ବଲିଉଡ୍ ଅଭିନେତ୍ରୀ କିଆରା ଆଡ୍ଭାନୀ ପ୍ରାୟତଃ ଆଲୋଚନାରେ ରହିଥାନ୍ତି। ବର୍ତ୍ତମାନ ସେ ତାଙ୍କର ଆଗାମୀ ଫିଲ୍ମ ‘ଜୁଗ ଜୁଗ ଜିଓ’ ଏବଂ ‘ଭୁଲ ଭୁଲେୟା ୨’ ପାଇଁ ଚର୍ଚ୍ଚାରେ ରହିଛନ୍ତି । ‘ଭୁଲ ଭୁଲେୟା ୨’ ଚଳିତ ମାସ ୨୦ ତାରିଖରେ ରିଲିଜ ହେବାକୁ ଯାଉଥିବା ବେଳେ ‘ଜୁଗ ଜୁଗ ଜିଓ’ ଜୁନ ୨୪ରେ ରିଲିଜ ହେବ । ଆଉ ଏକ ଫିଲ୍ମ ପାଇଁ ମଧ୍ୟ କିଆରା ଚର୍ଚ୍ଚାରେ ଥିଲେ । କିଛି ଦିନ ପୂର୍ବେ ଚର୍ଚ୍ଚା ହେଉଥିଲା, ସେ ପ୍ରଭାସଙ୍କ ସହ ସନ୍ଦୀପ ରେଡ୍ଡୀ ଓ୍ବାଙ୍ଗାଙ୍କ ଆଗାମୀ ଫିଲ୍ମ ‘ସ୍ପିରିଟ’ରେ ନଜର ଆସିବେ । ଏବେ କିଆରାଙ୍କ ଟିମ୍ ଏପରି ଗୁଜବକୁ ଖାରଜ କରିଛି ।
ପ୍ରଭାସଙ୍କ ସହ ସ୍କ୍ରିନ ଶେୟାର କରିବା ଖବର ସାମ୍ନାକୁ ଆସିବା ପରେ ତାଙ୍କ ପ୍ରଂଶସକ ବେଶ ଖୁସି ଥିଲେ । ମାତ୍ର ବର୍ତ୍ତମାନ କିଆରାଙ୍କ ଟିମ୍ କହିଛି, ପ୍ରଭାସଙ୍କ ସହ ଫିଲ୍ମ କରିବା ପାଇଁ କିଆରାଙ୍କୁ ଆପ୍ରୋଚ କରାଯାଇନାହିଁ । ଏ ସମ୍ପର୍କରେ ତାଙ୍କ ସହ କୌଣସି କଥାବାର୍ତ୍ତା ହୋଇନାହିଁ ।
