ମୁମ୍ବାଇ: ବଲିଉଡ୍ ବେବୋ କରିନା କପୁର ଖାଁଙ୍କର ରହିଛନ୍ତି ଅନେକ ପ୍ରଶଂସକ । ନିକଟରେ ସେ ଦ୍ୱିତୀୟ ସନ୍ତାନର ମା’ ହୋଇଛନ୍ତି । ତେବେ ଗର୍ଭାବସ୍ଥାର ଅନୁଭୁତିକୁ ନେଇ କରିନା ଏକ ପୁସ୍ତକ ଲେଖିଛନ୍ତି । ଯେଉଁଥିରେ ସେ ତାଙ୍କ ଅନୁଭୁତି ଶେୟାର କରିଛନ୍ତି । ତାଙ୍କ ଦ୍ୱିତୀୟ ସନ୍ତାନ ଜେହକୁ ଜନ୍ମ ଦେବା ପର୍ଯ୍ୟନ୍ତ ସେ କେଉଁ କେଉଁ ପରିସ୍ଥିତି ଦେଇ ଗତି କରିଥିଲେ ତାହା ସେ ପୁସ୍ତକରେ ଲେଖିଛନ୍ତି । ନିକଟରେ ତାଙ୍କର ଏହି ପୁସ୍ତକ ‘ପେଗନାନ୍ସି ବାଇବେଲ’କୁ ସେ ଉନ୍ମୋଚନ ବି କରି ସାରିଛନ୍ତି । ଏଥିରେ କରିନା ଲେଖିଛନ୍ତି ଗର୍ଭାବସ୍ଥା ସମୟରେ ସେ କିପରି ଲଗାତାର ଭାବେ ଶୁଟିଂ କରି ଚାଲିଥିଲେ । ଆଉ ପ୍ରତିଦିନ ସନ୍ଧ୍ୟା ୫ଟା ସୁଦ୍ଧା ସେ ଶୋଇ ଯାଉଥିଲେ । ହେଲେ ଥରେ ଏକ ଫଟୋ ଶୁଟ୍ କରିବା ସମୟରେ କରିନା ସେଟ୍ରେ ହିଁ ବେହୋସ୍ ହୋଇ ଯାଇଥିଲେ । ଏହାକୁ ନେଇ ବେବୋ କୁହନ୍ତି ସମସ୍ତେ ଭାବନ୍ତି ଜଣେ ଅଭିନେତ୍ରୀର ଜୀବନ କେବଳ ଗ୍ଲାମରରେ ଭରପୁର ହେଲେ ତାହା ଭୁଲ୍ । ଗର୍ଭବସ୍ଥାରେ ତାଙ୍କ ଶରୀରର ଓଜନ ବଢିଯିବା ସହ ଶରୀରରେ ବହୁତ ସ୍ପଟ ଆସିଯାଇଥିଲା । ଯାହାହେଉ ଏସବୁକୁ ସେ ମ୍ୟାନେଜ କରି ଲଗାତାର ଭାବେ ଶୁଟିଂ କରୁଥିଲେ । ତାଙ୍କ ପୁସ୍ତକରେ ସେ ସବୁକଥା ବର୍ଣ୍ଣନା କରିଥିବା ବେଳେ ଏବେ ଏହି ପୁସ୍ତକ ବିବାଦ ମଧ୍ୟକୁ ଆସିଯାଇଛି । ଏପର୍ଯ୍ୟନ୍ତ ତାଙ୍କ ଦ୍ୱିତୀୟ ସନ୍ତାନ କ୍ୟାମେରା ଫ୍ରେମକୁ ଆସି ନ ଥିବା ବେଳେ ସେ କୁଆଡେ ତାଙ୍କ ପ୍ରଥମ ପୁତ୍ର ତୈମୁରଙ୍କ ଭଳି ଖୁବ୍ ସୁନ୍ଦର ବୋଲି କୁହାଯାଉଛି ।
