ମୁମ୍ବାଇ: ଯେକୌଣସି ଫିଲ୍ମର ହୃଦୟ, ପ୍ରାଣ ଏବଂ ହୃଦ୍ସ୍ପନ୍ଦନ ହେଉଛନ୍ତି ନିର୍ଦ୍ଦେଶକ। ବଲିଉଡ୍ର କ୍ୟାରିୟରରେ ଅନେକ ନିର୍ଦ୍ଦେଶକ ଅନେକ ଫିଲ୍ମ କରିଛନ୍ତି। ମାତ୍ର ସେଥିରୁ କିଛି ନିର୍ଦ୍ଦେଶକ ଦର୍ଶକଙ୍କୁ ସୁପର ବ୍ଲକବଷ୍ଟର ଫିଲ୍ମ ଭେଟି ଦେଇ ନିଜେ ସୁପର ପାଲଟିଛନ୍ତି।
ଏହି ତାଲିକାରେ ରୋହିତ ଶେଟ୍ଟୀଙ୍କ ନାମ ପ୍ରଥମ ସ୍ଥାନରେ ରହିଛି। ୨୦୦୩ରେ ଫିଲ୍ମ ‘ଜମିନ’ ସହିତ ନିର୍ଦ୍ଦେଶକ ଭାବରେ ରୋହିତ ତାଙ୍କର ବଲିଉଡ୍ରେ ଡେବ୍ୟୁ କରିଥିଲେ। ଏହି ଫିଲ୍ମଟି ବକ୍ସ ଅଫିସରେ ବେଶ୍ ଭଲ କରିଥଲା। ଏହା ପରେ ସେ ଆଉ ପଛକୁ ଚାହିଁ ନାହାନ୍ତି। ସେ ଏପର୍ଯ୍ୟନ୍ତ ୧୪ଟି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଯେଉଁଥିରେ ସେ ୪ଟି ବ୍ଲକବଷ୍ଟର, ୨ଟି ସୁପରହିଟ୍ ଏବଂ ୪ଟି ହିଟ୍ ଫିଲ୍ମ ରହିଛି। ତାଙ୍କର ଏପର୍ଯ୍ୟନ୍ତ କେବଳ ଗୋଟିଏ ଫିଲ୍ମ ଫ୍ଲପ୍ ଅଛି, ଯାହାର ନାମ ‘ସନ୍ଡେ’।
ରାଜକୁମାର ହିରାନୀ ମଧ୍ୟ ବଲିଉଡ୍ର ସବୁଠାରୁ ସଫଳ ନିର୍ଦ୍ଦେଶକଙ୍କ ମଧ୍ୟରୁ ଜଣେ। ସେ ୨୦୦୩ରେ ହିଟ୍ ଫିଲ୍ମ ‘ମୁନ୍ନା ଭାଇ ଏମ୍ବିବିଏସ୍’ ସହିତ ନିର୍ଦ୍ଦେଶକ ଭାବରେ ବଲିଉଡ୍ରେ ଡେବ୍ୟୁ କରିଥିଲେ। ଏହା ପରେ ସେ ‘ଲଗେ ରହୋ ମୁନ୍ନା ଭାଇ’ ପରି ଫିଲ୍ମ ଦେଇଥିଲେ। ସେହିପରି ‘୩ ଇଡିଅଟ୍ସ’ ଏବଂ ‘ପି.କେ’ ତ’ପରେ ‘ସଞ୍ଜୁ’ ସୁପର ବ୍ଲକବଷ୍ଟର ହୋଇଛି। ରାଜକୁମାର ହିରାନୀ ବର୍ତ୍ତମାନ ଶାହରୁଖ ଖାନଙ୍କ ସହ ଫିଲ୍ମ ‘ଡଙ୍କି’ ଆଣୁଛନ୍ତି। ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ବହୁତ ଆଶା ରହିଛି।
ରାକେଶ ରୋଶନଙ୍କୁ କେବଳ ଜଣେ ଭଲ ଅଭିନେତା ନୁହନ୍ତି, ସେ ଜଣେ ସଫଳ ନିର୍ଦ୍ଦେଶକ ମଧ୍ୟ ଅଟନ୍ତ। ନିର୍ଦ୍ଦେଶକ ଭାବରେ ରାକେଶ ରୋଶନଙ୍କ ପ୍ରଥମ ଫିଲ୍ମ ଥିଲା ‘କିଙ୍ଗ ଅଙ୍କଲ’। ଏହା ପରେ ସେ ସଲମାନ ଏବଂ ଶାହାରୁଖ ଖାନଙ୍କ ସହ ‘କରଣ ଅର୍ଜୁନ’ ନିର୍ମାଣ କରିଥିଲେ। ଯାହା ଏକ ସୁପର ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା। ‘କହୋ ନା ପ୍ୟାର୍ ହୈ’ ଆଉ ଏକ ସୁପର ବ୍ଲକବଷ୍ଟର, ‘କୋଇ ମିଲ୍ ଗୟା’ ବି ସୁପରହିଟ୍ ହୋଇଥିଲା। ସେହିପରି ‘କ୍ରିଶ୍’ ମଧ୍ୟ ବ୍ଲକବଷ୍ଟର ଥିଲା। ତାଙ୍କ କ୍ୟାରିୟରରେ ଏପର୍ଯ୍ୟନ୍ତ କେବଳ ଗୋଟିଏ ଫ୍ଲପ୍ ଫିଲ୍ମ ଅଛି, ଯାହାର ନାମ ‘କାଇଟ୍ସ’।
