କଳିଙ୍ଗନଗର ଶିଳ୍ପାଞ୍ଚଳ: ୫ଶହ ଏକର ଜମିର ଧାନ ଫସଲ ଉଜୁଡ଼ିଲା

ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୪ା୮: ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳର ଦାନଗଦି ବ୍ଲକ ମାନତିରା, ରାବଣା, ଅରାସାହି, ମଙ୍ଗଳପୁର, ଦଶମାଣିଆ, କେନ୍ଦୁଢିପି ଆଦି ଗ୍ରାମର ୫୦୦ ଏକରରୁ ଊର୍ଦ୍ଧ୍ୱ ଜମିରେ ଧାନ ଗଛ ନଷ୍ଟ ହୋଇଛି। କେବଳ ଧାନ ଗଛ ନୁହେଁ ସମ୍ପୃକ୍ତ ଜମିରେ ମାଛ, କଙ୍କଡା ଆଦି ଶତାଧିକ ଜଳଚର ଜୀବ ମରି ପଡିଛନ୍ତି। ଲଗାଣ ବର୍ଷା ପରେ ପାର୍ଶ୍ୱବର୍ତ୍ତୀ ମଇଥାନ ଇସ୍ପାତ୍‌, ରୋହିତ ଫେରୋଟେକ୍‌, ନ୍ୟୁଭିଷ୍ଟା ଓ ଯାଜପୁର ସିମେଣ୍ଟର ପ୍ରଦୂଷିତ ଜଳ ପ୍ରଭାବରେ ଏଭଳି ପରିସ୍ଥିତି ସୃଷ୍ଟି ହେଉଥିବା ଚାଷୀମାନେ କହିଛନ୍ତି। ଅନ୍ୟପକ୍ଷେ ଜିଲା କୃଷି ବିଭାଗ ପକ୍ଷରୁ ଜିଲା କୃଷି ଅଧିକାରୀ ବୈରାଗୀ ସେଠୀ, ବ୍ଲକ କୃଷି ଅଧିକାରୀ ବେଣୁଧର ପଣ୍ଡା, କୃଷି ନୀରିକ୍ଷକ ଶରତ ଚନ୍ଦ୍ର ନାଏକ ପ୍ରମୁଖ ଘଟଣାସ୍ଥଳ ପରିଦର୍ଶନ କରି ପତ୍ର ସୁଡଙ୍ଗ ପୋକ ଯୋଗୁ ଫସଲ କ୍ଷତିଗ୍ରସ୍ତ ହୋଇଥିବା ସୂଚନା ଦେଇଛନ୍ତି। ତେବେ ଏହାର ଅଧିକ କାରଣ ଜାଣିବା ପାଇଁ କୃଷି ବିଭାଗ ପକ୍ଷରୁ ବଡ଼ଚଣା କୃଷି ବିଜ୍ଞାନ କେନ୍ଦ୍ର ଅଧିକାରୀଙ୍କୁ ସୂଚନା ଦିଆଯାଇଛି। ଏହାବାଦ୍‌ ରାସାୟନିକ ଦ୍ରବ୍ୟ ମିଶା ପାଣି ଯୋଗୁ ଜଳଚର ଜୀବଙ୍କ ମୃତ୍ୟୁ ହୋଇଛି ବୋଲି କୃଷି ବିଭାଗୀୟ ଅଧିକାରୀମାନେ ପ୍ରକାଶ କରିଛନ୍ତି। ଏହିକ୍ରମରେ ପୋକ ନା ବାୟୁ ଓ ଜଳ ପ୍ରଦୂଷଣ ଏଥିପାଇଁ ଦାୟୀ ସେ ନେଇ ଚାଷୀ ମହଲରେ ଆଶଙ୍କା ପ୍ରକାଶ ପାଇଛି।

ଜୁଲାଇ ଶେଷ ସପ୍ତାହରେ ଲଗାଣ ବର୍ଷା ହେବା ପରେ କ୍ଷେତରେ ରୁଆ ଧାନ ଗଛର ପତ୍ର ଶୁଖି ଯାଉଥିବା ଦେଖିବାକୁ ମିଳିଥିଲା। ଚାଷୀ ଏହା ଦେଖିବା ପରେ ମୁଣ୍ଡରେ ହାତ ଦେଇ ବସିଥିଲେ। ରୁଆ ବିହୁଡା ପାଇଁ ହଜାର ହଜାର ଟଙ୍କା ଖର୍ଚ୍ଚ କରିଥିବା ଚାଷୀ ଏଭଳି ପରିସ୍ଥିତି ଦେଖି କୃଷି ବିଭାଗକୁ ଜଣାଇଥିଲେ। ଏହାବାଦ୍‌ ଚାଷୀମାନେ କାରଖାନାର ବର୍ଜ୍ୟଜଳ ପାଇଁ ଏଭଳି ଭାବେ ଚାଷ କ୍ଷତିଗ୍ରସ୍ତ ହୋଇଥିବା ସନ୍ଦେହ କରିଥିଲେ। ମଇଥାନ ଇସ୍ପାତ୍‌ ଦୀର୍ଘଦିନ ଧରି ବନ୍ଦ ହେବା ପରେ ୨୦୨୧ରୁ ତାହା ପୁଣିଥରେ କାର୍ଯ୍ୟକ୍ଷମ ହୋଇଛି। ଏହି କାରଖାନାର ବର୍ଜ୍ୟଜଳ ଉପଚାର ନ କରି ବାହାରକୁ ଛଡ଼ାଯାଉଥିବା କାରଣରୁ ଶତାଧିକ ଏକର ଜମିରେ କେମିକାଲ ମିଶା ପାଣି ମାଡ଼ିଯାଉଛି। ନିକଟରେ ଲଗାଣ ବର୍ଷା ହେବା କାରଣରୁ ମଇଥାନ ଇସ୍ପାତ୍‌ ସମେତ ରୋହିତ ଫେରୋଟେକ୍‌ ଏବଂ ନ୍ୟୁଭିଷ୍ଟା ଓ ଯାଜପୁର ସିମେଣ୍ଟର ବର୍ଜ୍ୟଜଳ ବହୁ ପରିମାଣରେ ବାହାରକୁ ଛଡା ଯାଇଥିଲା ବୋଲି ଚାଷୀମାନେ କହିଛନ୍ତି। ଏହାବାଦ୍‌ ସିମେଣ୍ଟ କମ୍ପାନୀର ଅତି ପ୍ରଦୂଷଣ ଫ୍ଲାଏ ଆସ୍‌, ସ୍ଲାଗ୍‌, କ୍ଲିଙ୍କର, କୋଲ, ଜିପସନ ଆଦି ଖୋଲା ସ୍ଥାନରେ ରଖାଯାଉଛି। ବର୍ଷା ହେଲେ ସେହି ବିଷାକ୍ତ ପାଣି ଚାଷ ଜମିରେ ମିଶୁଛି। ଏହାସହ ସାମାନ୍ୟ ପବନ ହେଲେ ବାୟୁ ପ୍ରଦୂଷଣ ସୃଷ୍ଟି ହେଉଛି ବୋଲି ଗ୍ରାମବାସୀ ପ୍ରକାଶ କରିଛନ୍ତି। ଏହିସବୁ କାରଣ ଯୋଗୁ ଶତାଧିକ ଏକର ଚାଷ ଜମି କ୍ଷତିଗ୍ରସ୍ତ ହୋଇଥିବା ଚାଷୀମାନେ ସନ୍ଦେହ କରିଛନ୍ତି।

ମାନତିରା ଗ୍ରାମର ଚାଷୀ ଆନନ୍ଦ ମଲ୍ଲିକ କୁହନ୍ତି, ୨୦ ହଜାର ଟଙ୍କା ଋଣ କରି ୨ ଏକର ଜମିରେ ଧାନ ଚାଷ କରିଥିଲି। ଅମଳ ହେଲେ ଋଣ ଶୁଝିବା ସହ ବର୍ଷକର ଗୁଜୁରାଣ ମେଣ୍ଟାଇ ଥାଆନ୍ତି। କିନ୍ତୁ ସମସ୍ତ ଧାନ ଗଛ ପୋଡ଼ି ପାଉଁଶ ହେବାକୁ ବସିଛି। ଏଭଳି ପରିସ୍ଥିତିରେ ପରିବାର କେମିତି ଚଳିବ ସେ ନେଇ ଚିନ୍ତା ଘାରିଛି। ଚାଷୀ ପଦ୍ମନାଭ ପାଲ ଓ ବାବନ ମଲ୍ଲିକ କୁହନ୍ତି, ଚାଷ କରିଥିବା ସମସ୍ତ ଫସଲ ନଷ୍ଟ ହୋଇ ଯାଇଛି। ଏଭଳି ପରିସ୍ଥିିତିରେ ପରିବାର ପ୍ରତିପୋଷଣ କିଭଳି ହେବ ସେ ନେଇ ଦିନରାତି ଚିନ୍ତାରେ ଅଛି। କାରଖାନା ପ୍ରଦୂଷଣ ପାଣି ସେମାନଙ୍କୁ ତଳିତଳାନ୍ତ କରି ଦେଇଛି ବୋଲି ଚାଷୀମାନେ କହିଛନ୍ତି। ଏ ସଂକ୍ରାନ୍ତରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ଏସପିସିିବି)ର କଳିଙ୍ଗନଗର ଆଞ୍ଚଳିକ ଅଧିକାରୀ ପ୍ରମୋଦ କୁମାର ବେହେରାଙ୍କୁ ପଚାରିବାରେ ସେ କହିଛନ୍ତି, ଚାଷୀମାନଙ୍କଠାରୁ ଏଭଳି କୌଣସି ଅଭିଯୋଗ ସେମାନେ ପାଇନାହାନ୍ତି। ଉପରୋକ୍ତ ଗାଁ ନିକଟରେ ରହିଥିବା କାରଖାନାଗୁଡ଼ିକ ଆବଶ୍ୟକ ଗାଇଡ୍‌ଲାଇନ ମାନି ବାହାରକୁ ଜଳ ନିଷ୍କାସନ କରୁଛନ୍ତି। ତେବେ ନିକଟରେ ବର୍ଷା ହୋଇଥିବାରୁ ପ୍ରଦୂଷଣ ପାଣି ବାହାରକୁ ଯାଇଥାଇପାରେ। ଏନେଇ ଆବଶ୍ୟକ ପରୀକ୍ଷା ନିରୀକ୍ଷା କରିବା ପରେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି ସେ ସ୍ପଷ୍ଟ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?