ରାଞ୍ଚି,୨୫।୪: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସ୍ତ୍ରୀ କଳ୍ପନା ସୋରେନ ନିର୍ବାଚନ ମଇଦାନରେ ପ୍ରବେଶ କରିଛନ୍ତି। ଗାଂଡେୟ ବିଧାନସଭା ଆସନରୁ ଉପ-ନିର୍ବାଚନରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ତାଙ୍କୁ ପ୍ରାର୍ଥୀ ଘୋଷଣା କରିଛନ୍ତି। ଯଦିଓ ତାଙ୍କୁ ନିର୍ବାଚନ ରାଲିରେ ଦେଖିବାକୁ ମିଳିଥିଲା, ସେ ମଧ୍ୟ ନିର୍ବାଚନ ରାଜନୀତିରେ ଯୋଗଦେବେ କି ନାହିଁ ସେନେଇ ଅନେକ ଆଲୋଚନା ହୋଇଥିଲା। ବର୍ତ୍ତମାନ ସେହି ଦଳର ପ୍ରାର୍ଥୀଙ୍କ ଘୋଷଣା ପରେ ଚିତ୍ର ସମ୍ପୂର୍ଣ୍ଣ ସ୍ପଷ୍ଟ ହୋଇଯାଇଛି। ମେ ୨୦ରେ ଏହି ଆସନରେ ମତଦାନ ଅନୁଷ୍ଠିତ ହେବ।
ଜେଏମଏମ କହିଛନ୍ତି, ଲୋକ ସଭା ସାଧାରଣ ନିର୍ବାଚନ ୨୦୨୪ ଏବଂ ଗାଂଡେୟ ବିଧାନସଭା ଉପ-ନିର୍ବାଚନ 2024 ରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚାର ପ୍ରାର୍ଥୀଙ୍କ ଅନ୍ତିମ ତାଲିକା ପ୍ରକାଶ ପାଇଛି। ସମୀର ମହାନ୍ତି ଜାମସେଦପୁର ଲୋକ ସଭା ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବେ। କଳ୍ପନା ସୋରେନଙ୍କୁ ଗାଂଡେୟ ବିଧାନସଭା ଆସନରୁ ପ୍ରାର୍ଥୀ କରାଯାଇଛି।
ନାମ ଘୋଷଣା ପୂର୍ବରୁ ମଧ୍ୟ କଳ୍ପନା ସୋରେନ ଏହିଆସନ ପାଇଁ ପ୍ରସ୍ତୁତି ଆରମ୍ଭ କରିଥିଲେ। ଏହି ଆସନ ଝାଡ଼ଖଣ୍ଡର ଗିରିଡିହ ଜିଲା ଅଧୀନରେ ଆସିଛି । ନିକଟରେ ସେ ସେଠାରେ ଜେଏମଏମ କର୍ମୀ ସମ୍ମିଳନୀକୁ ମଧ୍ୟ ସମ୍ବୋଧିତ କରିଥିଲେ।
