ନୂଆଦିଲ୍ଲୀ,୩୦।୪: ଭାରତୀୟ ଜନତା ପାର୍ଟି(ଭାଜପା) ବାରାଣସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୂର୍ଣ୍ଣ ଶକ୍ତି ସହିତ ନାମାଙ୍କନ ଭରିିବେ। ଏକ ବିଶେଷ ସମୟରେ ଏହି ନାମାଙ୍କନ ପ୍ରକ୍ରିୟା ଶେଷ ହେବ। ଉକ୍ତ ଦିନ ପ୍ରଧାନମନ୍ତ୍ରୀ ମୋଦି ଏକ ରୋଡ୍ ଶୋ’ କରିବେ। ସେ ବାବା ବିଶ୍ୱନାଥ ଏବଂ ବାବା କାଳ ଭୈରବଙ୍କ ଦର୍ଶନ କରିବେ। ଏହି ସମୟରେ ଭାଜପାର ବରିଷ୍ଠ ନେତାମାନେ ମଧ୍ୟ ଉପସ୍ଥିତ ରହିବେ। ମୋଦି ତୃତୀୟ ଥର ପାଇଁ ବାରାଣସୀରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। ୨୦୧୪ ରେ ସେ ପ୍ରଥମ ଥର ପାଇଁ ଲୋକ ସଭା ର୍ନିବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ।
ପିଏମ ମୋଦି ମେ’ ୧୩ରେ ବନାରସ ଜିଲାପାଳଙ୍କ ଅଫିସରେ ଅପରାହ୍ନ ୧.୩୦ରୁ ୨.୩୦ ମଧ୍ୟରେ ନାମାଙ୍କନ କରିବେ। ବାବା ବିଶ୍ୱନାଥ ଏବଂ ବାବା କାଳ ଭୈରବଙ୍କ ଦର୍ଶନ କରିବା ପରେ ସେ ତାଙ୍କ ନାମାଙ୍କନପତ୍ର ଦାଖଲ କରିବେ। ଏହି ସମୟରେ ଗୃହ ମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ସିଏମ୍ ଯୋଗୀ ଆଦିତ୍ୟନାଥଙ୍କ ସମେତ ବହୁ ବରିଷ୍ଠ ଭାଜପା ନେତା ଉପସ୍ଥିତ ରହିବେ। ତେବେ ଏହା ପୂର୍ବରୁ ପ୍ରଧାନମନ୍ତ୍ରୀ ବିଏଚ୍ୟୁରୁ ଜିଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ରୋଡ ଶୋ ମଧ୍ୟ କରିବେ।
ପ୍ରଧାନମନ୍ତ୍ରୀ ମୋଦିଙ୍କ ନାମାଙ୍କନ ସର୍ବାର୍ଥ ସିଦ୍ଧି ଯୋଗ ମୁହୂର୍ତ୍ତରେ ହେବ। ସେହି ଦିନ ପୂଷ୍ୟ ନକ୍ଷତ୍ରରେ ଶିବ ଏବଂ ଶକ୍ତିଙ୍କର ଏକ ଚମତ୍କାର ସଂଯୋଗ ସୃଷ୍ଟି ହେଉଛି। ଷଷ୍ଠୀ ତିଥୀ, ପୂଷ୍ୟ ନକ୍ଷତ୍ର ଏବଂ ସର୍ବାର୍ଥ ସିଦ୍ଧି ଯୋଗ ଦିନ ପ୍ରଧାନମନ୍ତ୍ରୀ ତାଙ୍କ ନାମାଙ୍କନ ପତ୍ର ଭରିବେ। ନିର୍ଦ୍ଧାରିତ ସମୟ ଅତ୍ୟନ୍ତ ଶୁଭ ଏବଂ ସମସ୍ତ ଇଚ୍ଛା ପୂରଣ କରେ। ଦିନଟି ସୋମବାର ଏବଂ ଏହା ମଧ୍ୟ ଷଷ୍ଠୀ ଦେବୀଙ୍କ ଦିନ। ଏହି କାରଣରୁ ଶିବ ଏବଂ ଶକ୍ତିଙ୍କର ଏକ ସୁନ୍ଦର ସଂଯୋଗ ମଧ୍ୟ ସୃଷ୍ଟି ହେଉଥିବା ମନ୍ଦିରର ପୂଜାରୀମାନେ ପ୍ରକାଶ କରିଛନ୍ତି।
ପ୍ରଧାନମନ୍ତ୍ରୀ ମୋଦି ତୃତୀୟ ଥର ପାଇଁ ବାରାଣସୀରୁ ଲଢ଼ୁଛନ୍ତି। ଲଗାତର ୨ ଥର ପ୍ରଧାନମନ୍ତ୍ରୀ ବାରାଣସୀରୁ ଏମ୍ପି ଭାବେ ନିର୍ବାଚିତ ହୋଇଛନ୍ତି। ୨୦୧୪ ନିର୍ବାଚନରେ ପ୍ରଧାନମନ୍ତ୍ରୀ ମୋଦି ପ୍ରଥମ ଥର ପାଇଁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ବିପୁଳ ବ୍ୟବଧାନରେ ଜିତି କେନ୍ଦ୍ରରେ କ୍ଷମତା ହାସଲ କରିଥିଲେ। ବାରାଣସୀ ଆସନରୁ ଏହି ନିର୍ବାଚନରେ ପ୍ରଧାନମନ୍ତ୍ରୀ ମୋଦି ୫୮୧,୦୨୨ ଭୋଟ ପାଇଥିବାବେଳେ ଆମ ଆଦମୀ ପାର୍ଟି ନେତା ଅରବିନ୍ଦ କେଜ୍ରିିୱାଲ ତାଙ୍କ ବିପକ୍ଷରେ ଲଢ଼ୁଥିଲେ। କେଜ୍ରିିୱାଲଙ୍କୁ ୨୦୯,୨୩୮ ଭୋଟ ମିଳିଥିଲା। ପ୍ରଧାନମନ୍ତ୍ରୀ ମୋଦୀ ଏହି ନିର୍ବାଚନରେ ୩୭୧,୭୮୪ ଭୋଟ ବ୍ୟବଧାନରେ ଜିତିଥିଲେ।
୨୦୧୯ ବିଧାନସଭା ନିର୍ବାଚନରେ ସମାଜବାଦୀ ପାର୍ଟିର ଶାଳିନୀ ଯାଦବ ବାରାଣସୀ ଲୋକ ସଭା ଆସନରୁ ମୋଦିଙ୍କ ବିରୋଧରେ ଲଢ଼ିଥିବା ବେଳେ କଂଗ୍ରେସ ଅଜୟ ରାୟଙ୍କୁ ପ୍ରାର୍ଥୀ କରିଥିଲା। ନିର୍ବାଚନ ଏକପାଖିଆ ହୋଇଥିଲା। ପ୍ରଧାନମନ୍ତ୍ରୀ ମୋଦି ୪୭୯,୫୦୫ ଭୋଟ ବ୍ୟବଧାନରେ ନିର୍ବାଚନରେ ବିଜୟୀ ହୋଇଥିଲେ। ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୬୭୪,୬୬୪ ଭୋଟ ପାଇଥିବାବେଳେ ଶାଲିନୀ ଯାଦବଙ୍କୁ ୧୯୫,୧୫୯ ଭୋଟ ଏବଂ ଅଜୟ ରାୟ ୧୫୨,୫୪୮ ଭୋଟ ପାଇଥିଲେ। ବାରାଣସୀ ଆସନରେ ମୋଟ ୧,୦୬୦,୮୨୯ ଭୋଟ ପଡ଼ିଥିଲା।
