ନୂଆଦିଲ୍ଲୀ, ୧୬ା୧- ଭାରତୀୟ ଉଦୀୟମାନ ଶଟଲର ଲକ୍ଷ୍ୟ ସେନ୍ ଚଳିତ ଇଣ୍ଡିଆ ଓପନ ଟୁର୍ନାମେଣ୍ଟ ଟାଇଟଲ ଜିତିଛନ୍ତି। ରବିବାର ଅନୁଷ୍ଠିତ ଫାଇନାଲରେ ବିଶ୍ୱ ଚାମ୍ପିୟନ ସିଙ୍ଗାପୁରର ଲୋ କିନ୍ ୟେଙ୍କୁ ୨୪-୨୨, ୨୧-୧୭ରେ ହରାଇ ପୁରୁଷ ସିଙ୍ଗଲ୍ସ ଟାଇଟଲ ହାତେଇଛନ୍ତି ଲକ୍ଷ୍ୟ। ଏହା ତାଙ୍କ କ୍ୟାରିୟରର ପ୍ରଥମ ସୁପର ୫୦୦ ଟାଇଟଲ। ମ୍ୟାଚ୍କୁ ଜିତିବା ପାଇଁ ତାଙ୍କୁ ୫୪ ମିନିଟ୍ ଧରି ସଂଘର୍ଷ କରିବାକୁ ପଡ଼ିଥିଲା।
୨୦ ବର୍ଷୀୟ ସେନ୍ ଗତ ମାସରେ ସ୍ପେନରେ ଅନୁଷ୍ଠିତ ବିଶ୍ୱ ଚାମ୍ପିୟନଶିପ୍ରେ ଏକ ବ୍ରୋଞ୍ଜ ପଦକ ହାସଲ କରିଥିଲେ। ଗତବର୍ଷ ଡଚ୍ ଓପନ ଫାଇନାଲରେ ଲକ୍ଷ୍ୟ ଓ ଲୋ ପରସ୍ପରକୁ ଭେଟିଥିଲେ। ଏହି ମ୍ୟାଚରେ ଲକ୍ଷ୍ୟ ଅବଶ୍ୟ ହାରିଯାଇଥିଲେ। ରବିବାର ସେ ଆକ୍ରମଣାତ୍ମକ ଶଟ୍ ଖେଳିବା ସହ ଠକଣା ସମୟରେ ପ୍ରତ୍ୟାବର୍ତ୍ତନ କରି ମ୍ୟାଚ ଜିତିଥିଲେ।
