ପୁରୁଷୋତ୍ତମପୁର,୨୬।୨( ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁରରେ ନୂତନ ଥାନାଧିକାରୀ ଭାବେ କୁଳମଣି ସେଠୀ କାର୍ଯ୍ୟରେ ଯୋଗ ଦେଇଛନ୍ତି। ପୂର୍ବରୁ ସେ ଆସିକା ଥାନାରେ କାର୍ଯ୍ୟରତ ଥିଲେ । ଏଠାରେ ଥିବା ଆଇଆଇସି ରାଜେଶକୁମାର ନାୟକଙ୍କ ସମ୍ବଲପୁର ଜିଲାକୁ ବଦଳିହୋଇଛି । ଏହି ଅବସରରେ ଆଇଆଇସି ସେଠୀ କହିଛନ୍ତି ଯେ, ଅଞ୍ଚଳରେ ଅପରାଧିକ କାର୍ଯ୍ୟକଳାପକୁ ଦମନ କରିବା ସହ ମଦ, ଗଞ୍ଜେଇ ନିଶାକାରବାରକୁ ରୋକିବା ଓ ସହରରେ ଟ୍ରାଫିକ ସମସ୍ୟା ନିୟନ୍ତ୍ରଣ କରିବା, ବରିଷ୍ଠ ନାଗରିକଙ୍କୁ ସୁରକ୍ଷା ଯୋଗାଇଦେବା ଓ ଅଭିଯୋଗ ନେଇ ଥାନାକୁ ଆସୁଥିବା ଲୋକଙ୍କ ସମସ୍ୟାକୁ ଗୁରୁତ୍ୱଦେଇ ସଙ୍ଗେ ସଙ୍ଗେ ନ୍ୟାୟ ପ୍ରଦାନକରିବା ମୂଳଲକ୍ଷ୍ୟ ରହିଛି । ବିଶେଷ କରି ପାରିବାରିକ ହିଂସା ଠାରୁ ଦୂରେଇରହିବା ଓ ଯୁବବର୍ଗ ନିଶାଠାରୁ ଦୂରେଇ ରହିବାକୁ ବାର୍ତ୍ତା ଦେଇଛନ୍ତି । ଏହାସହ ଯେ କୌଣସି ଶୋଭାଯାତ୍ରାରେ ଉଚ୍ଚଶବ୍ଦରେ ବଜାଯାଉଥିବା ଡିଜେ ସାଉଣ୍ଡ ଉପରେ କଟକଣା ଲଗାଇଛନ୍ତି। କୌଣସି ଶୋଭାଯାତ୍ରା ବିବାହ,ବ୍ରତ,ଭଷାଣୀ ଜାନିଯାତ୍ରାକଲେ ପୋଲିସଠାରୁ ଅନୁମତି ନେବା ବାଧ୍ୟତାମୂଳକ। ବିନା ଅନୁମତିରେ ସାଉଣ୍ଡ ବାଜିପାରିବନାହିଁ । ଖିଲାପ କଲେ କାର୍ଯାନୁଷ୍ଠାନ ଗ୍ରହଣ କରାଯିବା ସହ ସାଉଣ୍ଡ ସିଷ୍ଟମକୁ ଜବତ କରି କେ୍ସ କରାଯିବାର ନେଇ ରୋକଠୋକ ଭାବରେ କହି ଅଞ୍ଚଳବାସୀଙ୍କ ସହଯୋଗ ଲୋଡିଛନ୍ତି।
Dharitri – Odisha’s No.1 Odia Daily
