ମାଥିଲି,୨୩।୧୦(ଡି.ଏନ. ଏ.): ପ୍ରତେକ ଦିନ ଭରା ନଈରେ ବାଜି ଲାଗୁଛି ଜୀବନ। ଜୀବୀକା ଆଗରେ ଜୀବନ ହୋଇଛି ତୁଚ୍ଛ। କେବଳ ଶିଳାନ୍ୟାଶ ପରେ ପୋଲ ନିର୍ମାଣ ଆରମ୍ଭ ହୋଇ ୫ବର୍ଷ ହେଲା ସରୁନି। ଯାତାୟାତ ଲାଗି ଲୋକେ ନାହିଁ ନ ଥିବା ହଇରାଣ ହେଉଛନ୍ତି। ଏପରି ଦେଖିବାକୁ ବିଳିଛି ମାଲାକନଗିରି ଜିଲା ମାଥିଲି ବ୍ଲକରେ। ଏହି ବ୍ଲକର ଧୁଙ୍ଗିଆପୁଟ ପଞ୍ଚାୟତରେପ୍ରେବାହିତ ହେଉଛି ଅଟାଲଗୁଡ଼ା ନଦୀ। ନଦୀ ଉପରେ ଅଟାଲଗୁଡା, ଗୋଜିଆଗୁଡା, ଚୁରାକାନ, ଅନ୍ଧାରିଜବା, କହ୍ନାଡି, ପଦେଇକନ୍ଦ୍ରା, ମାଳିଗୁଡା, ମୁକୁଡୁ ଆଦି ନଅ ଖଣ୍ଡ ଗ୍ରାମର ପ୍ରାୟ ଦୁଇ ହଜାରରୁ ଉଦ୍ଧର୍ବ ଲୋକ ନିର୍ଭର କରିଥାନ୍ତି। ଗ୍ରାମବାସୀ ହାଟ, ବଜାର, ଡାକ୍ତରଖାନା ତହସିଲ, ବ୍ଲକ, ପଞ୍ଚାୟତ କାର୍ଯ୍ୟାଳୟକୁ ନିଜ କାର୍ଯ୍ୟରେ ବିପଦସଙ୍କୁଳ ଅବସ୍ଥାରେ ନଦୀ ପାର ହୋଇ ଯାଇଥାନ୍ତି। ନଦୀ ଆରପଟେ ବ୍ଲକ, ତହସିଲ, କଲେଜ, ଡାକ୍ତରଖାନା, ଥାନା, ହାଟ, ବଜାର ଥିବାରୁ ପଦୀପାର ହୋଇ ଯିବା ବ୍ୟତୀତ ଅନ୍ୟ କିଛି ବିକଳ୍ପ ନାହିଁ। ଭଗ୍ରାମବାସୀଙ୍କ ସୁବିଧା ପାଇଁ ତତ୍କାଳୀନ ବିଧାୟକ ଡମ୍ବରୁ ଶିସା ୨୦୧୭ରେ ପୋଲ ନିର୍ମାଣ ଲାଗି ଶିଳାନ୍ୟାଶ କରିଥିଲେ। ଏଥିପାଇଁ ୮୧ ଲକ୍ଷ ୫୪ ହଜାର ଟଙ୍କା ବ୍ୟୟ ଅଟକଳ ହୋଇଥିଲା। ପୋଲ ନିର୍ମାଣ ସେହିବର୍ଷ ଆରମ୍ଭ ହୋଇ ୨୦୧୮ରେ ଶେଷ ହେବା କଥା। ମାତ୍ର ୫ବର୍ଷ ବିତିଯାଇଥିଲେ ମଧ୍ୟ ଏଯାଏ ଶେଷ ହୋଇପାରିନାହିଁ। କାର୍ଯ୍ୟ କରୁଥିବା ଠିକାଦାର ଓ ବିଭାଗୀୟ ଅଧିକାରୀଙ୍କ ଉଦାସୀନତା ପାଇଁ ଆମକୁ ଦୁର୍ଦ୍ଦଶା ଭୋଗିବାକୁ ପଡୁଛି ବୋଲି ଅଭିଯୋଗ କରିଛନ୍ତି ଗ୍ରାମବାସୀ। ଶୀଘ୍ର ପୋଲ ନିର୍ମାଣ ଦିଗରେ ବ୍ଲକ ଓ ଜିଲା ପ୍ରଶାସନ ପଦକ୍ଷେପ ନ ନେଲେ ଆମେ ଆନ୍ଦୋଳନ କରିବୁ ବୋଲି ଚେତାବନୀ ଦେଇଛନ୍ତି ୯ଖଣ୍ଡ ଗ୍ରାମର ଗ୍ରାମବାସୀ।
