ମୁମ୍ବାଇ: ବଲିଉଡ୍ ବିୟୁଟି କ୍ୟାଟ୍ରିନା କୈଫ ନିଜର ସୁନ୍ଦରତା ତଥା ଫ୍ୟାଶନ ସେନ୍ସକୁ ନେଇ କେତେବେଳେ ନା କେତେବେଳେ ଆସିଥାଆନ୍ତି ଚର୍ଚ୍ଚାକୁ । ସେ ନିଜ ଅନ୍ଦାଜରେ ଦର୍ଶକଙ୍କ ମନ କିଣିବାରେ ମାହିର । ହେଲେ ବେଳେ ବେଳେ ଏମିତି ହୁଏ ଯେ ଫ୍ୟାଶନ କରୁ କରୁ ସେ ଟ୍ରୋଲର୍ସଙ୍କର ଶିକାର ହୁଅନ୍ତି । ଏଥର ବି ଠିକ୍ ସେମିତି ହୋଇଛି । ନିକଟରେ ସେ ଇନଷ୍ଟାଗ୍ରାମରେ କିଛି ଫଟୋ ଶେୟାର କରିବା ପରେ ଟ୍ରୋଲ୍ ହୋଇଛନ୍ତି । ଫଟୋରେ କ୍ୟାଟ୍ରିନା ନୀଳ ରଙ୍ଗର ସ୍ୱେଟର ସହ ଜିନ୍ସ ପିନ୍ଧିଥିବା ଦେଖାଯାଇଛି । ଅବଶ୍ୟ ଏଥିରେ ବି ସେ ଖୁବ୍ ସୁନ୍ଦର ଲାଗୁଛନ୍ତି । ହେଲେ କାର୍ଡିଗନ ଷ୍ଟାଲଇ ସ୍ୱେଟରକୁ ସେ ଜିନ୍ସ ସହ ପିନ୍ଧିବା ବେଳେ ସେପ୍ଟିପିନ୍ ଦ୍ୱାରା ଏହାର ମଝି ଭାଗକୁ ଯୋଡି ଦେଇଛନ୍ତି । ଯାହା ଟ୍ରୋଲର୍ସଙ୍କ ନଜରକୁ ଆସିଛି । ଏହା ଦେଖିବା ପରେ ଜଣେ କମେଣ୍ଟ କରିଛନ୍ତି ଦେଖନ୍ତୁ ଏହି ନାୟିକା ଏବେ କେତେ ଗରିବ ହୋଇ ଯାଇଛନ୍ତି । ସେପ୍ଟିପିନ୍ ଲଗାଇ ସ୍ୱେଟର ପିନ୍ଧୁଛନ୍ତି । ଆଉ ଜଣେ ଲେଖିଛନ୍ତି ପିଲାଦିନ କଥା ମନେ ପଡି ଯାଉଛି । ସର୍ଟରୁ ବଟମ ଛିଡି ଗଲେ ମା’ ଏମିତି ଆମକୁ ସେପ୍ଟିପିନ୍ ଲଗାଇ ଦେଉଥିଲେ । ଏହା ଯଦିଓ କ୍ୟାଟ୍ରିନାଙ୍କ ପାଇଁ ଫ୍ୟାଶନ ହୋଇଛି କିନ୍ତୁ ଟ୍ରୋଲର୍ସଙ୍କୁ କିଛି କହିବାର ସୁଯୋଗ ବି ଦେଇଛି ।
