକାରୀ ମନ୍ଦିର ଜମିକୁ ହଡ଼ପ କରିଛନ୍ତି। ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଉକ୍ତ ମନ୍ଦିର କାର୍ଯ୍ୟ ଶେଷ କରିବା ସହ ପାଚେରି ନିର୍ମାଣ ପାଇଁ ରଗଡ଼ି ଅଞ୍ଚଳବାସୀ ଦାବି କରିଛନ୍ତି।
