ବେଙ୍ଗାଲୁରୁ,୨୫ ।୧୦: କର୍ନାଟକର ରାମ ନଗର ଜିଲାରେ ଜଣେ ଲିଙ୍ଗାୟତ ସାଧୁଙ୍କ ମୃତ ଶରୀର ଏକ ମଠରୁ ଜବତ କରାଯାଇଛି । ଏହାପରେ ସାରା ଅଞ୍ଚଳରେ ଭୟର ବାତାବରଣ ଦେଖାଦେଇଛି । ସୂଚନା ମୁତାବକ ପୋଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି । ପୋଲିସକୁ ମୃତଦେହ ନିକଟରୁ ଦୁଇଟି ସୁଇସାଇଡ ନୋଟ ମିଳିଛି । ମୃତ୍ୟୁର କାରଣ ଜଣାପଡି ନ ଥିବା ବେଳେ ଏହା ଆତ୍ମହତ୍ୟା ହୋଇଥାଇପାରେ ବୋଲି ପୋଲିସ କହିଛି ।
ସୂଚନାଯୋଗ୍ୟ, ରାମ ନଗର ଜିଲାର ଶ୍ରୀ କଂଚୁଗଲ ବଂଦେମଠରେ ସୋମବାର ଜଣେ ଲିଙ୍ଗାୟତ ସାଧୁ ବସୱାଲିଙ୍ଗ ସ୍ୱାମୀ(୪୫)ଙ୍କକ ମୃତଦେହ ଆଶ୍ରମ ଭିତରେ ଝୁଲନ୍ତା ଅବସ୍ଥାରେ ମିଳିଥିଲା । ଯେତେବେଳେ କଂଚୁଗଲ ବଂଦେମଠ ମୁଖ୍ୟ ପୂଜାରୀ ବସୱାଲିଙ୍ଗ ସ୍ୱାମୀ ସକାଳୁ ତାଙ୍କ କୋଠରିର କବାଟ ଖୋଲି ନ ଥିଲେ ସେତେବେଳେ ଭକ୍ତମାନେ ତାଙ୍କ କବାଟ ବାଡେଇବା ସହ ତାଙ୍କୁ ଫୋନ କରିଥିଲେ । ହେଲେ ଏହାର କୌଣସି ଉତ୍ତର ନ ମିଳିବାକୁ ଭକ୍ତମାନେ ତାଙ୍କ କବାଟ ଭାଙ୍ଗି ଦେଇଥିଲେ । ସେତେବେଳକୁ ସେ ଝୁଲନ୍ତା ଅବସ୍ଥାରେ ମିଳିଥିଲେ ।
