ଝାରସୁଗୁଡ଼ା ଅଫିସ,୧୨ା୩: ଝାରସୁଗୁଡ଼ା ସଦର ଥାନା ଏକାତାଳି ଗ୍ରାମରେ ପୁଅର ଗୋଇଠା ମାଡ଼ରେ ବାପାଙ୍କ ମୃତ୍ୟୁ ହୋଇଥିଲା। ପୋଲିସ୍ ଅଭିଯୁକ୍ତ ପୁଅ କ୍ଷେତ୍ରମଣି ରୋହିଦାସ(୨୭)ଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି । ଏ ନେଇ ସଦର ଥାନା ପୋଲିସ ଏକ ମାମଲା(ନଂ.୪୪/୨୨) ରୁଜୁ କରିଛି। ଗତ ୮ତାରିଖରେ କ୍ଷେତ୍ରମଣି ବାପା ସୁକୁର ରୋହିଦାସ(୫୧)ଙ୍କୁ ଗୋଇଠା ମାରି ଛାତି ଉପରେ ଚଢିଯାଇଥିଲେ। ଏଥିରେ ଗୁରୁତର ସୁକୁରଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ ମୃତକଙ୍କ ବଡପୁଅ ଜନ୍ମେଜୟ ଥାନାରେ ଲିଖିତ ଅଭିଯୋଗ କରିଥିଲେ।