ଗ୍ରାମାଞ୍ଚଳରେ ବଢୁଛି ମଦଦୋକାନ

ଯାଜପୁର ଅଫିସ,୩୧ା୩: ଜାତୀୟ ରାଜପଥ କଡ଼ରେ ଥିବା ଠିପି ବନ୍ଦ ଓ ଠିପି ଖୋଲା ଦେଶୀ ବିଦେଶୀ ମଦଦୋକାନ ସ୍ଥାନାନ୍ତର ହେବା ଦିନଠାରୁ ଗ୍ରାମାଞ୍ଚଳ ପରିବେଶ ଏବଂ ସାମାଜିକ ଚଳଣିରେ ବାଧା ସୃଷ୍ଟି ହୋଇଛି। ଜିଲାସାରା ଏହାକୁ ଲୋକେ ବିରୋଧ କରିବା ସହ ପ୍ରଶାସନର ଦ୍ୱାରସ୍ଥ ହେଉଛନ୍ତି। କିନ୍ତୁ ପ୍ରଶାସନ ପକ୍ଷରୁ ଏହାକୁ ରୋକା ନ ଯାଇ ବରଂ ମଦ ଦୋକାନ ସଂଖ୍ୟା ବୃଦ୍ଧି ଘଟାଯାଇଛି। ଗତ ୫ ବର୍ଷ ମଧ୍ୟରେ ଜିଲାରେ ୧୮ ମଦ ଦୋକାନ ବଢ଼ିଛି। ଏହାସହ ଜିଲାର ପ୍ରାୟ ୭୫ ମଦ ଦୋକାନକୁ ସ୍ଥାନ ପରିବର୍ତ୍ତନ ପ୍ରକ୍ରିୟାରେ ଗ୍ରାମାଞ୍ଚଳମୁଖୀ କରାଯାଇଛି।
ସୂଚନାଯୋଗ୍ୟ, ୨୮ା୭ା୨୦୧୬ରେ ଅବକାରୀ ବିଭାଗର ତତ୍କାଳୀନ ଅତିରିକ୍ତ ସଚିବ ପି.କେ.ପଣ୍ଡା ରାତି ୮ଟା ପରେ ସମସ୍ତ ମଦ ଦୋକାନକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। କିନ୍ତୁ ସେହି ନିର୍ଦ୍ଦେଶ କିଛି ଦିନ ପରେ ଉଠି ଯାଇଥିଲା। ବର୍ତ୍ତମାନ ରାତି ୧୧ଟା ପର୍ଯ୍ୟନ୍ତ ମଦ ଦୋକାନ ଖୋଲିବାକୁ ଅନୁମତି ମିଳିଛି। ଏବେ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ଯାଇ ରାଜପଥ କଡ଼ରୁ ୫୦୦ ମିଟରରୁ ଊର୍ଦ୍ଧ୍ୱ ଦୂରରେ ମଦ ଦୋକାନ ଗଢ଼ିଉଠିଛି। ଏହିକ୍ରମରେ ଅଧିକାଂଶ ମଦ ଦୋକାନ ଗ୍ରାମାଞ୍ଚଳରେ ରହିଛି। ଶିକ୍ଷାନୁଷ୍ଠାନ, ସରକାରୀ ଅଫିସ, ବ୍ୟାଙ୍କ, ମନ୍ଦିର, ପୋଖରୀ ପ୍ରଭୃତି ସ୍ଥାନ ନିକଟରେ ମଦ ଦୋକାନଗୁଡ଼ିକ ରହିଛି। ଅବକାରୀ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ଜିଲାରେ ୪୨ ଠିପି ବନ୍ଦ, ୫୬ ଠିପି ଖୋଲା ଏବଂ ୧୬ ଆସ୍କାଫର୍ଟି ଦେଶୀମଦ ଦୋକାନ ରହିଛି। ଠିପି ଖୋଲା ମଦ ଦୋକାନ ପାଖରେ ବିଶେଷକରି ବିଶୃଙ୍ଖଳା ଦେଖାଦେଉଛି। ଏଠାରେ ଯାଜପୁର ବ୍ଲକ କୁସୁନପୁର ଗ୍ରାମ ନିକଟରେ ଥିବା ଠିପି ଖୋଲା ମଦ ଦୋକାନକୁ ଉଦାହରଣ ଭାବେ ନିଆଯାଇପାରେ। ସେହି ବାଟଦେଇ ଛାତ୍ରୀଛାତ୍ର, ମହିଳାମାନେ ଯିବା ଆସିବା କରୁଥିବାବେଳେ ବିଭିନ୍ନ ଅଶ୍ଳୀଳ ଇଙ୍ଗିତର ଶିକାର ହୋଇଥାନ୍ତି। ଏହି ମଦ ଦୋକାନର ବାର୍ଷିକ ରିନ୍ୟୁ ହୋଇଛି କି ନାହିଁ ତାହା ମଧ୍ୟ ଗ୍ରାମବାସୀ ସନ୍ଦେହରେ ରହିଛନ୍ତି। ଏହି ମଦ ଦୋକାନକୁ ସ୍ଥାନାନ୍ତର କରିବାକୁ ଗ୍ରାମବାସୀ ପୂର୍ବରୁ ଜିଲା ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ହେଁ କିଛି ସୁଫଳ ମିଳି ପାରିନାହିଁ। ପୂର୍ବରୁ ଜାତୀୟ ରାଜପଥ କଡ଼ରେ ଥିବା ମଦ ଦୋକାନଗୁଡ଼ିକ ଦୁର୍ଘଟଣାର କାରଣ ବୋଲି ଦର୍ଶାଇ ସ୍ଥାନାନ୍ତର ହୋଇଥିଲେ ହେଁ ଏବେ ତାହା ଗ୍ରାମବାସୀଙ୍କ ପାଇଁ କାଳ ହୋଇଛି। ଅନ୍ୟଏକ ଉଦାହରଣ ଭାବେ ମହାକୁର ନିକଟରେ ଥିବା ଏକ ଠିପି ବନ୍ଦ ମଦ ଦୋକାନକୁ ନିଆଯାଇପାରେ। ଏହି ମଦ ଦୋକାନଠାରୁ ମାତ୍ର ୧୦୦ ମିଟର ଦୂରରେ ସରକାରୀ ଆଇଟିଆଇ କଲେଜ ରହିଛି। ଏହି କଲେଜର ହଷ୍ଟେଲରେ ବିଭିନ୍ନ ଅଞ୍ଚଳର ଶତାଧିକ ଛାତ୍ରୀଛାତ୍ର ରୁହନ୍ତି। ସେମାନେ ନିଜର ନିତ୍ୟ ସାମଗ୍ରୀ କିଣିବାକୁ ହଷ୍ଟେଲ ପରିସରରୁ ବାହାରିଲେ ମଦୁଆମାନଙ୍କ ବିଭିନ୍ନ ଅଶ୍ଳୀଳ ଇଙ୍ଗିତର ଶିକାର ହେଉଛନ୍ତି। ଏହାବାଦ୍‌ ଉକ୍ତ ରାସ୍ତା ଦେଇ ହାଇସ୍କୁଲକୁ ଛାତ୍ରୀଛାତ୍ର ଯିବା ଆସିବା କରିଥାନ୍ତି। ସେମାନେ ମଧ୍ୟ ମଦୁଆଙ୍କ ମାନସିକ ନିର୍ଯାତନାର ଶିକାର ହେଉଥିବା ଅଭିଯୋଗ ହେଉଛି। ଅନ୍ୟପକ୍ଷେ ଯାଜପୁର ସହରର ବସଷ୍ଟାଣ୍ଡ, ନାରାୟଣୀ ଛକ, ଯୋଡିପୁଅ ଛକ, ସାନବଜାର ନିକଟରେ ବିଦେଶୀ ମଦ ଦୋକାନ ରହିଛି। ଏହାବାଦ ବ୍ୟାସନଗରର ଦଳା ଛକ, ବାଇପାସ୍‌ ରାସ୍ତା, ରେଳଷ୍ଟେସନ ନିକଟ, ସରସ୍ବତୀ ସିନେମା ହଲ ନିକଟ ଆଦି ସ୍ଥାନରେ ବାର ଏବଂ ମଦ ଦୋକାନ ରହିଛି। ଏହାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଏ ସଂକ୍ରାନ୍ତରେ ବରୁଆଁ ଉପରବରୁଆଁ ସରପଞ୍ଚ ପ୍ରତିନିଧି ଶେଖ ଗୁଲାମ ଅଲି ଓ ପୂର୍ବତନ ସରପଞ୍ଚ ଗଦାଧର ଦାସ କୁହନ୍ତି, ଗ୍ରାମ ନିକଟରେ ମଦ ଦୋକାନ ରହିଥିବାରୁ ଗରିବ ଲୋକେ ବହୁମାତ୍ରାରେ ଶୋଷିତ ହେଉଛନ୍ତି। ପରିବାର ଓ ନିଜ ନିଜ ମଧ୍ୟରେ ଗଣ୍ଡଗୋଳ ସାଧାରଣ କଥା ହେଉଛି। ମଦ ପିଇ ଗାଡ଼ି ଚାଳନା ଯୋଗୁ ପ୍ରମୁଖ ଛକଗୁଡ଼ିକରେ ଦୁର୍ଘଟଣା ଘଟୁଛି। ତେଣୁ ଗ୍ରାମଠାରୁ ବହୁ ଦୂରରେ ମଦ ଦୋକାନଗୁଡ଼ିକ ଖୋଲିବାକୁ ସେମାନେ ଦାବି କରିଛନ୍ତି। ଏ ସଂକ୍ରାନ୍ତରେ ଜିଲା ଅବକାରୀ ଅଧୀକ୍ଷକ ଅମର ଜେନାଙ୍କ ମତାମତ ନେବାକୁ ତାଙ୍କ ମୋବାଇଲ ଫୋନକୁ ଗୁରୁବାର ସନ୍ଧ୍ୟାରେ ଯୋଗାଯୋଗ କରାଯାଇଥିଲେ ହେଁ ସେ ଫୋନ କଲ ଗ୍ରହଣ କରି ନ ଥିଲେ।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?