ଭୁବନେଶ୍ୱର,୧୨।୨: ବିଏମ୍ଡବ୍ଲ୍ୟୁ ଗ୍ରୁପ୍ ଇଣ୍ଡିଆ ପକ୍ଷରୁ ନିକଟରେ ଏହାର ଅଲ-ନ୍ୟୁ ବିଏମ୍ଡବ୍ଲ୍ୟୁ ଏମ୍୪ କମ୍ପିଟିଶନ କୁପେର ଶୁଭାରମ୍ଭ କରାଯାଇଛି। ଏହି ପେସ୍-ସେଟିଂ ହାଇ-ପରଫରମାନ୍ସ ସ୍ପୋର୍ଟସ କାର୍ ଶପ୍ ଡଟ୍ ବିଏମ୍ଡବ୍ଲ୍ୟୁ ଡଟ୍ ଇନ୍ରେ ଏକ କମ୍ପ୍ଲିଟିଲି ବିଲ୍ଟ-ଅପ୍ ୟୁନିଟ (ସିବିୟୁ) ଭାବେ ଉପଲବ୍ଧ ହୋଇଯାଇଛି । ଏ ସମ୍ପର୍କରେ ବିଏମ୍ଡବ୍ଲ୍ୟୁ ଗ୍ରୁପ୍ ଇଣ୍ଡିଆର ଅଧ୍ୟକ୍ଷ ବିକ୍ରମ ପୱା କହିଛନ୍ତି, ଗତ ୫୦ବର୍ଷ ଧରି ବିଏମ୍ଡବ୍ଲ୍ୟୁ ଏମ୍ ସେହିମାନଙ୍କ ପାଇଁ ଦଣ୍ଡାୟମାନ ହୋଇ ରହିଛି, ଯେଉଁମାନେ ଉଚ୍ଚ କ୍ଷମତା ଏବଂ ସର୍ବୋଚ୍ଚତାକୁ ଉପଭୋଗ କରନ୍ତି । ଅଲ ନ୍ୟୁ ବିଏମ୍ଡବ୍ଲ୍ୟୁ ଏମ୍୪ କମ୍ପିଟିଶନ କୁପେ ଭିନ୍ନ ମିଶ୍ରଣ ସହିତ ଏକ ସମ୍ପୂର୍ଣ୍ଣ ନୂଆ ସ୍ତରରେ ଏକ ସାଲିସବିହୀନ ଟ୍ରାକ୍ ଏବଂ ଷ୍ଟ୍ରିଟ୍ ଅନୁଭୂତି ପ୍ରଦାନ କରୁଛି ା ଏହାର ଉନ୍ନତ ଇଞ୍ଜିନିୟରିଂ ଓ ଅନନ୍ୟ ଡ୍ରାଇଭିଂ ଡାଇନାମିକ୍ସ, ଆଡ୍ରେନାଲାଇନ-ଫୁଏଲଡ ବଡି ଷ୍ଟାଇଲିଂ, ଆକର୍ଷକ ରାସ୍ତା ଉପସ୍ଥିତିର ପ୍ରତିଶ୍ରୁତି ଦେଇଥାଏ ବୋଲି ବିକ୍ରମ ମତବ୍ୟକ୍ତ କରିଛନ୍ତି। ସେହିଭଳି ଏହି ନୂଆ ଯାନରେ ୩.୦ ଲିଟର ଷ୍ଟ୍ରେଟ-ସିକ୍ସ ୟୁନିଟ ଏନ୍ ଟୁଇନ ପାୱାର ଟର୍ବୋ ଟେକ୍ନୋଲୋଜିର ଲାଟେଷ୍ଟ ଭର୍ସନ ସହିତ ବିଏମ୍ଡବ୍ଲ୍ୟୁ ଏମ୍ ଜିଏମ୍ବିଏଚ୍ ଇଞ୍ଜିନର ହଲ୍ମାର୍କ ହାଇ-ରିଭାଇଭିଂ କ୍ୟାରେକ୍ଟରକୁ ଏକତ୍ର କରିଛି ା ବିଏମ୍ଡବ୍ଲ୍ୟୁ ଏମ୍୪ର ପେଟ୍ରୋଲଇଞ୍ଜିନ ୫୧୦ ଏଚ୍ପିର ଏକ ଆଉଟପୁଟ୍ ଏବଂ ୨,୭୫୦-୫,୫୦୦ ଆର୍ପିଏମ୍ରେ ୬୫୦ ଏନ୍ଏମ୍ର ସର୍ବାଧିକ ଟର୍କ ଉପତ୍ନ୍ନ କରିଥାଏ। ଏହି କାର ମାତ୍ର ୩.୫ ସେକେଣ୍ଡରେ ୦-୧୦୦ କି.ମି. ପ୍ରତି ଘଣ୍ଟା ବେଗରେ ଗତି କରିଥାଏ । ଅଲ-ନ୍ୟୁ ବିଏମ୍ଡବ୍ଲ୍ୟୁ ଏମ୍୪ କମ୍ପିଟିଶନ କୁପେ ଏମ୍ ଏକ୍ସଟ୍ରା ଡ୍ରାଇଭର ମୂଲ୍ୟ ପ୍ରାୟ ୧.୪୪ କୋଟି ଟଙ୍କା ରହିଛି। ଏକ୍ସ ଶୋ’ରୁମ୍ ମୂଲ୍ୟ ୧,୪୩,୯୦,୦୦୦ ଟଙ୍କାରେ ପେଟ୍ରୋଲ ଭାରିଆଣ୍ଟରେ ଉପଲବ୍ଧ ହେଉଛି ।
