ଗୁଣପୁର, ୨୭।୨ (ସଂକେତ ପାତ୍ର ): ପ୍ରଥମେ ଭଲ ପାଇଲେ, ପରେ ବାହା ହେଲେ। ବାହାଘର ପରେ କାମ ଅନ୍ବେଷଣରେ କର୍ଣ୍ଣାଟକ ଚାଲିଯାଇଥିଲେ। ସେଠାରେ କୌଣସି କାରଣରୁ ପ୍ରେମୀଯୁଗଳଙ୍କ ମୃତ୍ୟୁ ଘଟିଛି। ମୃତକ ହେଲେ ଗଜପତି ଜିଲା ଅଡବା ଥାନା ବଚେବା ଗାଁର ଦୀପନ୍ତ ଶବର ଏବଂ ରାୟଗଡା ଜିଲା ଗୁଣପୁର ବ୍ଲକ ପୁଟାସିଂ ଥାନା ରିଜିଙ୍ଗତାଲ ଗାଁ ର ମଞ୍ଜୁଳା ଶବର (୨୨)। ଉଭୟ ଆତ୍ମହତ୍ୟା କରିଥିବା ପରିବାର ଲୋକେ ସନ୍ଦେହ କରିଛନ୍ତି। ତେବେ ଉଭୟଙ୍କ ମୃତଦେହ ନିଜ ଗାଁକୁ ଫେରାଇ ଆଣିବାକୁ
ମୃତ ମହିଳାଙ୍କ ପରିବାର ଲୋକେ ଶୁକ୍ରବାର ଗୁଣପୁର ବ୍ଲକ ପ୍ରଶାସନ ଏବଂ ପୁଟାସିଂ ଥାନାରେ ନିବେଦନ କରିଛନ୍ତି।
ସୂଚନା ଅନୁଯାୟୀ, ଗଜପତି ଜିଲା ଅଡବା ଥାନା ବଚେବା ଗାଁର ଦୀପନ୍ତ ଗୁଣପୁରକୁ କାମ ଅନ୍ବେଷଣରେ ଆସି ରହୁଥିଲେ। ସେହି ସମୟରେ ଗୁଣପୁର ବ୍ଲକ ପୁଟାସିଂ ଥାନା ରିଜିଙ୍ଗତାଲ ଗାଁର ମଞ୍ଜୁଳା ଶବରଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା। ଦୀପନ୍ତ ପୂର୍ବରୁ ବିବାହିତ ଥିଲେ ମଧ୍ୟ ସେ ମଞ୍ଜୁଳାଙ୍କୁ ବିବାହ କରି କର୍ଣ୍ଣାଟକ ଚାଲି ଯାଇଥିଲେ। ପରିବାର ଲୋକେ ମଞ୍ଜୁଳା ନ ପାଇ ଗତ ଅକ୍ଟୋବରରେ ନିଖୋଜ ଥିବା ନେଇ ପୁଟାସିଂ ଥାନାରେ ଅଭିଯୋଗ କରିଥିଲେ। ସେମାନେ କର୍ଣ୍ଣାଟକର ଅନେକାଲ ତାଲୁକ ସୂର୍ଯ୍ୟନଗର ଥାନା ଅଞ୍ଚଳରେ ଘର ଭଡା ନେଇ ରହୁଥିଲେ। କୌଣସି କାରଣକୁ ନେଇ ଉଭୟ ଆତ୍ମହତ୍ୟା କରିଥିବା କୁହାଯାଉଛି। ମିଳିଥିବା ଏକ ଭିଡିଓରୁ ଜଣାପଡ଼ିଛି, ଦୀପନ୍ତ ଶୋଇକି ଉଠିବା ପରେ ଦେକତ୍ଲେ ପ୍ରେମିକା ମଞ୍ଜୁଳାଙ୍କ ମୃତଦେହ ଏକ ସୋଫା ଉପରେ ପଡିଛି। ଏହାପରେ ନିଜକୁ ଅସହାୟ ମନେ କରି ଦୀପନ୍ତ ମଧ୍ୟ ଜୀବନ ହାରିବା ପାଇଁ କହୁଛନ୍ତି। ଦୁଇ ଜଣଙ୍କ ମୃତ୍ୟୁକୁ ନେଇ ଉଭୟଙ୍କ ପରିବାର ଲୋକେ ଦାୟୀ ନୁହଁନ୍ତ ବୋଲି କହିବା ସହ ସ୍ତ୍ରୀର ଭାଇଙ୍କୁୁ କ୍ଷମା କରିବା ପାଇଁ କହି ଲାଇଭ୍ ଭିଡିଓ ସୋସିଆଲ ମିଡିଆରେ ଛାଡିଥିଲେ। ଏହାପରେ ଦୀପନ୍ତ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ତେବେ ତାଙ୍କ ମୋବଇଲରେ ସେ ନିଜେ ଭିଡିଓ କରିଛନ୍ତି ନା ଆଉ କିଏ ଭିଡିଓ କରିଛି ତାହା ସନ୍ଦେହ ଘେରରେ ରହିଛି। ୨୦୨୬ ଫେବୃୟାରୀ ୨୫ ତାରିଖ ଭୋର ୨ଟା ୨୩ ମିନିଟରେ ଭିଡିଓ କରାଯାଇଥିବା ଜଣାପଡ଼ିଛି। କୌଣସି ସୂତ୍ରରୁ ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚତ୍ ଉଭୟଙ୍କ ମୃତଦେହ ଜବତ କରିବା ପରେ ଝିଅ ଘର ପରିବାରକୁ ଜଣାଇଥିଲେ। ମୃତଦେହ କର୍ଣ୍ଣାଟକରୁ ଗାଁକୁ ଆଣିବା ପାଇଁ ମୃତ ମଞ୍ଜୁଳାଙ୍କ ବାପା ଷ୍ଟିପେନ ଓ ପରିବାର ଲୋକ, ଗ୍ରାମବାସୀ ପୋଲିସ ଓ ପ୍ରଶାସନ ପାଖରେ ଆକୁଳ ନିବେଦନ କରିଛନ୍ତି।
