ନୂଆଦିଲ୍ଲୀ,୨୧।୧୦: ଭାରତୀୟ ଜୀବନ ବୀମା ନିଗମ(ଏଲଆଇସି)ର ଦେଶ ବ୍ୟାପି କୋଟି କୋଟି ପଲିସି ହୋଲଡ଼ର ରହିଛନ୍ତି। କିଛି ଲୋକେ ପଲିସି କିଣି ଦିଅନ୍ତି କିନ୍ତୁ ପରବର୍ତ୍ତୀ ସମୟରେ ସେମାନେ ପ୍ରିମିୟମ ଭାରି ପାରିନଥାନ୍ତି। ଏଭଳି ସ୍ଥିତିରେ ପଲିସି (ଲାପସ୍) ବନ୍ଦ ହୋଇଯାଇଥାଏ। ଏଭଳି ପଲିସିକୁ ପୁଣିଥରେ ଚାଲୁ କରିବା ପାଇଁ ଏଲଆଇସି ସ୍ୱତନ୍ତ୍ର ପୁନରୁଦ୍ଧାର ଅଭିଯାନ ଆରମ୍ଭ କରିଛି। ଏହାକୁ ୧ ସେପ୍ଟେମ୍ବରରୁ ୩୧ ଅକ୍ଟୋବର ମଧ୍ୟରେ ଆରମ୍ଭ କରାଯାଇଛି। ତେବେ ଆସନ୍ତୁ ଜାଣିବା କିପରି ବନ୍ଦ ହୋଇଯାଇଥିବା ପଲିସିକୁ ପୁନର୍ବାର ଚାଲୁ କରିହେବ।
ପଲିସି ଲାପସ୍ କ’ଣ ?
ଏଲଆଇସିର ବିଭିନ୍ନ ପଲିସି ଅନୁଯାୟୀ ତିନି ମାସିଆ, ଛଅ ମାସିଆ, ବର୍ଷିକିଆ ଏବଂ ମାସିକିଆ ପ୍ରିମିୟମ ରହିଥାଏ। ତେବେ ସମୟ ଅନୁସାରେ ପ୍ରିମିୟମ ଜମା ନହୁଏ ତେବେ ପଲିସି ବନ୍ଦ ହୋଇଯାଇଥାଏ। ଏଭଳି ସ୍ଥିତିରେ ପଲିସିକୁ ପୁନର୍ବାର ଚାଲୁ କରିବା ପାଇଁ ଜୋରିମାନା ଦେବାକୁ ପଡେ। ଏହା ପରେ ଯାଇ ପଲିସି ପୁଣି ଚାଲୁ ହୋଇଥାଏ।
ଏଲଆଇସି ଏକ୍ସ(ଟୁଇଟର)ରେ ଏହାର ଏକ ଟୁଇଟ କରି ଲେଖିଛି ଯେ, ଇଲାଇସିର ସ୍ପେସିଆଲ ପୁନରୁଦ୍ଧାର କ୍ୟାମ୍ପେନ ଆରମ୍ଭ ହୋଇଯାଇଛି। ଏହାରି ମାଧ୍ୟମରେ ଗ୍ରାହକମାନେ 1 ସେପ୍ଟେମ୍ବରରୁ 31 ଆଲ୍ଟୋବାର ମଧ୍ୟରେ ବନ୍ଦ ହୋଇଯାଇଥିବା ପଲିସିକୁ ପୁଣିଥରେ ଚାଲୁ କରିପାରିବା ପାଇଁ ସବସିଡି ମଧ୍ୟ ମିଳୁଛି। ଏହି କ୍ୟାମ୍ପେନରେ ୩୦ପ୍ରତିଶତ ରିହାତି ମିଳୁଛି।
LIC's Special Revival Campaign – An opportunity for policyholders to revive their lapsed policies #SpecialCampaign3.0@DFS_India @PMOIndia @DARPG_GoI pic.twitter.com/n4eoj3cJjR
— LIC India Forever (@LICIndiaForever) October 11, 2023
କୌଣସି ଗ୍ରାହକଙ୍କୁ ତାଙ୍କର ପଲିସି ପୁନଃ ଚାଲୁ କରିବା ପାଇଁ ଏଲାଇସିର ଅଫିସିଆଲ ୱେବସାଇଟକୁ ଯିବାକୁପଡିବ। ଏହା ବ୍ୟତୀତ ଗ୍ରାହକମାନେ ନିକଟସ୍ଥ ଶାଖା କିମ୍ବା ଏଜେଣ୍ଟଙ୍କ ସହିତ ଦେଖାକରି ନିଜର ଏଲଆଇସି ପଲିସିକୁ ପୁଣି ଚଳାଇପାରିବେ।
