ବମ୍ବେ: ‘କ୍ରାଇମ୍ ପାଟ୍ରୋଲ’ ଟେଲିପରଦାର ଲୋକପ୍ରିୟ ଧାରାବାହିକ ମଧ୍ୟରୁ ଅନ୍ୟତମ। ଗତ ୧୭ ବର୍ଷରୁ ଅଧିକ ସମୟ ଧରି ଏହା ପ୍ରସାରିତ ହୋଇ ଆସୁଛି। ଏହି ଶୋ’ରେ କାମ କରୁଥିବା ଅନେକ କଳାକାର ଏବେ ବଡ଼ ପରଦାରେ ମଧ୍ୟ ନଜର ଆସୁଛନ୍ତି। ଅପରପକ୍ଷେ ଅନ୍ୟ କିଛି କଳାକାର ଶୋ’ରେ ନିଜୟ ଅଭିନୟ ଦ୍ୱାରା ଭିନ୍ନ ପରିଚୟ ସୃଷ୍ଟି କରିଛନ୍ତି। ସେଭଳି ଜଣେ ହେଲେ ଅଭିନେତ୍ରୀ ଗୀତାଞ୍ଜଳି ମିଶ୍ରା।
୨୦୧୦ରୁ ଗୀତାଞ୍ଜଳି କ୍ରାଇମ୍ ପାଟ୍ରୋଲରେ କାମ କରୁଛନ୍ତି। ଶୋ’ରେ ଅନେକ ଚରିତ୍ରରେ ସେ ନଜର ଆସନ୍ତି। ହେଲେ ଖଳନାୟିକା ଭୂମିକାରେ ତାଙ୍କ ଅଭିନୟ ବାରି ହୋଇପଡେ। ଏବେ ତାଙ୍କର ଲୋକପ୍ରିୟତା ଆକାଶ ଛୁଆଁ। ସୋସିଆଲ ମିଡିଆରେ ଲକ୍ଷ ଲକ୍ଷ ଲୋକ ତାଙ୍କୁ ଫଲୋ କରନ୍ତି।
ଗୀତାଞ୍ଜଳି ଧାରାବାହିକର ସବୁଠାରୁ ମହଙ୍ଗା କଳାକାର ମଧ୍ୟ। ସେ ପ୍ରତି ଏପିସୋଡ ପିଛା ୨ରୁ ୨.୫ ଲକ୍ଷ ଟଙ୍କା ନେଇଥାନ୍ତି। ନେଗେଟିଭ୍ ରୋଲ କରୁଥିବାକୁ ନେଇ ସେ ଅଧିକ ଟଙ୍କା ନେଉଥିବା କୁହାଯାଏ। କେବଳ ଯେ କ୍ରାଇମ୍ ପାଟ୍ରୋଲ ତାହା ନୁହେଁ ବରଂ ମାୟକେ ସେ ବନ୍ଧି ଡୋର, ରଣବୀର ରାନୋ, ସୋହନୀ ମାହିବାଲ, ମିଟ୍ଟି କି ବନୋ, ଜୟ ବୈଷ୍ଣୋ ଦେବୀ ଭଳି ଅନେକ ଧାରାବାହିକରେ ସେ ନଜର ଆସିଛନ୍ତି।
