ରାଞ୍ଚି, ୩୧।୮ : ଲେମ୍ବୁ ଏବଂ ଲଙ୍କା ଏବେ ଛତିଶଗଡ ରାଜନୀତିରେ ଏଣ୍ଟ୍ରି କରିଛି। ରାଜ୍ୟରେ ବଢୁୁଥିବା ଅପରାଧ ସମ୍ପର୍କରେ ଭାଜପା ନେତାମାନେ କହିଛନ୍ତି ଯେ ପ୍ରତ୍ୟେକ ପୋଲିସ ଷ୍ଟେଶନରେ ଲେମ୍ବୁ ଏବଂ ଲଙ୍କା ଟାଙ୍ଗିବା ଉଚିତ। ପୋଲିସ ଦ୍ୱାରା ଅପରାଧ ହ୍ରାସ ପାଉନାହିଁ।
ତେଣୁ ଅନ୍ତତଃ ପକ୍ଷେ ଏହି କୌଶଳ ସହିତ ଅପରାଧରେ କିଛି ହ୍ରାସ ଘଟିପାରେ। ଭାଜପା ନେତାଙ୍କ ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଗୃହମନ୍ତ୍ରୀ ତାମ୍ରଧ୍ୱଜ ସାହୁ ବିଭାଗର ସମୀକ୍ଷା ବୈଠକରେ ଜୁଆ ଖେଳ, ବେଆଇନ କାର୍ଯ୍ୟ ସହିତ ଜଡ଼ିତ ଥିବା ବ୍ୟକ୍ତି ବିଶେଷଙ୍କ ତାଲିକା ପ୍ରକାଶ କରିଥିଲେ।
ଦୁର୍ବଳ ପୋଲିସ ବ୍ୟବସ୍ଥା ପାଇଁ ସାହୁ ଥାନା ଅଧିକାରୀଙ୍କୁ ଭର୍ତ୍ସନା କରିଥିଲେ। ଏହା ପରେ ଗୋଟିଏ ଦିନ ପୂର୍ବରୁ ରାଜଧାନୀ ରାୟପୁରରେ ଗଞ୍ଜେଇ ଚୋରା ଚାଲାଣକାରୀଙ୍କ କାରରୁ ବେଆଇନ ଅସ୍ତ୍ରଶସ୍ତ୍ର ଜବତ କରାଯାଇଥିଲା। ତେବେ ଭାଜପାକୁ ଟାର୍ଗେଟ କରି କଂଗ୍ରେସ ମଧ୍ୟ ଏହାର ପ୍ରତିଶୋଧ ନେଇଛି। କଂଗ୍ରେସ ନେତାମାନେ କହିଛନ୍ତି ଯେ ଭାଜପା ନେତାମାନେ ଲେମ୍ବୁ ଏବଂ ଲଙ୍କାକୁ ନିଜ ଘର ଆଗରେ ଟାଙ୍ଗି ଦିଅନ୍ତୁ, ଯାହା ଦ୍ୱାରା ସେମାନଙ୍କର ପଦ ସୁରକ୍ଷିତ ରହିପାରିବ।
ବିରୋଧୀ ଦଳର ପୂର୍ବତନ ନେତା ଧରମଲାଲ କୌଶିକ କହିଛନ୍ତି ଯେ ରାଜ୍ୟରେ ଏପରି କୌଣସି ପୋଲିସ ଷ୍ଟେଶନ ରହିବ ନାହିଁ, ଯେଉଁଠାରେ ପ୍ରତିଦିନ ଅପରାଧ ପଞ୍ଜୀକୃତ ହେଉ ନାହିଁ। ଏହି ପୋଲିସ ଷ୍ଟେଶନଗୁଡିକର ଗ୍ରହ ଦୋଷ ଖରାପ ହୋଇଯାଇଛି।
ତେଣୁ ଅପରାଧକୁ ନିୟନ୍ତ୍ରଣ କରିବା ପାଇଁ ଲେମ୍ବୁ ଏବଂ ଲଙ୍କା ବାନ୍ଧିବା ଆବଶ୍ୟକ । ଏ ନେଇ ରାଜ୍ୟ ସରକାର ଏକ ଅଭିଯାନ ଚଳାଇବା ଉଚିତ। କୌଶିକ କହିଛନ୍ତି ଯେ ଦୁଃଖର ବିଷୟ ଯେ ଅପରାଧିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ଗୃହମନ୍ତ୍ରୀଙ୍କୁ ପୋଲିସ କର୍ମଚାରୀଙ୍କୁ ବୁକି ଏବଂ ଜୁଆ ଖେଳ ସହିତ ସମ୍ପୃକ୍ତ ଥିବା ବ୍ୟକ୍ତିଙ୍କ ତାଲିକା ଦେବାକୁ ପଡୁଛି। ପୋଲିସ ବିଭାଗ ଅପାରଗ ହୋଇ ଯାଇଥିବା କହି ସେ କଟାକ୍ଷ କରିଛନ୍ତି।
