ଓଟାଓ୍ବା,୭।୧୨: ଆମେରିକୀୟ ପପ ଷ୍ଟାର କେଟି ପେରି ଶେଷରେ ତାଙ୍କ ବ୍ୟକ୍ତିଗତ ସମ୍ପର୍କକୁ ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇଛନ୍ତି। ସେ ଇନଷ୍ଟାଗ୍ରାମରେ ଫଟୋ ଏବଂ ଭିଡିଓ ଶେୟାର କରି ସ୍ପଷ୍ଟ କରିଛନ୍ତି ଯେ ପୂର୍ବତନ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ସହ ତାଙ୍କ ସମ୍ପର୍କ ବନ୍ଧୁତାଠାରୁ ଅଧିକ ଆଗକୁ ବଢ଼ିଯାଇଛି। ପୋଷ୍ଟଗୁଡ଼ିକରେ ଦୁଇଜଣଙ୍କୁ ଏକାଠି ଅତ୍ୟନ୍ତ କମ୍ଫଟେବଲ ଏବଂ ଖୁସି ଦେଖାଯାଉଥିବା ଦେଖାଯାଇଥିଲା, ଯାହା ସେମାନଙ୍କ ସମ୍ପର୍କକୁ ନେଇ କଳ୍ପନାଜଳ୍ପନାକୁ ଆହୁରି ବୃାଇ ଦେଇିଥିଲା।
କେଟି ପେରି ବର୍ତ୍ତମାନ ଜାପାନ ଗସ୍ତରେ ଅଛନ୍ତି। ଏହି ସମୟ ମଧ୍ୟରେ, ସେ ଟ୍ରୁଡୋଙ୍କ ସହିତ ଅନେକ ସ୍ମରଣୀୟ ମୁହୂର୍ତ୍ତ ପୋଷ୍ଟ କରିଥିଲେ। ଗୋଟିଏ ଫଟୋରେ, ଦୁଇଜଣ ହସି ହସି ସେଲ୍ଫି ନେଉଥିବା ଦେଖାଯାଇଛି, ଯେତେବେଳେ ଏକ ଭିଡିଓରେ ସେମାନେ ଏକାଠି ଭୋଜନ ଏବଂ କଥାବାର୍ତ୍ତା କରୁଥିବା ଦେଖାଯାଉଛି। ପେରି ତାଙ୍କ ପୋଷ୍ଟର କ୍ୟାପସନ ଦେଇଛନ୍ତି, ‘ଟୋକିଓ ଗସ୍ତ ସମୟରେ ଏବଂ ଆହୁରି ଅନେକ…” ଅର୍ଥାତ, ‘ଟୋକିଓ ଗସ୍ତ ସମୟରେ ବିତାଇଥିବା ଅନେକ ବିଶେଷ ମୁହୂର୍ତ୍ତ।’
ପୂର୍ବତନ ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କ ଏକ ବିବୃତ୍ତି ଦ୍ୱାରା ଏହି ଖବରକୁ ଆହୁରି ନିଶ୍ଚିତ କରାଯାଇଥିଲା। ସେ ଟୁଇଟରରେ ଲେଖିଛନ୍ତି ଯେ ଜଷ୍ଟିନ ଟ୍ରୁଡୋ ତାଙ୍କ ସାଥୀଙ୍କ ସହିତ ଜାପାନ ଗସ୍ତ କରିଥିଲେ ଏବଂ ତାଙ୍କ ସହିତ ମଧ୍ୟାହ୍ନ ଭୋଜନ ମଧ୍ୟ କରିଥିଲେ। କିଶିଦାଙ୍କ ବିବୃତ୍ତି ବିଶ୍ୱବ୍ୟାପୀ ସେମାନଙ୍କ ସମ୍ପର୍କ ବିଷୟରେ କୌତୁହଳକୁ ଆହୁରି ବୃଦ୍ଧି କରିଥିଲା।
ଟ୍ରୁଡୋ ଏବଂ କେଟି ପେରିଙ୍କୁ ପ୍ରଥମ ଥର ପାଇଁ ଅକ୍ଟୋବର ୨୦୨୫ରେ ପ୍ୟାରିସରେ ପେରିଙ୍କ ୪୧ ତମ ଜନ୍ମଦିନ ପାଳନରେ ସାର୍ବଜନୀନ ଭାବରେ ଏକାଠି ଦେଖାଯାଇଥିଲା। ତଥାପି, ସେମାନଙ୍କୁ ପୂର୍ବରୁ ଜୁଲାଇ ୨୦୨୫ ରେ କାନାଡାରେ ସେମାନଙ୍କ କୁକୁରମାନଙ୍କୁ ବୁଲାଉଥିବାର ଦେଖାଯାଇଥିଲା।
ରିପୋର୍ଟ ଅନୁଯାୟୀ, ମଣ୍ଟ୍ରିଆଲରେ ସେମାନଙ୍କ ସାକ୍ଷାତ ପରେ ସେମାନଙ୍କ ସମ୍ପର୍କ ସାମ୍ନାକୁ ଆସିଥିଲା। ସେବେଠାରୁ ସେମାନେ ଡେଟିଂ ଆରମ୍ଭ କରିଥିଲେ ଏବଂ ଅନେକ ବ୍ୟକ୍ତିଗତ ଅବସରରେ ଏକାଠି ଦେଖାଯାଇଥିଲେ।
Dharitri – The Largest & Most Trusted Odia Daily
