ଦିଗପହଣ୍ଡି,୮।୬(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଟି.ଗୋବିନ୍ଦପୁର ପଞ୍ଚାୟତ ଜନଜାତି ବହୁଳ ଦାମପୁର ଗାଁ ନିକଟ ଦୁର୍ଗମ ଜଙ୍ଗଲରେ ରବିବାର ଅବକାରୀ ଟିମ୍ ଚଢାଉ କରି ବେଆଇନ ଭାବେ ଭାବେ ଚାଲିଥିବା ଏକ ମଦ କାରଖାନାକୁ ଭାଙ୍ଗି ଦେଇଛି।
ଚିକିଟି ଅବକାରୀ ଇନ୍ସପେକ୍ଟର ସଞ୍ଜୟ କୁମାର ପଣ୍ଡା, ଦିଗପହଣ୍ଡି ଅବକାରୀ ଥାନା ଭାରପ୍ରାପ୍ତ ଅଧିକାରୀ ଅନୀତା ପ୍ରଧାନ, ବ୍ରହ୍ମପୁର ଏବଂ ଗୋଳନଥରା ଅବକାରୀ କର୍ମଚାରୀ ଚଢାଉ କରି ୧୨,୦୧୦ ଲିଟର ଗୁଡ଼ ମିଶ୍ରିତ ମଦ ପୋଚ ନଷ୍ଟ କରିବା ସହ ୪୨୦ ଲିଟର ରନ୍ଧା ଦେଶୀମଦ, ମଦ ରନ୍ଧା ସରଞ୍ଜାମ, ପ୍ଲାଷ୍ଟିକ ଡ୍ରମ, ବାଲଟି ଆଦି ଜବତ କରିଥିଲେ। ଏନେଇ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇଛି।
