ବମ୍ବେ: ଚର୍ଚ୍ଚାରେ ୟୁଟ୍ୟୁବର୍ ତଥା କୋରିଓଗ୍ରାଫର ଧନଶ୍ରୀ ବର୍ମା। କାରଣଟି ହେଉଛି ଭାରତୀୟ ରିଷ୍ଟ ସ୍ପିନର ୟୁଜବେନ୍ଦ୍ର ଚହଲଙ୍କ ସହ ତାଙ୍କର ନିର୍ବନ୍ଧ। ନିକଟରେ ନିଜର ୩୦ତମ ଜନ୍ମଦିନ ପାଳନ କରିଥିଲେ ଚହଲ। ଏବେ ତାଙ୍କ ନିର୍ବନ୍ଧ ଖବର ଜାଣି ପ୍ରଶଂସକ ଅଭିନନ୍ଦନ ଜଣାଉଛନ୍ତି। ଏପରିସ୍ଥିତିରେ ଅନେକେ ଧନଶ୍ରୀଙ୍କ ବିଷୟରେ ଭଲଭାବେ ଜାଣିବାକୁ ଚାହୁଁଛନ୍ତି।
ଧନଶ୍ରୀ ପେସାରେ ଜଣେ ଡେଣ୍ଟିଷ୍ଟ, କୋରିଓଗ୍ରାଫର ଏବଂ ୟୁଟ୍ୟୁବର୍ ମଧ୍ୟ। ଧନଶ୍ରୀ ବମ୍ବେର ବାସିନ୍ଦା। ଧନଶ୍ରୀ ବର୍ମା ୟୁଟ୍ୟୁବ୍ ଚ୍ୟାନେଲ୍ ନାମରେ ତାଙ୍କର ପ୍ରୋଫାଇଲ୍ ରହିଛି। ସେଥିରେ ସେ ନୃତ୍ୟଭିତ୍ତିକ ଭିଡିଓ ଶେୟାର କରିଥାନ୍ତି। ତାଙ୍କର ୧୫ ଲକ୍ଷରୁ ଅଧିକ ସବ୍ସ୍କ୍ରାଇବର୍ ଅଛନ୍ତି। ଏହାଛଡ଼ା ସେ ଡି ଓ୍ବାଇ ପାଟିଲ ଡେଣ୍ଟାଲ କଲେଜରୁ ଡାକ୍ତରୀ ଶିକ୍ଷା କରିଛନ୍ତି। ଧନଶ୍ରୀ ଚହଲଙ୍କୁ ଦୀର୍ଘଦିନରୁ ଡେଟ୍ କରୁଥିଲେ। ଶେଷରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଛନ୍ତି।
