କୋରାପୁଟ,୧୧ା୩(ସ୍ବ.ପ୍ର.): ସମ୍ପୂର୍ଣ୍ଣ ଜୈବିକ ପଦ୍ଧତିରେ ଉତ୍ପାଦିତ କୋଟିଆ ଷ୍ଟ୍ରବେରି ଏବେ କୋରାପୁଟ ସହରରେ ବିକ୍ରି ହେଉଥିବା ଦେଖିବାକୁ ମିଳିଛି । ଶୁକ୍ରବାର ସହରର କଳାନିକେତନ ଛକ ନିକଟରେ ଥିବା କୋରାପୁଟ କଫି ପଏଣ୍ଟ ସମ୍ମୁଖରେ ସତେଜ ଷ୍ଟ୍ରବେରି ବିକ୍ରି ହେଉଥିଲା। ୨୦୦ ଗ୍ରାମ ଷ୍ଟ୍ରବେରି ପ୍ୟାକେଟର ମୂଲ୍ୟ ଶହେ ଟଙ୍କା ରଖାଯାଇଛି । ଗାଲିପଦର ଷ୍ଟ୍ରବେରି ଉତ୍ପାଦକ ସଂଘ କର୍ମକର୍ତ୍ତା କୋରାପୁଟରେ ଏହାକୁ ବିକ୍ରି କରୁଛଥିବା ଜଣାପଡିଛି। ପୂର୍ବରୁ ମାଣ୍ଡିଆ ଓ ସୁଆଁ ଚାଷ କରୁଥିଲୁ। ବର୍ତ୍ତମାନ ଉକ୍ତ ଜମିରେ ଷ୍ଟ୍ରବେରି ଚାଷ କରି ବିକ୍ରି କରୁଛୁ ବୋଲି ସେମନେ କହିଥିଲେ। ୭ ଏକର ଜମିରୁ ଉତ୍ପାଦିତ ହେବାକୁ ଥିବା ଷ୍ଟ୍ରବେରିକୁ ବିକ୍ରି କରିବାକୁ ଲକ୍ଷ୍ୟ ରଖିଛୁ ବୋଲି ଚାଷୀ ଆଂଶୁମାନ ପାଙ୍ଗି କହିଛନ୍ତି। କୋରାପୁଟ ଆଇଟିଡିଏ ତରଫରୁ ଡୋଲିଆମ୍ବରେ ୫ ଏକର ଜମିରେ ଷ୍ଟ୍ରବେରି ଚାଷ କରାଯାଇଥିଲା । ଚଳିତ ବର୍ଷ କୋଟିଆ ପଞ୍ଚାୟତର ଫାଟୁସିନେରୀ ଓ ଜାନିଗୁଡାରେ ୨୦ ଏକର ଜମିରେ ଷ୍ଟ୍ରବେରି ଚାଷ କରାଯାଇଥିବା ପ୍ରୋଗ୍ରାମ ମ୍ୟାନେଜର ସତ୍ୟରଞ୍ଜନ ମହାନ୍ତି କହିଛନ୍ତି। ସେହିପରି ଗାଲିଗବଦରରେ ୭ ଏକର ଜମିରେଷ୍ଟ୍ରବେରି ଚାଷ କରାଯାଇଛି। ଚଳିତ ବର୍ଷ ଭୁବେନେଶ୍ୱରରେ ଆୟୋଜିତ ଆଦିବାସୀ ମେଳାରେ କୋଟିଆର ଷ୍ଟବେରି ବିକ୍ରି ନେଇ ଏକ ଷ୍ଟଲ ଖୋଲାଯାଇଥିଲାା ଏହି ଷ୍ଟ୍ରବେରିର ବେଶ୍ ଚାହିଦା ରହିଥିଲା ବୋଲି ମହାନ୍ତି କହିଛନ୍ତି।
