ପାଟନା,୧ ।୯: ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ବୁଧବାର ବିହାର ଆସିଥିଲେ । ଏହି ସମୟରେ ସେ ତାଙ୍କ କାର୍ଯ୍ୟକ୍ରମ ପରେ ଏକ ପ୍ରେସ କନଫରେନ୍ସରେ ଯୋଗ ଦେଇଥିବା ସମୟରେ ତାଙ୍କୁ ଏମିତି ପ୍ରଶ୍ନ କରାଯାଇଥିଲା ଯେ ସେଠାରେ ଉପସ୍ଥିତ ଥିବା ବିହାର ମୁଖ୍ୟମନ୍ତ୍ରୀ ନୀତଶ କୁମାର ଓ ଉପ ମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ସେଠାରୁ ଉଠି ଚାଲିଯାଇଥିଲେ । ଯେତେବେଳେ ଖବରଦାତାମାନେ କେସିଆରଙ୍କୁ ପଚାରିଥିଲେ ନୀତୀଶ କ’ଣ ବିରୋଧି ଦଳର ପ୍ରଧାନମନ୍ତ୍ରୀ ପ୍ରାର୍ଥୀ ହେବେ । କେସିଆର ଏହାର ଉତ୍ତରରେ କହିଥିଲେ ସମୟ ଆସିଲେ ସବୁ ସ୍ପଷ୍ଟ ହେବ । ଠିକ୍ ଏତିକି ବେଳେ ନୀତୀଶ କୁମାର କହିଥିଲେ ଆପଣମାନେ ଫାଲତୁ ପ୍ରଶ୍ନ ପଚାରୁଛନ୍ତି । ତେବେ ଖବରଦାତାମାନେ ପ୍ରଶ୍ନ ଜାରି ରଖିଥିଲେ ବି ନୀତୀଶ ସେଠାରୁ ଉଠିଯିବା ସହ ତେଜସ୍ୱୀଙ୍କୁ କହିଥିଲେ ବାସ୍ ସରିଲା ଏବେ ଉଠନ୍ତୁ । ହେଲେ କେସିଆର ସେମାନଙ୍କୁ ବାରମ୍ବାର ବସିବାକୁ କହୁଥିଲେ ବି ସେମାନେ ଏହା ଶୁଣି ନ ଥିଲେ । ଏବେ ଏହାର ଏକ ଭିଡିଓ କେନ୍ଦ୍ରମନ୍ତ୍ରୀ ଗିରିରାଜ ସିଂ ଗୁରୁବାର ଟୁଇଟ କରି ଚୁଟକି ନେଇଛନ୍ତି । ସେ ଭିଡିଓଟି ଶେୟାର କରି ଲେଖିଛନ୍ତି, ଏମିତି ପ୍ରେସ କନଫରେନ୍ସ ମୁଁ ଆଜି ପର୍ଯ୍ୟନ୍ତ ଦେଖି ନ ଥିଲି ।
