ବେଙ୍ଗାଲୁରୁ, ୨।୪ : ଅନ୍ୟ ଧର୍ମର ଯୁବତୀଙ୍କ ସହ ବସରେ ବୁଲିବାରୁ କର୍ନାଟକର ମାଙ୍ଗାଲୁରୁରେ ଜଣେ ଯୁବକଙ୍କୁ ମରଣାତ୍ମକ ଆକ୍ରମଣ କରାଯାଇଛି। ଗୁରୁବାର ରାତି ପ୍ରାୟ ୯ଟା ୩୦ରେ ମାଙ୍ଗାଲୁରୁ ସହରର ଉପକଣ୍ଠରେ ଏକ ବସକୁ ଅଟକାଇ ଦେଇଥିଲେ କିଛି ଦୁର୍ବୃତ୍ତ। ଉକ୍ତ ବସରେ ଥିବା ଦୁଇ ବନ୍ଧୁଙ୍କୁ ବସରୁ ଘୋଷାଡ଼ି ଆଣିବା ପରେ ଯୁବକଙ୍କୁ ନିସ୍ତୁକ ମାଡ଼ ମାରିଥିଲେ। ଯୁବକଙ୍କୁ ବଞ୍ଚାଇବାକୁ ଯାଇ ଆହତ ହୋଇଥିଲେ ଅନ୍ୟ ଧର୍ମର ଯୁବତୀ।
ଏହି ଘଟଣାରେ ୭ରୁ ୮ ଜଣଙ୍କୁ ଗିରଫ କରିଛି ପୋଲିସ। ଘଟଣାରେ ସମ୍ପୃକ୍ତ ଥିବା ବଜରଙ୍ଗି ଦଳର ୪ ଜଣଙ୍କୁ ଶୀଘ୍ର ଗିରଫ କରାଯିବ। ଯୁବକଙ୍କୁ ନିସ୍ତୁକ ମାଡ଼ ମରାଯିବା ସହ ତାଙ୍କ ଜଙ୍ଘ ପାଖରେ ଛୁରା ଘାତ୍ କରାଯାଇଛି। ତାଙ୍କ ଅବସ୍ଥା ବର୍ତ୍ତମାନ ଠିକ୍ ଅଛି ବୋଲି ମାଙ୍ଗାଲୁରୁ ପୋଲିସ କମିଶନର ଶଶି କୁମାର କହିଛନ୍ତି।
