ଡ୍ରାଫ୍ଟଚାର୍ଜରେ ସୀମିତ କାର୍ଯ୍ୟାନୁଷ୍ଠାନ

ଯାଜପୁର ଅଫିସ,୯ା୪: କୃଷି ବିଭାଗର ଅତିରିକ୍ତ ସଚିବଙ୍କୁ ଗତ ୨୯ ତାରିଖରେ ଉଦ୍ୟାନ ବିଭାଗ ନିର୍ଦ୍ଦେଶାଳୟର ପ୍ରଶାସନିକ ଅଧିକାରୀ ଦେଇଥିବା ତଥ୍ୟରେ ୨୦୧୪ରୁ ଏଯାଏ ୩୨ ଜଣ ବିଭାଗୀୟ ଦୁର୍ନୀତିଖୋର ଅଧିକାରୀଙ୍କ ନାମରେ ଡ୍ରାଫ୍ଟଚାର୍ଜ ହୋଇଛି। ହେଲେ ସେଥିରୁ ୧୭ ଜଣ ଅଧିକାରୀଙ୍କ ସମ୍ପର୍କରେ ତଦନ୍ତ ରିପୋର୍ଟ ଦାଖଲ ହୋଇ ନ ଥିବାବେଳେ ମାତ୍ର ୨ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଚୂଡ଼ାନ୍ତ ହୋଇଛି। ୩ ଜଣଙ୍କ ନାମରେ ଭିଜିଲାନ୍ସ ତଦନ୍ତ ଚାଲିଥିବାବେଳେ ବାକି ୧୦ ଜଣଙ୍କ ନାମରେ କାର୍ଯ୍ୟାନୁଷ୍ଠାନ ହୋଇପାରିନାହିଁ।
୨୦୧୯ ଜୁଲାଇରେ ବିଧାନସଭାରେ ବିଧାୟକ ସନ୍ତୋଷ ସିଂ ସାଲୁଜାଙ୍କ ଏକ ପ୍ରଶ୍ନର ଉତ୍ତରରେ ରାଜ୍ୟରେ ୮୩୬ ଦୁର୍ନୀତିଖୋର ଅଫିସର ଦଣ୍ଡିତ ହୋଇଥିଲେ ବୋଲି ଉତ୍ତର ମିଳିଥିଲା। ଏଥିରେ ୭୯ଜଣ ନିଲମ୍ବିତ, ୨୨ ଜଣଙ୍କୁ କାର୍ଯ୍ୟରୁ ଅନ୍ତର, ୩୫ ଜଣଙ୍କ ନାମରେ ଡ୍ରାଫ୍ଟଚାର୍ଜ, ୨୬୮ ଜଣଙ୍କୁ କାରଣ ଦର୍ଶାଅ ନୋଟିସ କରାଯାଇଥିଲାବେଳେ ୪୩୨ ଜଣଙ୍କୁ ଜବାବ ମଗାଯାଇଥିଲା। ଏହି ୩ ବର୍ଷ ମଧ୍ୟରେ ଆହୁରି କେତେଜଣ ଅଧିକାରୀ ଦଣ୍ଡିତ ହୋଇଥିବେ। କିନ୍ତୁ କୃଷି ବିଭାଗର ତଥ୍ୟକୁ ଅବଲୋକନ କଲେ ଦୁର୍ନୀତିଖୋର ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ କେବଳ ଡ୍ରାଫ୍ଟଚାର୍ଜରେ ସୀମିତ ରହିଥିବା ମନେ ହେଉଛି। ୨୦୧୪ରେ ଖୋର୍ଦ୍ଧା ଉଦ୍ୟାନ ବିଭାଗର ବରିଷ୍ଠ କିରାଣି ବିଜୟ କୁମାର ଭଞ୍ଜଙ୍କ ନାମରେ ଚାର୍ଜଶିଟ ଜାରି ହୋଇଥିଲା। ଏହି ମାମଲା ଏବେ ବି ଭିଜିଲାନ୍ସ ବିଚାରାଧୀନ ରହିଛି। ୨୦୧୪ରେ କେନ୍ଦ୍ରାପଡ଼ା ଏଡିଏଚ୍‌୍‌ (ଆଡିଶନାଲ ଡାଇରେକ୍ଟର ଅଫ ହର୍ଟିକଲଚର) ବିଭାଗର ଅଭିରାମ ଦାସଙ୍କ ନାମରେ ଡ୍ରାଫ୍ଟଚାର୍ଜ ଜାରି ହୋଇଥିଲେ ହେଁ ତଦନ୍ତ ରିପୋର୍ଟ ଦାଖଲ ହୋଇପାରିନାହିଁ। ସେହିପରି ପୁରୀ ଏଡିଏଚ୍‌୍‌ର ରବୀନ୍ଦ୍ର କୁମାର ନାଥ, ଗଞ୍ଜାମ ଏଡିଏଚ୍‌୍‌ର ଦୁର୍ଯ୍ୟୋଧନ ପାତ୍ର, ଲକ୍ଷ୍ମୀଧର ପାତ୍ର, ଢେଙ୍କାନାଳ ଏଡିଏଚ୍‌୍‌ର ସୁରେନ୍ଦ୍ର ନାଥ ମହାନ୍ତି, କେନ୍ଦ୍ରାପଡ଼ା ଏଡିଏଚ୍‌୍‌ର ଦୀପ୍ତିକାନ୍ତ ଓଝା, ଭୁବନେଶ୍ୱର ଏଡିଏଚ୍‌ର ଚିତ୍ତରଞ୍ଜନ ମହାନ୍ତି, ନୟାଗଡ଼ ଏଡିଏଚ୍‌ର କିଶୋର ଚନ୍ଦ୍ର କଲାସ, ବାଲିଗୁଡା ଏଡିଏଚ୍‌୍‌ର ସାଧୁଚରଣ ସିଂ, ଯାଜପୁର ଏଡିଏଚ୍‌୍‌ର ପ୍ରଶାନ୍ତ କୁମାର ବସ୍ତିଆ, ଭଦ୍ରକ ଏଡିଏଚ୍‌୍‌ର ଗିରିଧାରୀ ଜେନା, ଭଞ୍ଜନଗର ଏଡିଏଚ୍‌୍‌ର ଉମା ଚରଣ ବେହେରା, ଆନନ୍ଦପୁର ଏଡିଏଚ୍‌୍‌ର ଦିଲୀପ କୁମାର ବିଶ୍ୱାଳ, ସୁନ୍ଦରଗଡ଼ ଏଡିଏଚ୍‌୍‌ର ଦୀନବନ୍ଧୁ ମହାପାତ୍ର, କରଞ୍ଜିଆ ଏଡିଏଚ୍‌୍‌ର ମନୋଜ କୁମାର ସାହୁଙ୍କ ନାମରେ ଡିପାର୍ଟମେଣ୍ଟାଲ ପ୍ରୋସିଡିଂ ଫାଇଲରେ ବନ୍ଧାପଡ଼ିଛି। କୃଷି ଓ ଉଦ୍ୟାନ ବିଭାଗରେ ବିଭିନ୍ନ ଯୋଜନାରେ ଯେଉଁ ପରିମାଣରେ ଦୁର୍ନୀତି ହେଉଛି ସେହି ତୁଳନାରେ ଅଫିସର କିମ୍ବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନଗଣ୍ୟ ବୋଲି ମତପ୍ରକାଶ ପାଇଛି।
ଜାତୀୟ ଖାଦ୍ୟ ନିରାପତ୍ତା ମିଶନ ମାଧ୍ୟମରେ ପ୍ରଦର୍ଶନ କ୍ଷେତ୍ର, ନୂତନ ଜ୍ଞାନକୌଶଳ ତାଲିମ ଶିବିର, ପ୍ରାୟ ୫୦ ଭାଗ ରିହାତି ମାଧ୍ୟମରେ ଫୁଆର ଜଳସେଚନ, ପାଣି ମଡ଼ାଇବା ପାଇପ୍‌, ରେନ୍‌ଗନ୍‌, ପାଣି ପମ୍ପ, ହସ୍ତ ଓ ଶକ୍ତିଚାଳିତ କୀଟନାଶକ ସିଞ୍ଚନ ଯନ୍ତ୍ର ଇତ୍ୟାଦି ପ୍ରଦାନ କରାଯାଉଛି। ସେହିପରି ରାଷ୍ଟ୍ରୀୟ କୃଷି ବିକାଶ ଯୋଜନା, ପ୍ରଧାନମନ୍ତ୍ରୀ ଫସଲ ବୀମା ଯୋଜନା, ମୁଖ୍ୟ ବୀମା ସୁରକ୍ଷା, ଜଳନିଧି ଯୋଜନା, ଗଭୀର ଓ ଅଗଭୀର ନଳକୂପ ଯୋଜନା, ମୁଖ୍ୟମନ୍ତ୍ରୀ କୃଷି ଊଦ୍ୟୋଗ ଯୋଜନା, କୃଷି ଯନ୍ତ୍ରୀକରଣ ଯୋଜନା, ସୌର ଜନନିଧି ଯୋଜନା କାର୍ଯ୍ୟକାରୀ ହୋଇଛି। ଅପରପକ୍ଷରେ ଉଦ୍ୟାନ କୃଷି, ପ୍ରାଣୀ ସମ୍ପଦ ବିକାଶ, ଜଳଛାୟା ପ୍ରକଳ୍ପ, ମତ୍ସ୍ୟସମ୍ପଦରେ ଅନେକ ପ୍ରକଳ୍ପ ହାତକୁ ନିଆଯାଇଛି। ହେଲେ ଅଧିକାଂଶ ପ୍ରକୃତ ଚାଷୀ ଏହିସବୁ ଯୋଜନାରେ ସାମିଲ ହୋଇ ପାରିନାହାନ୍ତି। କେତେକ ଯୋଜନାରେ ବ୍ୟାପକ ଦୁର୍ନୀତି ହେଉଥିବା ଚାଷୀମାନେ ଅଭିଯୋଗ କରୁଛନ୍ତି। ହେଲେ କେତେଜଣ ଦୁର୍ନୀତିଗ୍ରସ୍ତ ବଡ଼ବଡ଼ିଆ ଅଧିକାରୀ ଖସି ଯାଉଥିବାବେଳେ ତଳିଆ କର୍ମଚାରୀ ଫସି ଯାଉଛନ୍ତି। ଏ ସଂକ୍ରାନ୍ତରେ ଉଦ୍ୟାନ ବିଭାଗ ନିର୍ଦ୍ଦେଶାଳୟର ପ୍ରଶାସନିକ ଅଧିକାରୀ ପ୍ରିୟଙ୍କା ଦ୍ୱିବେଦୀଙ୍କ ମତାମତ ନେବାକୁ ଯୋଗାଯୋଗ ସମ୍ଭବ ହୋଇ ପାରିନାହିଁ।


Enter your email to get our daily news in your inbox.

All Right Reserved By Dharitri.Com

ସାଧାରଣତନ୍ତ୍ର ଦିବସ ପାଇଁ ଟ୍ରାଫିକ କଟକଣା

ଭୁବନେଶ୍ୱର,୨୩ା୧(ବ୍ୟୁରୋ): ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ କମିଶନରେଟ ପୋଲିସ ପକ୍ଷରୁ ବୁଧବାର ଟ୍ରାଫିକ୍‌ କଟକଣା ଜାରି କରାଯାଇଛି। ମହାତ୍ମାଗାନ୍ଧୀ ମାର୍ଗରେ ରାଜ୍ୟସ୍ତରୀୟ ପରେଡ଼ ଅନୁଷ୍ଠିତ ହେବ।...

ଦୁର୍ଘଟଣାରେ ସୁରଙ୍ଗି ଫରେଷ୍ଟର ମୃତ

ପାତ୍ରପୁର,୨୨ା୫(ଡି.ଏନ୍‌.ଏ.)- ଜରଡ଼ା ଥାନା ଅଧିନ ସୁରଙ୍ଗି ଫରେଷ୍ଟର୍‌ ଶିବ ବେହେରାଙ୍କର ଗୁରୁବାର ବାଇକ୍‌ ଦୁର୍ଘଟଣାରେ ମୃତ୍ୟୁ ଘଟିଛି। ପଙ୍କାଳ ନିକଟ ନର୍ସରୀକୁ ଯାଇ ମଧ୍ୟାହ୍ନରେ ଫେରିବାବେଳେ...

ନିର୍ବାଚନ କମିଶନଙ୍କୁ ଭେଟିଲେ ଭାଜପା, ବିଜେଡି

ଭୁବନେଶ୍ୱର,୧୭ା୨(ବ୍ୟୁରୋ):ପ୍ରଥମ ପର୍ଯ୍ୟାୟ ନିର୍ବାଚନ ଆରମ୍ଭରୁ ଶାସକ ଦଳର ଗୁଣ୍ଡାଗର୍ଦ୍ଦି ଜରିଆରେ ଭୋଟ ହାତେଇବାର ହୀନ ଉଦ୍ଦେଶ୍ୟ ସାମ୍ନାକୁ ଆସିଛି ା ଶାସକ ଦଳର ପ୍ରତ୍ୟକ୍ଷ ପ୍ରରୋଚନାରେ...

କେନ୍ଦ୍ରମନ୍ତ୍ରୀଙ୍କ ଗାଡ଼ିକୁ ପିଟିଲା ଟ୍ରାକ୍ଟର

ଭୁବନେଶ୍ୱର,୯।୫(ବ୍ୟୁରୋ): କେନ୍ଦ୍ରମନ୍ତ୍ରୀ ତଥା ବାଲେଶ୍ୱର ଏମ୍‌ପି ପ୍ରତାପ ଷଡଙ୍ଗୀଙ୍କ ଗାଡ଼ି ରବିବାର ଦୁର୍ଘଟଣା ହୋଇଛି। ଏଥିରେ ସେ ଆହତ ହୋଇଥିବା ଜଣାପଡ଼ିଛି। ତାଙ୍କ କାରକୁ ଏକ...

ଢେଙ୍କାନାଳରେ ୨୭୦ ହାତୀ

ଢେଙ୍କାନାଳ ଅଫିସ୍‌, ୨୯।୬ – ହାତୀମୃତ୍ୟୁ ପରିସଂଖ୍ୟାନର ନକାରାତ୍ମକ ଚିତ୍ରକୁ ନେଇ ଜାତୀୟସ୍ତରରେ ନିନ୍ଦିତ ହେଉଛି ଓଡ଼ିଶା। ଗତ କିଛିଦିନ ମଧ୍ୟରେ ଆଠଗଡ଼ ବନଖଣ୍ଡର ନିଷିଦ୍ଧାଞ୍ଚଳର...

୨ଶହ ଫୁଟର ତ୍ରିରଙ୍ଗା ଶୋଭାଯାତ୍ରା

ଖଇରା, ୧୫।୮(ଡି.ଏନ.ଏ.)-ସ୍ବାଧୀନତା ଦିବସ ପାଳନ ଅବସରରେ ବାଲେଶ୍ୱର ଜିଲା ପତଞ୍ଜଳି ଯୋଗ ସମିତି ଓ ଆଜାଦ ସୁଭାଷ ସେନା ମିଳିତ ଆନୁକୂଲ୍ୟରେ ପ୍ରସ୍ତୁତ ୨ଶହ ଫୁଟର...

ବାର୍ଷିକ ୭୫ ଲକ୍ଷର ସୂତା ଉତ୍ପାଦନ ହେବ

ଟାଙ୍ଗୀ(କଟକ), ୨୫।୯(ଡି.ଏନ୍‌.ଏ.): ଚୌଦ୍ୱାର ଥାନା ଅଧୀନ କଜଳକଣାସ୍ଥିତ ଇଡ୍‌କୋ ଶିଳ୍ପାଞ୍ଚଳରେ ଟସର ସୂତା ଉତ୍ପାଦନ କେନ୍ଦ୍ର ଶୁକ୍ରବାର ଉଦ୍‌ଘାଟିତ ହୋଇଛି। ଏହାକୁ ମୁଖ୍ୟ ଅତିଥି ଖଦି...

ଜୟପୁରରେ ପ୍ରସ୍ତୁତ ହେଉଛି ସ୍ୱତନ୍ତ୍ର କରୋନା ହସ୍ପିଟାଲ

ଜୟପୁର,୫।୪(ଡି.ଏନ୍.ଏ.): କୋରାପୁଟ ଜିଲା ଜୟପୁରଠାରେ କୋଭିଡ-୧୯ ସ୍ୱତନ୍ତ୍ର ଚିକିତ୍ସାଳୟ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି। ଗତ ଶୁକ୍ରବାର ଜିଲାପାଳଙ୍କ ଘୋଷଣା ପରେ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ...

Advertisement
Archives

Model This Week