କ୍ରମାଗତ ପଞ୍ଚମ ବର୍ଷ ପାଇଁ ଫୋର୍ବସର ଶ୍ରେଷ୍ଠ ୧୦୦ ସର୍ବାଧିକ ପାରିଶ୍ରମିକ ପ୍ରାପ୍ତ ଖେଳାଳିଙ୍କ ମଧ୍ୟରେ ଭାରତୀୟ ଅଧିନାୟକ ବିରାଟ କୋହଲି ସ୍ଥାନ ପାଇଛନ୍ତି। ସେ ଏଭଳି କରିବାରେ ଏକମାତ୍ର କ୍ରିକେଟର ଅଟନ୍ତି। ଗତବର୍ଷ ପ୍ରାୟ ୧୯୭ କୋଟି (୨୬ ମିଲିୟନ ଡ଼ଲାର) ସହିତ ୬୬ତମ ସ୍ଥାନରେ ରହିଥିବା କୋହଲି ଚଳିତବର୍ଷ ୫୯ ନମ୍ବର ସ୍ଥାନରେ ପହଞ୍ଚିନ୍ତି । ତାଙ୍କର ରୋଜଗାର ପ୍ରାୟ ୩୨ କୋଟି ଟଙ୍କା ବୃଦ୍ଧି ପାଇଛି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଅଧିନାୟକ କୋହଲି ମଧ୍ୟ ୧୨ ମାସ ମଧ୍ୟରେ ପ୍ରାୟ ୨୨୯ କୋଟି ଟଙ୍କା (୩୧.୫ମିଲିୟନ ଡ଼ଲାର) ରୋଜଗାର କରିଛନ୍ତି। ଏଥିମଧ୍ୟରୁ ପ୍ରାୟ ୨୫କୋଟି (୩.୫ମିଲିୟନ ଡଲାର୍) ଦରମା ଏବଂ ପ୍ରାୟ ୨୦୪ କୋଟି (୨୮ମିଲିୟନ ଡଲାର୍) ବିଜ୍ଞାପନରୁ ଆସିଛି। କୋହଲି ୧୮୯ କୋଟି ରୋଜଗାର ସହିତ ୨୦୧୯ ରେ ୧୦୦ ତମ ସ୍ଥାନରେ ରହିଥିଲେ।
ମିକ୍ସଡ ମାର୍ଶଲ ଆର୍ଟ (ଏମ୍ଏମ୍ଏ) କିମ୍ବଦନ୍ତୀ କନୋର ମ୍ୟାକଗ୍ରେଗୋର ହେଉଛି ବିଶ୍ୱର ୧୫ର ସର୍ବାଧିକ ବେତନ ପ୍ରାପ୍ତ ଖେଳାଳି ଯିଏକି ପ୍ରାୟ ୧୫୧୭ କୋଟି ଟଙ୍କା (୨୦୮ ନିୟୁତ) ରୋଜଗାର କରିଛି। କିମ୍ବଦନ୍ତୀ ଫୁଟବଲର୍ ଲିଓନେଲ ମେସି ୯୧୯ କୋଟି (୧୨୬ ନିୟୁତ)ରେ ଦ୍ୱିତୀୟ ଏବଂ କ୍ରିଷ୍ଟିଆନୋ ରୋନାଲଡୋ ୮୭୫ କୋଟି (୧୨୦ ନିୟୁତ) ତୃତୀୟ ସ୍ଥାନରେ ଅଛନ୍ତି। ଶ୍ରେଷ୍ଠ ଶତକ ମଧ୍ୟରେ ନାଓମି ଓସାକା ଏବଂ ସେରେନା ୱିଲିୟମ୍ସ କେବଳ ଦୁଇଜଣ ମହିଳା ଖେଳାଳି ଅଛନ୍ତି। ଦୁହେଁ ଟେନିସର। ଓସାକା ୪୦୨ କୋଟି ଟଙ୍କା (୫୫.୨ ନିୟୁତ) ସହିତ ସର୍ବାଧିକ ପାରିଶ୍ରମିକ ପ୍ରାପ୍ତ ମହିଳା ଖେଳାଳି । ୨୫୯କୋଟି (୩୫.୫ ମିଲିୟନ) ସହିତ ସେରେନା ୪୪ ନମ୍ବରରେ ଅଛନ୍ତି। ନୋଭାକ ଜୋକୋଭିକ ୫୨୩ ନମ୍ବରରେ ୨୪୩କୋଟି (୩୩.୪ ମିଲିୟନ) ଏବଂ ରାଫେଲ ନାଡାଲ ୧୯୩ କୋଟି (୨୬.୫ ମିଲିୟନ) ରେ ୯୨ ନମ୍ବରରେ ଅଛନ୍ତି। ଗତ ଥର ୬୧୨ କୋଟି (୮୪ ନିୟୁତ) ଟପିଥିବା ରୋଜର ଫେଡେରର ସପ୍ତମ ସ୍ଥାନକୁ ଖସି ଆସିଛନ୍ତି।
